Ɛzoanvolɛma Gyima ne 22:1 - BAEBOLO ANZƐƐ BULUKU NWUANZANWUANZA

¹ “Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 22:1 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 12:11

“Saa bɛfa bɛ bɛkɔ kɛ bɛkali bɛ edwɛkɛ wɔ nyianu azua ne mɔ anu anzɛɛ amɛnladoma nee arelemgbunli nyunlu a, bɛmmadwenle mɔɔ bɛbaha anzɛɛ kɛ ɔkɛyɛ na bɛalie bɛ nwo la anwo.

Edwɛkpa ne kɛmɔ Luku hɛlɛle la 21:14

Bɛzie bɛ adwenle koonwu, bɛmmadwenle mɔɔ bɛbaha bɛalie bɛ nwo la anwo;

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 19:33

Bɛ nuhua bie mɔ dwenlenle kɛ Alɛzanda a di nzakadolɛ ne anwo ɛzonle a, ɔluakɛ Dwuuma bie mɔ mɔɔ wɔ ɛkɛ ne la ɛzuhuzuhu ye dedee bɛmaa yeragyinla ɛlɔne ne anyunlu. Alɛzanda bobole bɛ kɛ bɛyɛ koonwu, na ɔyɛle kɛ ɔtendɛ yeahile bɛ.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 24:10

Amɛnlado ne yɛle kɛ Pɔɔlo ɛdendɛ, na Pɔɔlo hanle kɛ, “Meze kɛ ɛvale edwɛkɛlilɛ wɔ maanle ɛhye anu la ɛhyɛ, yemɔti menzulo kɛ menwɔha me edwɛkɛ menwɔhile wɔ.

Ɛzoanvolɛma Gyima ne 25:16

Na menzele bɛ kɛ ɔnle Wulomu mɛla kɛ bɛkɛye awie biala mɔɔ bɛkɛdo ye ɛzonle kɛ yedo mɛla la bɛkɛmaa kyesɛ ɔ nee menli mɔɔ donle ye ɛzonle ne la yia nu bɛka bɛmaa ɔdaye ɔnyia adenle ɔsa ɔ ne wɔ nwolɛ.

Ɛzoanvolɛma Gyima ne 25:8

Pɔɔlo zale ɔ ne kɛ, “Metɛyɛle ɛtane biala metɛtiale Dwuuma mɛla ne anzɛɛ Ɛzonlenlɛ Sua ne na yeayɛ Wulomu Maanle Maanle belemgbunli ne.”

Ɛzoanvolɛma Gyima ne 26:24

Mɔɔ Pɔɔlo anloa wɔ zolɛ ɔlɛka edwɛkɛ ne la, Fɛsetɛse deanle ye nu zele kɛ, “Pɔɔlo, wɔzɛ! Ɛdoa nwomazukoalɛ dedee ɛlɛbɔ ɛlane.”

Ɛzoanvolɛma Gyima ne 28:17

Ɔlile kenle nsa la Pɔɔlo vɛlɛle Dwuu mgbanyima mɔɔ wɔ sua ne azo la, ɔ nee bɛ yiale nu na ɔzele bɛ kɛ, “Me mediema Yizilayɛma, meanyɛ ɛtane biala meantia me menli anzɛɛ yɛ amaamuo ne mɔɔ yɛnyianle yɛvile yɛ nlenya mɔ lɔ la, noko bɛhyele me piliza bɛyele me bɛmanle Wulomuma wɔ Gyɛlusalɛm.

Ɛzoanvolɛma Gyima ne 7:2

Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

Wulo 2:15

Bɛ nyɛleɛ ne kile kɛ mɔɔ Mosisi mɛla ne kpondɛ la, bɛhɛlɛ ye wɔ bɛ ahonle nu, yɛɛ bɛ adwenle die to nu kɛ ɔle nɔhalɛ, ɔluakɛ ɔyɛ a bɛ adwenle nu yɛ bɛ kesee kɛ bɛbali fɔlɛ anzɛɛ bɛbali benle wɔ Kenle ne anu,

1 Kɔl 9:3

Me ne mɔɔ mesa meahile bɛdabɛ mɔɔ bɛfedevede me ɛbɛlabɔlɛ nu la ɛne!

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:17

Bɛdabɛ mɔɔ bɛha la, bɛmbɔ Kelaese anwo nolo ne nɔhalɛ nu, bɛbɔ ye manzonlehwenlɛ nu, na bɛdwenle kɛ bɛyɛ ye zɔhane na bɛamaa me nwo ahyele me wɔ efiade ɛke.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:7

Medwenle bɛ nwo somaa! Na ɔle kpalɛ noko kɛ melɛ bɛ nwo adwenle zɛhae a, ɔluakɛ wɔ me efiadenla nu nee Edwɛkpa ne nolobɔlɛ nee ye ɛgyinlalɛ nu, me nee bɛ yɛ muala a yɛnyia Nyamenle ɛlolɛ ne a.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,