Ɛzoanvolɛma Gyima ne 22:6 - BAEBOLO ANZƐƐ BULUKU NWUANZANWUANZA

⁶ “Mɔɔ melua adenle zo melɛkɔ na ɔka ekyii medwu Dɛmasekɛse la, kɛyɛ sɛnzɛngyinla mekɛ nu, arɛlevilɛ nu ala wienyi kpole bie vi anwuma dale bɛnrale yiale me.

Ɛzoanvolɛma Gyima ne 22:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:15

Ɔhyɛle ye ɛlɔnema ne anu na ɔvale bɛ ɔhɔle ye kpɔvolɛma ne anwo zo nɔɔzo, ɔtetale bɛ na ɔvoanle bɛ toonwo ɔhɔdwule Hobaa, wɔ Dɛmasekɛse sɔlɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:2

Ebilam hanle kɛ, “O Ɛdɛnkɛma Nyamenle, duzu yɛɛ ɛbava wɔamaa me a, ɔluakɛ menlɛ ralɛ, yɛɛ sonla mɔɔ kɛkala bali me agya la a le Ɛleyizɛ mɔɔ vi Dɛmasekɛse la.

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Ɛzoanvolɛma Gyima ne 22:7

Mempɛle menfinle na mendele kɛ ɛnelɛ bie se, ‘Sɔɔlo, Sɔɔlo! Duzu ati a ɛyɛ me kpɔdekpɔde zɛhae ɛ?’

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”

1 Kɔl 15:8

Awieleɛ ne, ɔyele ɔ nwo ɔhilele medame noko, medame zɛhae ala, mɔɔ mele kɛ kyɛkyɛ ralɛ la.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.