Ɛzoanvolɛma Gyima ne 22:7 - BAEBOLO ANZƐƐ BULUKU NWUANZANWUANZA

⁷ Mempɛle menfinle na mendele kɛ ɛnelɛ bie se, ‘Sɔɔlo, Sɔɔlo! Duzu ati a ɛyɛ me kpɔdekpɔde zɛhae ɛ?’

Ɛzoanvolɛma Gyima ne 22:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:8

na ɔbizale ye kɛ, “Sɛleeyae sonvolɛ raalɛ Heega, nienwu a ɛvi wɔra ɛke a, yɛɛ nienwu ɛleka a ɛlɛkɔ a?” Ɔbuale ye kɛ, “Melɛnriandi meavi me menle raalɛ Sɛleeyae anwo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:1

Ɛhye mɔ anzi Nyamenle zɔle Ebileham nleanle na ɔzele ye kɛ, “Ebileham!” Na Ebileham liele zolɛ, “Mewɔ ɛke.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:11

Na Ɛdɛnkɛma soanvolɛ vɛlɛle ye vile anwuma, ɔse, “Ebileham, Ebileham!” Ebileham liele zolɛ, “Mewɔ ɛke!”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:9

Na Ɛdɛnkɛma Nyamenle vɛlɛle nrenya ne na ɔbizale ye kɛ, “Ɛwɔ nienwu?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:4

Mɔɔ Ɛdɛnkɛma nwunle kɛ yehwe ahane kɛ ɔnea la, Nyamenle vɛlɛle ye wɔ kpɔkɛ ne anu, “Mosisi! Mosisi!” Na Mosisi zulole zolɛ kɛ, “Mewɔ ɛke.”

Gyɛlɛmaya Buluku ne 2:5

Kɛ Ɛdɛnkɛma se la ɛne: “Duzu ɛtane a bɛ ze mɔ nwunle ye me nwo, mɔɔ yemɔti bɛnriandile me, bɛhɔzonlenle mmonle mɔɔ nvasoɛ biala ɛnle bɛ nwo zo, na bɛdabɛ bɛyɛle mgbane a?

Gyɛlɛmaya Buluku ne 2:9

“Yemɔti, medame Ɛdɛnkɛma, mese me nee bɛ ɛnyia ye, yɛɛ me nee bɛ bo zo amra banyia ye.

Edwɛkpa ne kɛmɔ Mateyu hɛlɛle la 25:45

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛkpole kɛ bɛnrɛboa menli ɛhye mɔ mɔɔ anwo ɛngyia la anu ko bɔbɔ la, bɛkpole kɛ bɛnrɛboa medame noko.’

Edwɛkpa ne kɛmɔ Mateyu hɛlɛle la 27:23

Paelɛte bizale bɛ kɛ, “Kɛmɔti ɛ, duzu ɛtane a yeyɛ a?” Na bɛdeɛdeanle nuhua kpole kɛ, “Bɔ ye meanubaka nu!”

Ɛzoanvolɛma Gyima ne 22:6

“Mɔɔ melua adenle zo melɛkɔ na ɔka ekyii medwu Dɛmasekɛse la, kɛyɛ sɛnzɛngyinla mekɛ nu, arɛlevilɛ nu ala wienyi kpole bie vi anwuma dale bɛnrale yiale me.

Ɛzoanvolɛma Gyima ne 22:8

Na membizale kɛ, ‘Awulae, ɛdawɔ nwane ɔ?’ Na ɔzele me kɛ, ‘Medame a mele Gyisɛse mɔɔ vi Nazalɛte, mɔɔ wɔdu ɛ nye wɔzie me nyunlu ɛlɛyɛ me kpɔdekpɔde la.’

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

1 Sam 3:10

Ɛdɛnkɛma ragyinlanle ɛkɛ ne na kɛmɔ ɔyɛ ye dɛba ne ala la, ɔvɛlɛle Samoɛle bieko, “Samoɛle, Samoɛle!” Samoɛle liele zolɛ, “Tendɛ, wɔ sonvolɛ ɛlɛtie.”