Ɛzoanvolɛma Gyima ne 23:5 - BAEBOLO ANZƐƐ BULUKU NWUANZANWUANZA

⁵ Pɔɔlo buale bɛ kɛ, “Mediema Yizilayɛma, menze kɛ ɔle Sɛlɛvolɛ Kpanyinli. Nyamenle Edwɛkɛ ne se, ‘Mmaka wɔ kpanyinli mɔɔ nea wɔ menli nwo zo la anwo edwɛkɛ ɛtane.’ ”

Ɛzoanvolɛma Gyima ne 23:5 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

Nolo 10:20

Mmaka ɛ ne aze ɛbɔ belemgbunli ne anwo tokule, yɛɛ mmafea wɔ suakunlu bɔbɔ ɛbɔ sukoavolɛ anwo tokule. Anloma anzɛɛ kɛkɛba biala mɔɔ lɛ ndɛbalɛ la bahola ahɔha mɔɔ wɔha la ahile bɛ.

Ɛzoanvolɛma Gyima ne 23:4

Menli mɔɔ gyi Pɔɔlo anwo ɛkɛ ne la zele ye kɛ, “Hɛe, ɛyɛ Nyamenle Sɛlɛvolɛ Kpanyinli ne aholoba ɔ?”

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.