Ɛzoanvolɛma Gyima ne 22:20 - BAEBOLO ANZƐƐ BULUKU NWUANZANWUANZA

²⁰ Mekɛ mɔɔ bɛku wɔ dasevolɛ Sitivin la, ɛnee medame mewɔ ɛkɛ, me kunlu dwole ye ɛhunlɛ nwo na menliele menli mɔɔ hunle ye la ndanlɛ menlɛle bɛ.’

Ɛzoanvolɛma Gyima ne 22:20 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 11:48

Yemɔti bɛdi daselɛ, yɛɛ bɛ kunlu dwo mɔɔ bɛ nlenya mɔ yɛle la anwo, ɔluakɛ bɛ nlenya mɔ hunle Nyamenle kpɔmanvolɛma ne mɔ, yɛɛ bɛmɛ bɛdole bɛ nla ne mɔ.

Ɛzoanvolɛma Gyima ne 26:10

yɛɛ mɔɔ menyɛle ye wɔ Gyɛlusalɛm la ɛne. Menliele tumi wɔ sɛlɛvolɛ mgbanyinli ne mɔ ɛkɛ ne na menguale Nyamenle menli ne dɔɔnwo efiade. Eza saa bɛbua bɛ ewule fɔlɛ a, meto me ɛma mefua zolɛ.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 7:58

Bɛhwenle ye bɛ nee ye hɔle suakpole ne kandiba, na bɛzile ye awolɛ. Dasevolɛma ne mɔ yeyele bɛ adɛladeɛ manle kpavolɛ bie mɔɔ bɛfɛlɛ ye Sɔɔlo la lɛle.

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.