Ɛzoanvolɛma Gyima ne 24:5 - BAEBOLO ANZƐƐ BULUKU NWUANZANWUANZA

⁵ Yɛnwu kɛ sonla ɛhye le agyegyeamra kpalɛ, ɔlɛtwehwe manzonle yeado Dwuuma mɔɔ wɔ aleɛabo la amuala avinli. Ɔli fane ne mɔɔ bɛfɛlɛ ye Nazalin la ati.

Ɛzoanvolɛma Gyima ne 24:5 ပူးပေါင်းရင်းမြစ်များ

Ɛseta Buluku ne 3:8

Akee Heeman hanle hilele Belemgbunli Zɛzɛse kɛ, “Menli bie mɔɔ bɛdabɛ asolo bɛ amaamuo la ɛde ɛkponde wɔ maanle maanle mɔɔ ɛsie bɛ la amuala anu. Bɛnli wɔ mɛla ɛdeɛ ne azo. Ɛhye ati ɔnle kpalɛ kɛ belemgbunli kɛlie bɛ wɔ ye maanle ye anu.

Gyɛlɛmaya Buluku ne 37:13

Mɔɔ ɔdwule Bɛngyaman Anlenkɛ Kpole ne anloa la, Hananaya anlɔnra nrenya Ayelaegya mɔɔ ɔ ze a le Hyɛlimaya la zɔle ye na ɔzele ye kɛ, “Ɛlɛnriandi wɔava ɛ nwo wɔahɔmaa Babeloniama!”

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Emɔzo Buluku ne 7:10

Amazaya, Bɛtɛle sɛlɛvolɛ ne hɔdoanle Emɔso hilele Yizilayɛ Belemgbunli Gyɛlɔbowam kɛ, “Emɔso ɛlɛmaa menli ne ɛ nwo adwenle ɛtane. Ye ngehanleɛ ne mɔ ɛbo maanle ne anwo zo.

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Mateyu hɛlɛle la 2:23

na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Maake hɛlɛle la 1:24

“Gyisɛse mɔɔ vi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule: Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Luku hɛlɛle la 23:19

(Balabase, ɔlua nzaka mɔɔ bɛdole wɔ suakpole ne azo, nee ye kɔdiawu ti yɛɛ bɛhyele ye bɛdole efiade a.)

Edwɛkpa ne kɛmɔ Luku hɛlɛle la 23:2

na bɛbɔle ɔ bo kɛ bɛtoɔdoa ye kɛ, “Yɛhyele nrenya ɛhye kɛ ɔlɛsɛkye yɛ menli ne mɔ adwenle, ɔse bɛmmatua adwule bɛmaa Maanle Maanle Belemgbunli ne na eza ɔkilehile kɛ ɔdaye mumua ne ɔle Kelaese, belemgbunli bie.”

Edwɛkpa ne kɛmɔ Luku hɛlɛle la 23:25

Ɔyele sonla ne mɔɔ ɔlua ye kɔdiawu nee ye maamɔlɛ nzakadolɛ zo bɛdole ye efiade na bɛse bɛkpondɛ ye la ɔmanle bɛ, na ɔvale Gyisɛse ɔmanle bɛ kɛ mɔɔ bɛkulo la, bɛyɛ.

Edwɛkpa ne kɛmɔ Luku hɛlɛle la 23:5

Na bɛ nye bolole ɛsesebɛ bɛzele kɛ, “Ɔlɛfa ye ngilehilelɛ ne yeamaa menli ne ado nzaka wɔ Dwudiya amuala. Ɔbɔle ɔ bo wɔ Galeli yɛɛ yeradwu ɛke a.”

Ɛzoanvolɛma Gyima ne 15:5

Na diedima ne bie mɔ mɔɔ boka Falasii fane ne anwo la dwazole na bɛhanle kɛ, “Ɔwɔ kɛ bɛdabɛ mɔɔ bɛnle Dwuuma la yɛ bɛ mrenyanu nzonlɛ na eza bɛdi Mosisi mɛla ne azo.”

Ɛzoanvolɛma Gyima ne 21:28

bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.”

Ɛzoanvolɛma Gyima ne 22:22

Menli ne mɔ diele Pɔɔlo toonwo na mɔɔ ɔhanle edwɛkɛ kpɔkɛ ɛhye la bɛ muala bɛ ahonle futule na bɛdeɛdeanle nu kɛ, “Bɛye ye wɔ ɛkɛ ne! Bɛhu ye! Ɔle musuofoɔ!”

Ɛzoanvolɛma Gyima ne 24:14

Ko mɔɔ medie meto nu la a le kɛ melua Awulae Adenle ye mɔɔ bɛmɛ bɛse ɔnle nɔhalɛ la azo yɛɛ mesonle yɛ nlenya mɔ Nyamenle ne a. Noko eza medie mɔɔ bɛhɛlɛ ye wɔ Mosisi mɛla ne anu, nee Nyamenle kpɔmanvolɛma mbuluku ne mɔ anu la medi.

Ɛzoanvolɛma Gyima ne 24:4

Mengulo kɛ mesɛkye wɔ mekɛ biala, yemɔti mesɛlɛ wɔ, tie yɛ edwɛkɛ sikalɛ ɛhye.

Ɛzoanvolɛma Gyima ne 25:7

Mɔɔ Pɔɔlo rale la, Dwuuma mɔɔ vi Gyɛlusalɛm rale la radonle ye ɛzonle mgbole bie mɔɔ akee bɛdabɛ bɔbɔ bɛngola bɛngilehile nu a.

Ɛzoanvolɛma Gyima ne 26:5

Bɛze, yɛɛ saa bɛdi nɔhalɛ a, anrɛɛ bɛkola bɛdi daselɛ kɛ mɔlebɛbo ne amuala ɛnee meboka ɛzonlenlɛ fane ɛsesebɛ ne mɔɔ bɛfɛlɛ ye Falasii la anwo.

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 5:17

Ɛzoanvolɛma ne anwo anyebolo dɔle Sɛlɛvolɛ Kpanyinli ne nee ɔ sa zo ne mɔ, mɔɔ le fane ne mɔɔ bɛfɛlɛ ye Sadusii la anu amra anwo, na bɛvale adwenle kɛ bɛyɛ nwolɛ bie.

Ɛzoanvolɛma Gyima ne 6:13

Bɛmanle menli ralile dasewia kɛ, “Nrenya ɛhye, dahuu ɔtendɛ ɔtia yɛ Ɛzonlenlɛ Sua nwuanzanwuanza ye nee Mosisi mɛla ne.

1 Kɔl 11:19

(Kɛ ɔkɛyɛ biala la ɔwɔ kɛ mgbakyemgbakye ba bɛ nu, amaa bɛdabɛ mɔɔ bɛgyi pi la anwo ala ali kpalɛ.)

1 Kɔl 4:13

Bɛyɛ yɛ aholoba a, yɛtendɛ kpalɛ yɛkile bɛ. Yɛyɛ ewula wɔ ewiade ye anu; ɛnɛ nee ɛnɛ ala yɛle ewiade amra fovolɛ.

1 Pit 2:19

Saa bɛfa Nyamenle ɛhulolɛ bɛsie bɛ nyunlu, na ɔlua yemɔti bɛnwu amaneɛ mɔɔ ɛnfɛta la, na bɛsi nwolɛ abotane a, ɔbayila bɛ.