Ɛzoanvolɛma Gyima ne 22:14 - BAEBOLO ANZƐƐ BULUKU NWUANZANWUANZA

¹⁴ Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Ɛzoanvolɛma Gyima ne 22:14 ပူးပေါင်းရင်းမြစ်များ

2 Arl 21:22

Ɔkpole Ɛdɛnkɛma, ɔ nlenya mɔ Nyamenle ne, na ɔkpole kɛ ɔnrɛli Ɛdɛnkɛma mɛla zo.

1 Edk 12:17

Devidi nwunle bɛ la ɔhɔle kɛ ɔkayia bɛ. Na ɔzele bɛ kɛ, “Saa bɛra kɛ agɔnwolɛma mɔɔ ɛra baboa me la a, ɛnee melie bɛ; me nee bɛ le ko. Na saa bɛra kɛ bɛbaye me bɛamaa me kpɔvolɛma, wɔ mekɛ mɔɔ metɛyɛle ɛtane la ɛdeɛ a, ɛnee yɛ ze mɔ Nyamenle ne ɛdua bɛ kakɛ.”

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

2 Edk 28:25

Ɔsisile ɛleka ɛleka wɔ Dwuda suakpole biala azo mɔɔ bɛkpu ɛyɛlɛ wɔ ɛkɛ bɛmaa awozonle, na ɔhanle Ɛdɛnkɛma, ɔ ze mɔ Nyamenle ne ɛya kpole kpalɛ.

2 Edk 30:19

“Ahunlunyele Ɛdɛnkɛma ɛva awie biala mɔɔ ɛva ye ahonle ɛmaa Nyamenle, bɛ ze mɔ Ɛdɛnkɛma Nyamenle ne, na ɔ nwo ɛnde, kɛmɔ ye ɛzonlenlɛ nu mɛla ne de la ɛtane ɛhyɛ ye.”

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Gyɛlɛmaya Buluku ne 1:5

“Mekabɔ wɔ meado ɛ nli akunlu la ɛnee meze wɔ, yɛɛ bɛkawo wɔ la ɛnee mekpa nu meye wɔ, na meyɛ wɔ maanle maanle Nyamenle kpɔmanvolɛ.”

Daneɛle Buluku ne 2:23

O, egya mɔ Nyamenle, meyɛ wɔ mo, na meye wɔ ayɛlɛ, ɔluakɛ wɔmaa me nrɛlɛbɛ, wɔmaa me anwosesebɛ, yɛɛ wɔye mɔɔ yɛbizale la wɔhile me; wɔmaa yɛnwu mɔɔ belemgbunli kpondɛ la.”

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Ɛzoanvolɛma Gyima ne 13:17

Yizilayɛ Nyamenle ne kpale nu yele yɛ nlenya mɔ na ɔyɛle bɛ ɛlɔne kpole wɔ mekɛ mɔɔ ɛnee bɛle nyɛvolɛ bɔbɔ wɔ Yigyibiti azɛlɛ zo la. Nyamenle vale ye tumi kpole ne yele bɛ vile Yigyibiti azɛlɛ zo,

Ɛzoanvolɛma Gyima ne 22:15

Ɔluakɛ ɛbali ɔ nwo daselɛ wɔaha mɔɔ wɔde nee mɔɔ wɔnwu ye la wɔahile ewiade amra amuala.

Ɛzoanvolɛma Gyima ne 22:18

na menwunle Awulae kɛ ɔlɛtendɛ yeaze me kɛ, ‘Maa ɛ nwo ɛyɛ ndɛ fi Gyɛlusalɛm. Ɔluakɛ menli mɔɔ wɔ ɛke la ɛnrɛdie daselɛ ne mɔɔ ɛlɛdi ye me nwo la.’

Ɛzoanvolɛma Gyima ne 24:14

Ko mɔɔ medie meto nu la a le kɛ melua Awulae Adenle ye mɔɔ bɛmɛ bɛse ɔnle nɔhalɛ la azo yɛɛ mesonle yɛ nlenya mɔ Nyamenle ne a. Noko eza medie mɔɔ bɛhɛlɛ ye wɔ Mosisi mɛla ne anu, nee Nyamenle kpɔmanvolɛma mbuluku ne mɔ anu la medi.

Ɛzoanvolɛma Gyima ne 26:16

Na dwazo gyinla ɛ gyakɛ anu. Meye me nwo mehile wɔ, amaa meayɛ wɔ me sonvolɛ na wɔali me nwo daselɛ wɔ mɔɔ wɔnwu ye ɛnɛ, nee mɔɔ nzinlii mebaye meahile wɔ la amuala anwo.

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

1 Kɔl 11:23

Ngilehilelɛ ne mɔɔ menyianle ye menvile Awulae lɔ la a menvale memanle bɛ a, yemɔ a le kɛ, nɔe ne mɔɔ bɛyele Awulae Gyisɛse bɛmanle la, ɔvale kpanwo,

1 Kɔl 15:3

Edwɛkɛ ne mɔɔ menvale membɛlɛle bɛ la le edwɛkɛ mɔɔ hyia kpalɛ. Yɛ ɛtane ti yɛɛ Kelaese wule a, kɛmɔ Nyamenle Edwɛkɛ ne kile la.

1 Kɔl 15:8

Awieleɛ ne, ɔyele ɔ nwo ɔhilele medame noko, medame zɛhae ala, mɔɔ mele kɛ kyɛkyɛ ralɛ la.

1 Kɔl 9:1

Menle dehelɛ ɔ? Menle ɛzoanvolɛ ɔ? Metɛnwunle yɛ Awulae Gyisɛse ɔ? Na tɛ bɛmɛ a Awulae ati bɛle me sa anloa gyima a?

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:12

Meanlie meanvi awie lɔ, yɛɛ tɛ awie a hilehilele me a. Gyisɛse Kelaese ɔdaye mumua ne a yele hilele me a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

1 Pit 2:22

Yeanyɛ ɛtane biala, yɛɛ yeambɔ adalɛ yeangile awie biala.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.