Ɛzoanvolɛma Gyima ne 21:8 - BAEBOLO ANZƐƐ BULUKU NWUANZANWUANZA

⁸ Ye alehyenlɛ nu yɛvi ɛkɛ ne yɛrale Sizalia. Yɛhɔzokoɛle Felepe mɔɔ kpɔsa bɔ Nyamenle Edwɛkɛ ne nolo la sua nu na yɛ nee ye dɛnlanle. Felepe boka menli nsuu ne mɔɔ bɛkpale nu bɛyele bɛ wɔ Gyɛlusalɛm la anwo.

Ɛzoanvolɛma Gyima ne 21:8 ပူးပေါင်းရင်းမြစ်များ

Ɛzoanvolɛma Gyima ne 10:1

Nrenya bie wɔ Sizalia, bɛfɛlɛ ye Kɔnileɛse. Ɔle Wulomu Ɛlɔne ekpunli ne mɔɔ bɛfɛlɛ ye “Yetalea” la safohyenle.

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 16:13

Ɛnwomenlelielɛ Kenle ne dwule la, yɛhɔle bɛ azule ne anloa wɔ suakpole ne kandiba. Yɛ adwenle a le kɛ kabezɛ ɛkɛ ne a Dwuuma ɔyɛ a yia yɛ nzɛlɛlɛ a.

Ɛzoanvolɛma Gyima ne 16:16

Kenle ko yɛlɛkɔ ɛleka mɔɔ bɛyɛ nzɛlɛlɛ la, yɛyiale kanranli bɛlɛra bie mɔɔ di ahɔne na ɔlua ye munzule ɛbɔlɛ zo ɔ menle mɔ ɛnyia bɛ nwo ninyɛne nee ezukoa la.

Ɛzoanvolɛma Gyima ne 18:22

Ɔradwule Sizalia la ɔbɔle hwii ɔhɔle Gyɛlusalɛm ɔhɔkpɔlale asɔnema ne mɔ na ɔpɛle nu ɔhɔle Anteɔko.

Ɛzoanvolɛma Gyima ne 20:13

Na yɛmɛ yɛvale ɛlɛne yɛlumuale Asɔso kɛ yɛkava Pɔɔlo wɔ ɛkɛ; ɔluakɛ ɛnee ɔ nee yɛ ɛhyehyɛ kɛ ɔpe aze yealumua lɔ.

Ɛzoanvolɛma Gyima ne 20:6

Na mɔɔ Angye Ɛvoyia ne pɛle nu la, yɛvale ɛlɛne yɛvile Felepae; ye kenle nnu ne azo yɛhɔdole bɛ wɔ Tulowase na yɛlile dapɛne ko wɔ ɛkɛ.

Ɛzoanvolɛma Gyima ne 21:16

Na ɛdoavolɛma bie mɔɔ wɔ Sizalia la nee yɛ hɔle, na yɛhɔzokoɛle diedinli Meneesen mɔɔ vi Saepelɛse mɔɔ mɔlebɛbo ne ala ɔliele Gyisɛse ɔlile la sua nu.

Ɛzoanvolɛma Gyima ne 23:23

Sogyama kpanyinli ne vɛlɛle sogya mgbanyinli nwiɔ na ɔzele bɛ kɛ, “Bɛmaa ɔyɛ ndɛ bɛhɔva sogyama mɔɔ dua aze la ɛya nwiɔ yɛɛ atwɛdolɛ sogyama ɛya nwiɔ na bɛ nee sogyama mɔɔ tɛnla ɛkpɔnwɔ zo la abulasuu bɛhɔ toonwo bɛhɔdwu Sizalia. Bɛha bɛ nwo na bɛdu bɛ bo ɛke ɛnɛ nɔsolɛ dɔne ngɔnla.

Ɛzoanvolɛma Gyima ne 27:1

Nzinlii mɔɔ bɛyɛle adwenle kɛ akee ɔwɔ kɛ yɛkɔ Yetale la, bɛvale Pɔɔlo nee pilizama bie mɔ mɔɔ boka nwolɛ la bɛwulale Dwuleɛse mɔɔ le sogya kpanyinli wɔ Wulomu Maanle Maanle belemgbunli ne sogyama ne anu la asa anu.

Ɛzoanvolɛma Gyima ne 28:11

Siane nsa pɛle nu la yɛvale ɛlɛne bie mɔɔ vi Alɛzandelea mɔɔ bɛfɛlɛ ye “Bozonle Ndalɛ,” mɔɔ ralile fɔsɛlɛ ne wɔ bɔra ne azo la yɛzɔle yɛ adendulɛ ne azo.

Ɛzoanvolɛma Gyima ne 28:16

Mɔɔ yɛdwule Wulomu la, bɛmanle Pɔɔlo adenle kɛ ɔdaye ɔ ngome ɔhɔdɛnla, na bɛyele sogyanli ko kɛ ɔ nee ye ɛhɔdɛnla na ɔzinza ye.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 9:30

Mɔɔ diedima ne bie mɔ dele ɛhye la, bɛvale Sɔɔlo bɛhɔle Sizalia na bɛmanle ɔhɔle Taasɛse.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.