Ɛzoanvolɛma Gyima ne 24:14 - BAEBOLO ANZƐƐ BULUKU NWUANZANWUANZA

¹⁴ Ko mɔɔ medie meto nu la a le kɛ melua Awulae Adenle ye mɔɔ bɛmɛ bɛse ɔnle nɔhalɛ la azo yɛɛ mesonle yɛ nlenya mɔ Nyamenle ne a. Noko eza medie mɔɔ bɛhɛlɛ ye wɔ Mosisi mɛla ne anu, nee Nyamenle kpɔmanvolɛma mbuluku ne mɔ anu la medi.

Ɛzoanvolɛma Gyima ne 24:14 ပူးပေါင်းရင်းမြစ်များ

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

Edwɛndolɛ Buluku ne 119:46

Mebabɔ wɔ mɛla ne mɔ nolo meahile arelemgbunli, menrɛze nwolɛ nyiane,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Emɔzo Buluku ne 8:14

Bɛdabɛ mɔɔ bɛfa Samɛlea awozonle ananze ne mɔ bɛka ndane kɛ, ‘Meka Dan bozonle ne’, anzɛɛ ‘Meka Biyɛhyiba bozonle ne’ la amuala bagua aze, yɛɛ bɛnrɛdwazo bieko.”

Maeka Buluku ne 4:2

na menli dɔɔnwo baraha kɛ, “Bɛrɛla bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ Zayɔn yɛɛ mɛla ne vi bara a, Ɛdɛnkɛma edwɛkɛ ne vi Gyɛlusalɛm a bara a.”

Edwɛkpa ne kɛmɔ Mateyu hɛlɛle la 10:32

“Awie biala mɔɔ kɛha ye baguase kɛ ɔle me ɛdeɛ la, medame menwɔyɛ ye zɔhane ala menwɔmaa ye wɔ Egya mɔɔ wɔ anwuma la anyunlu.

Edwɛkpa ne kɛmɔ Mateyu hɛlɛle la 22:40

Mɛla nwiɔ ye azo yɛɛ Mosisi mɛla ne kpokpoti nee Nyamenle kpɔmanvolɛma ngilehilelɛ ne mɔ amuala gyi a.”

Edwɛkpa ne kɛmɔ Mateyu hɛlɛle la 7:12

“Zɔhane ati mɔɔ bɛkpondɛ kɛ menli yɛ maa bɛ la, bɛdabɛ noko bɛyɛ zɔhane ala bɛmaa bɛ. Mosisi mɛla ne nee Nyamenle kpɔmanvolɛma ngilehilelɛ ne kɛ kɔ ye la ɛne.

Edwɛkpa ne kɛmɔ Luku hɛlɛle la 1:70

Ɔluale ye kpɔmanvolɛma nwuanzanwuanza ne mɔ anwo zo ɔbɔle yɛ ɛwɔkɛ dɛba kɛ,

Edwɛkpa ne kɛmɔ Luku hɛlɛle la 16:16

“Ɛnee Mosisi mɛla ne nee mɔɔ Nyamenle kpɔmanvolɛma hɛlɛle la gyi kpundii hɔkpulale mekɛ mɔɔ Dwɔn Sɔnevolɛ ne rale la; ɔvi mekɛ ne anu toonwo mɔɔ ɛrakpula ɛnɛ, mɔɔ bɛvale Edwɛkpa ne mɔɔ fane Nyamenle Belemgbunlililɛ ne anwo la nolobɔlɛ la, awie biala ɛlɛpele kɛ ɔkɛnyia ye.

Edwɛkpa ne kɛmɔ Luku hɛlɛle la 16:29

“Ebileham zele ye kɛ, ‘Bɛlɛ menli wɔ bɛ nwo lɔ ɛlɛkakyehakye bɛ Mosisi mɛla ne nee Nyamenle kpɔmanvolɛma ngilehilelɛ ne mɔ, na ɔwɔ kɛ ɛ mediema ne mɔ tie bɛ.’

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Ɛzoanvolɛma Gyima ne 10:43

Nyamenle kpɔmanvolɛma amuala ka ɔ nwo edwɛkɛ kɛ awie biala mɔɔ kɛlie ye kɛli la, ɔlua ye duma ne tumi zo bɛkɛva ye ɛtane bɛkɛhyɛ ye.”

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 15:5

Na diedima ne bie mɔ mɔɔ boka Falasii fane ne anwo la dwazole na bɛhanle kɛ, “Ɔwɔ kɛ bɛdabɛ mɔɔ bɛnle Dwuuma la yɛ bɛ mrenyanu nzonlɛ na eza bɛdi Mosisi mɛla ne azo.”

Ɛzoanvolɛma Gyima ne 19:23

Mekɛ ɛhye anu ala Awulae Adenle ne ngilehilelɛ ne ati nzaka zile Ɛfɛsɛse.

Ɛzoanvolɛma Gyima ne 19:9

Na kɛmɔ bie mɔ ahonle ɛsolo la ati, bɛ muala bɛanlie bɛanli. Bie mɔ dendɛle ɛtane tiale Awulae Adenle ne wɔ menli somaa ne anyunlu. Zɔhane ati Pɔɔlo gyakyile bɛ na ɔ nee diedima ne mɔ akee kɔtendɛ na ɔkilehile bɛ wɔ Taelanɛse sukulu sua ne anu alehyenlɛ biala.

Ɛzoanvolɛma Gyima ne 22:14

Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Ɛzoanvolɛma Gyima ne 24:22

Filekese ze Awulae Adenle ɛhye anwo bie kpalɛ, yemɔti ɔdule edwɛkɛ ne ɔziele na ɔzele kɛ, “Saa sogyama kpanyinli Lesease ba a mebanwu mɔɔ meka ye wɔ bɛ edwɛkɛ ne anwo a ɔkɛyɛ boɛ la.”

Ɛzoanvolɛma Gyima ne 24:5

Yɛnwu kɛ sonla ɛhye le agyegyeamra kpalɛ, ɔlɛtwehwe manzonle yeado Dwuuma mɔɔ wɔ aleɛabo la amuala avinli. Ɔli fane ne mɔɔ bɛfɛlɛ ye Nazalin la ati.

Ɛzoanvolɛma Gyima ne 25:8

Pɔɔlo zale ɔ ne kɛ, “Metɛyɛle ɛtane biala metɛtiale Dwuuma mɛla ne anzɛɛ Ɛzonlenlɛ Sua ne na yeayɛ Wulomu Maanle Maanle belemgbunli ne.”

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

Ɛzoanvolɛma Gyima ne 26:27

Belemgbunli Agelepa, asoo ɛdie Nyamenle kpɔmanvolɛma edwɛkɛ ne ɛdi? Meze kɛ ɛdie ɛdi somaa!”

Ɛzoanvolɛma Gyima ne 26:4

“Ɔvi me ngakula nu, Dwuuma amuala ze kɛ mezi mebɔ me ɛbɛla la. Bɛze kɛ membɔle me ɛbɛla bo wɔ me maanle ye anu, nee Gyɛlusalɛm.

Ɛzoanvolɛma Gyima ne 26:6

Kɛkala megyi ɛke kɛ bɛdi me edwɛkɛ, ɔluakɛ melɛ anyelazo wɔ Nyamenle ɛwɔkɛ ne mɔɔ ɔbɔle yɛ nlenya mɔ la anu.

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

Ɛzoanvolɛma Gyima ne 7:32

‘Mame a mele ɛ nlenya mɔ Nyamenle ne, Ebileham, Ayezeke, yɛɛ Gyekɔbo Nyamenle ne a.’ Mosisi ahonle dule kpole na yeangulo kɛ ɔkɛmaa ɔ nye zo ɔkɛnlea deɛ ne bieko.

Ɛzoanvolɛma Gyima ne 9:2

na ɔhɔliele tumi ngɛlɛta kɛ ɔkɔ Dɛmasekɛse nyianu azua ne mɔ anu yeahɔhye bɛdabɛ mraalɛ nee mrenya mɔɔ bɛlua Awulae Adenle ne azo la, yeakyekye bɛ, ɔ nee bɛ ara Gyɛlusalɛm.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 3:21

Kɛkala, adenle mɔɔ Nyamenle dua zo maa menli sɔ ɔ nye la ɛrala ɛkɛ wienyi, yɛɛ ɔnvane mɛla ne anwo hweledede. Mɛla mumua ne nee Nyamenle kpɔmanvolɛma di ɛhye anwo daselɛ.

1 Kɔl 11:19

(Kɛ ɔkɛyɛ biala la ɔwɔ kɛ mgbakyemgbakye ba bɛ nu, amaa bɛdabɛ mɔɔ bɛgyi pi la anwo ala ali kpalɛ.)

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:10

Sonla mɔɔ fa mgbakyemgbakye ara la, bɔ ye kɔkɔ fane kɛyɛ nwiɔ, na gyakyi ye maa ɔva ɔ nwo.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.