Ɛzoanvolɛma Gyima ne 23:1 - BAEBOLO ANZƐƐ BULUKU NWUANZANWUANZA

¹ Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 23:1 ပူးပေါင်းရင်းမြစ်များ

Mrɛlɛbulɛ Buluku ne 28:1

Amumuyɛma nriandi mekɛ mɔɔ awie ɛndoa bɛ la, na tenlenema akɛnra yɛ se kɛ awenade.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 22:30

Ɛnee sogyama kpanyinli ne kpondɛ kɛ ɔnwu deɛ holɛ ko mɔɔ yemɔti Dwuuma ne ɛlɛto Pɔɔlo ɛzonle la ati, aleɛ hyenle la ɔmanle bɛyele Pɔɔlo nwɔnzɔnwɔnzɔ ne na ɔmanle sɛlɛvolɛ mgbanyinli ne nee ayiama ne mɔ amuala yiale na ɔvale Pɔɔlo ɔragyinlanle bɛ nyunlu ɛkɛ.

Ɛzoanvolɛma Gyima ne 22:5

Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 23:15

Yemɔti, bɛ nee ayiama ne ɛbɔ nu na bɛzoa bɛmaa bɛhɔze Wulomu sogyama kpanyinli ne kɛ ɔmaa bɛva Pɔɔlo bɛrɛla na bɛkpondɛ kɛ bɛbizebiza ye edwɛkɛ ne anu kpalɛ. Na kɛ ɔkɛyɛ biala la toonwo mɔɔ ɔkadwu ɛke la ɛnee yɛhu ye.”

Ɛzoanvolɛma Gyima ne 23:20

Kpavolɛ ne zele ye kɛ, “Dwuu mgbanyima ne ɛli bɛ nloa kɛ ɛhyema bɛbaraha bɛahile wɔ kɛ ɛva Pɔɔlo ɛrɛla bagua ne anyunlu ɛmaa bɛdie ye edwɛkɛ ne kpalɛ.

Ɛzoanvolɛma Gyima ne 23:28

Memkpondɛle kɛ menwɔnwu ye nvoleɛ, yemɔti menvale ye mengɔle bɛ ayia ne anyunlu kɛ mekadie nu kpalɛ.

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Ɛzoanvolɛma Gyima ne 6:15

Bɛdabɛ mɔɔ bɛwɔ ayia ne abo la amuala anye hale Sitivin anwo, na bɛnwunle kɛ ɛnee ɔ nyunlu ɛyɛ kɛ Nyamenle soanvolɛ nyunlu la.

1 Kɔl 4:4

Me ti anu wienyi; debie biala ɛntia me, noko ɛhye ɛngile kɛ amgba medi benle. Awulae angome a bua me ndɛne a.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

Kɛlata mɔɔ bɛhɛlɛle bɛhɔmanle Hibuluma la 13:18

Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.