Ɛzoanvolɛma Gyima ne 21:5 - BAEBOLO ANZƐƐ BULUKU NWUANZANWUANZA

⁵ Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Ɛzoanvolɛma Gyima ne 21:5 ပူးပေါင်းရင်းမြစ်များ

1 Arl 8:54

Sɔlɔmɔn hotole Ɛdɛnkɛma azukponle ne anyunlu, ɔmanle ɔ sa zo anwuma, ɔdɛlɛle nuhua na yeazɛlɛ. Ɔwiele la ɔdwazole.

2 Edk 20:13

Mekɛ ne anu, ɛnee Dwudama amuala nee bɛ mraalɛ nee bɛ mra gyi nzisi wɔ Ɛdɛnkɛma Ɛzonlenlɛ Sua ne anu.

Nihɛmaya Buluku ne 12:43

Kenle ko ne bɛbɔle azu fane dɔɔnwo. Menli ne anye liele kpalɛ, ɔboalekɛ Nyamenle manle bɛlile fɛlɛko. Mraalɛ nee mbɛda kɔsɔɔti bokale ɛvoyialilɛ ne anwo, na anyelielɛ ne manle Gyɛlusalɛm kpudwule na ye nganeɛ dwule moa.

Edwɛndolɛ Buluku ne 95:6

O bɛrɛla, bɛmaa yɛbɔ yɛ ti aze yɛzonle ye; bɛmaa yɛhoto Ɛdɛnkɛma, yɛ Bɔvolɛ ne.

Edwɛkpa ne kɛmɔ Mateyu hɛlɛle la 14:21

Na bɛdabɛ mɔɔ bɛlile la, saa ɛye mraalɛ nee ngakula ne mɔ nu a, bɛlua mrenya kɛyɛ apenle nnu.

Edwɛkpa ne kɛmɔ Maake hɛlɛle la 1:40

Kokobɛvolɛ bie rahotole bodole Gyisɛse kɛ, “Saa ɔyɛ wɔ ɛhulolɛ a, ɛkola ɛmaa me nwo sa.”

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Ɛzoanvolɛma Gyima ne 15:3

Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 17:10

Mɔɔ maanle nu muanle la, mediema ne mɔ manle Pɔɔlo nee Saelase hɔle Bɛlia. Bɛhɔdwule la, bɛhɔle Dwuuma nyianu sua ne anu.

Ɛzoanvolɛma Gyima ne 20:36

Mɔɔ Pɔɔlo wiele la, ɔ nee bɛ bɛ muala bɛhotole na bɛyɛle nzɛlɛlɛ.

Ɛzoanvolɛma Gyima ne 20:38

Debie mɔɔ manle bɛ nwo bubule bɛ kpalɛ bɔbɔ la a le ye edwɛkɛ kpɔkɛ ne mɔɔ ɔhanle kɛ bɛnrɛnwu ye bieko la. Na bɛhɔzɔhonle ye wɔ ɛlɛne ne anwo.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Dwɔhyua Buluku ne 8:35

Dwɔhyua gengale Mosisi mɛla ne mɔ ngoko ngoko hilele Yizilayɛma kɔsɔɔti, mrenya nee mraalɛ, ngakula, yɛɛ nyɛvolɛ mɔɔ wɔ bɛ avinli la amuala.