Ɛzoanvolɛma Gyima ne 22:5 - BAEBOLO ANZƐƐ BULUKU NWUANZANWUANZA

⁵ Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 22:5 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 22:66

Mɔɔ maanle nu tetele la, mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ yiale nu na bɛvale Gyisɛse bɛraziele ayia ne anyunlu.

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 2:29

“Mediema, bɛmaa menga ye wienyi mengile bɛ kɛ yɛ ze Devidi wule na bɛziele ye, na ye sɛka wɔ ɛkɛ kɛkala.

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 26:10

yɛɛ mɔɔ menyɛle ye wɔ Gyɛlusalɛm la ɛne. Menliele tumi wɔ sɛlɛvolɛ mgbanyinli ne mɔ ɛkɛ ne na menguale Nyamenle menli ne dɔɔnwo efiade. Eza saa bɛbua bɛ ewule fɔlɛ a, meto me ɛma mefua zolɛ.

Ɛzoanvolɛma Gyima ne 26:11

Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Ɛzoanvolɛma Gyima ne 26:12

“Ɛhye ala anwo bie yɛɛ sɛlɛvolɛ mgbanyinli ne mɔ manle me tumi kɛlata manle mengɔle Dɛmasekɛse a.

Ɛzoanvolɛma Gyima ne 28:17

Ɔlile kenle nsa la Pɔɔlo vɛlɛle Dwuu mgbanyima mɔɔ wɔ sua ne azo la, ɔ nee bɛ yiale nu na ɔzele bɛ kɛ, “Me mediema Yizilayɛma, meanyɛ ɛtane biala meantia me menli anzɛɛ yɛ amaamuo ne mɔɔ yɛnyianle yɛvile yɛ nlenya mɔ lɔ la, noko bɛhyele me piliza bɛyele me bɛmanle Wulomuma wɔ Gyɛlusalɛm.

Ɛzoanvolɛma Gyima ne 28:21

Bɛzele ye kɛ, “Yɛmɛ yɛtɛnyianle ɛ nwo kɛlata biala vi Dwudiya, yɛɛ mediema ne mɔ biala ɛtɛbale ɛtɛbabɔle yɛ nehane amaneɛ biala mɔɔ le ɛtane wɔ ɛ nwo a.

Ɛzoanvolɛma Gyima ne 3:17

“Na mediema, meze kɛ mɔɔ bɛ nee bɛ mgbanyima ne mɔ yɛle Gyisɛse la, tɛ bɛ ɔ.

Ɛzoanvolɛma Gyima ne 4:5

Aleɛ hyenle la Dwuu mgbanyima ne nee asɔne ne anu adile adile ne mɔ nee mɛla kilehilevolɛma ne yiale Gyɛlusalɛm.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:13

Bɛdabɛ bɛde mɔɔ menyɛle wɔ mekɛ mɔɔ ɛnee meli Dwuuma Nyamenlezonlenlɛ maamɛla ne anzi la. Menyɛle Nyamenle menli ne kpɔdekpɔde memanle ɔbole zolɛ na membɔle mɔdenle kɛ megu asɔne ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:6

Mɔdenlebɔlɛ nu a menyɛle diedima ne kpɔdekpɔde, yɛɛ saa ɔhale kɛ sonla di mɛla ne azo na yeazɔ Nyamenle anye a, anrɛɛ menli fɔlɛ hweledede.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.