Ɛzoanvolɛma Gyima ne 22:16 - BAEBOLO ANZƐƐ BULUKU NWUANZANWUANZA

¹⁶ Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Ɛzoanvolɛma Gyima ne 22:16 ပူးပေါင်းရင်းမြစ်များ

Edwɛndolɛ Buluku ne 119:60

Meka me nwo, mensisi aze kɛ menwɔli wɔ mɛla ne mɔ azo.

Edwɛndolɛ Buluku ne 51:2

Nrinzi me ninyɛndane ne mɔ amuala bɔkɔɔ, na te me nwo fi me ɛtane ne anwo.

Gyɛlɛmaya Buluku ne 8:14

Nyamenle menli ne bizale kɛ, “Duzu ati a yɛtɛte ɛke a? Bɛdwazo bɛmaa yɛhɔ azuamgbole ne mɔ mɔɔ bɛbɔ nwolɛ bane la azo yɛhɔwu yɛgua ɛkɛ. Ɛdɛnkɛma yɛ Nyamenle ne ɛbua yɛ ewule fɔlɛ kɛ yɛwu; yemaa yɛ pɔezen nzule kɛ yɛnlo, ɔboalekɛ yɛyɛ ɛtane yɛtia ye.

Dw 13:8

Pita zele ye kɛ, “Menrɛmaa ɛnrɛnrinzi me gyakɛ anwo kenle bie maanle nu!” Gyisɛse buale ye kɛ, “Saa meanrinzi ɛ gyakɛ anwo a ɛnee ɛnle me ɛdoavolɛ bieko.”

Ɛzoanvolɛma Gyima ne 2:21

Na ɔbara kɛ awie biala mɔɔ kɛbɔ Awulae duma la bɛkɛlie ye ngoane.’

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

Ɛzoanvolɛma Gyima ne 9:18

Ɛkɛ ne ala debie bie mɔɔ le kɛ fɛlɛ nwo abonle la vi Sɔɔlo anye zo guale aze, na ɔnwunle debie bieko; na ɔdwazole ɔmanle bɛzɔnenle ye.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:27

Bɛdabɛ mɔɔ bɛzɔne bɛ wɔ Kelaese duma nu la ɛva Kelaese agyakɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.