Ɛzoanvolɛma Gyima ne 22:3 - BAEBOLO ANZƐƐ BULUKU NWUANZANWUANZA

³ “Mele Dwuunli, bɛwole me wɔ Taasɛse mɔɔ wɔ Selesea maanle nu la. Bɛtetele me wɔ Gyɛlusalɛm ɛke wɔ nwomanli Gameeleɛle sukulu ne anu. Menzukoale yɛ nlenya mɔ mɛla ne nee amaamuo ne kpalɛ, na mendule me nwo memanle Nyamenle, kɛmɔ kɛkala bɛde la.

Ɛzoanvolɛma Gyima ne 22:3 ပူးပေါင်းရင်းမြစ်များ

2 Sam 21:2

(Yemɔti belemgbunli ne vɛlɛle Gebɛyɔnoma manle bɛrale. Gebɛyɔnoma ɛnle Yizilayɛma. Bɛle Amɔlema ekpunli ekyi bie mɔɔ ɛha a. Yizilayɛma bɔle bɛ ɛwɔkɛ kɛ bɛkɛzinza bɛ, noko Sɔɔlo bɔle mɔdenle biala kɛ ɔkɛbɔ bɛ bo zo bɔkɔɔ, amaa ɔ sa aha Yizilayɛma nee Dwudama.)

2 Arl 4:38

Ɛhɔne zile maanle ne anu, azɛlɛ ne azo, na Yilaehya rale Gelegale. Nyamenle kpɔmanvolɛma asa azo ne bie mɔ radɛnlanle ɔ nwo ɛkɛ na ɔzele ye sonvolɛ ne kɛ, “Fa ɛzɛne kpole ne sie senle zo na to aleɛ maa Nyamenle kpɔmanvolɛ asa azo ne mɔ.”

Edwɛkpa ne kɛmɔ Luku hɛlɛle la 10:39

Maata lɛ ɔ diema raalɛ ko, bɛfɛlɛ ye Mɛle. Mɛle dɛnlanle Awulae agyakɛ abo ɛkɛ ne na ɔdiele ye ngilehilelɛ ne.

Edwɛkpa ne kɛmɔ Luku hɛlɛle la 2:46

Ye kenle nsa ne azo, bɛnwunle ye wɔ Ɛzonlenlɛ Sua ne anu kɛ ɔde Dwuu kilehilevolɛma avinli, ɔlɛtie bɛ edwɛkɛ ne bie na ɔbizebiza bɛ kpuyia.

Edwɛkpa ne kɛmɔ Luku hɛlɛle la 8:35

Menli hɔle kɛ bɛkanlea mɔɔ ɛzi la. Bɛrale Gyisɛse anwo ɛkɛ ne la bɛnwunle nrenya ne mɔɔ bɛdule sunsum ɛtane ne mɔ wɔ ɔ nwo la kɛ ɔde Gyisɛse anwo ɛkɛ ne na ɔheda ɛdanlɛ, ye adwenle la ɛkɛ ne wienyi; na bɛzulole.

Ɛzoanvolɛma Gyima ne 11:25

Baanabase akee hɔle Taasɛse kɛ ɔkakpondɛ Sɔɔlo.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:41

Ɔhɔle Selea nee Selesea ɔhɔmanle diedima mɔɔ wɔ asɔne ne mɔ anu la anwosesebɛ.

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

Ɛzoanvolɛma Gyima ne 21:39

Pɔɔlo buale ye kɛ, “Mele Dwuunli. Bɛwole me wɔ Taasɛse mɔɔ wɔ Selesea la. Mevi suakpole kpalɛ zo. Mekpa wɔ kyɛlɛ, maa mendendɛ ekyii mengile menli ne mɔ.”

Ɛzoanvolɛma Gyima ne 23:34

Amɛnlado ne gengale kɛlata ne wiele la, ɔbizale Pɔɔlo maanzinli mɔɔ ɔvi nu la. Mɔɔ ɔdele kɛ ɔvi Selesea la

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 26:5

Bɛze, yɛɛ saa bɛdi nɔhalɛ a, anrɛɛ bɛkola bɛdi daselɛ kɛ mɔlebɛbo ne amuala ɛnee meboka ɛzonlenlɛ fane ɛsesebɛ ne mɔɔ bɛfɛlɛ ye Falasii la anwo.

Ɛzoanvolɛma Gyima ne 26:9

“Medame, ɛnee medwenle kɛ ɔle me gyima kɛ ɔwɔ kɛ mebɔ mɔdenle meyɛ debie biala metia Gyisɛse ɛhye mɔɔ vi Nazalɛte la duma ne,

Ɛzoanvolɛma Gyima ne 5:34

Na bɛ nuhua ko dwazole. Ɔle Falasiinli, bɛfɛlɛ ye Gameeleɛle. Ɔle mɛla kilehilevolɛ yɛɛ maanlema bu ye kpole kpalɛ. Ɔmanle bɛvale ɛzoanvolɛma ne mɔ bɛvindele,

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Ɛzoanvolɛma Gyima ne 9:1

Mekɛ ne anu ɛnee Sɔɔlo lɛ ye kɔdiawu adwenle ne tɛgyegye Awulae ɛdoavolɛma ne. Ɔhɔle Sɛlɛvolɛ Kpanyinli ne ɛkɛ

Ɛzoanvolɛma Gyima ne 9:11

Na Awulae zele ye kɛ, “Kɔ kpalɛ ne mɔɔ bɛfɛlɛ ye ‘Fɔɔnwo’ la azo, na kɔ Dwudase sua nu, na biza awie bie mɔɔ vi Taasɛse na bɛfɛlɛ ye Sɔɔlo la. Ɔgua zolɛ ɔlɛyɛ nzɛlɛlɛ,

Ɛzoanvolɛma Gyima ne 9:30

Mɔɔ diedima ne bie mɔ dele ɛhye la, bɛvale Sɔɔlo bɛhɔle Sizalia na bɛmanle ɔhɔle Taasɛse.

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

2 Kɔl 11:22

Saa bɛle Hibuluma a, medame mele Hibulunli. Saa bɛle Yizilayɛma a, medame mele Yizilayɛnli. Saa bɛle Ebileham nlɔnra a, medame mele Ebileham anlɔnra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:14

Wɔ me tipɛne ne mɔ anu, biala ɛnle ɛkɛ mɔɔ nee me sɛ wɔ Dwuuma maamɛla ne azo ɛlilɛ nu a, yɛɛ eza me nye bolo yɛ nlenya mɔ ngilehilelɛ ne mɔɔ bɛgyakyile yɛ la anwo ɛsesebɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:21

Nzinlii mengɔle akpɔsa wɔ Selea nee Selesea maanzinli ne mɔ anu.

Mɛla 33:3

Ɛhɛe, ɔhulole ye menli ne, ɔbɔ bɛdabɛ mɔɔ bɛva bɛ nwo bɛmaa ye la anwo bane. Ɛhye ati bɛdoale ɛ bo zo, bɛtie bɛyɛ mɔɔ ɛkɛze bɛ la.