Ɛzoanvolɛma Gyima ne 21:34 - BAEBOLO ANZƐƐ BULUKU NWUANZANWUANZA

³⁴ Na menli ne mɔ annwu mɔɔ bɛka a. Bie mɔ ɛlɛka edwɛkɛ ɛhye la, ɛnee bie mɔ noko ɛlɛka edwɛkɛ ngakyile. Yemɔti ɛnee sogyama kpanyinli ne ɛngola ɛnnwu edwɛkɛ kpɔkɛ mɔɔ ɛmaa ɛhye ɛzi la. Yemɔti ɔzele bɛ kɛ bɛva Pɔɔlo bɛhɔ aranemgbole ne anu lɔ.

Ɛzoanvolɛma Gyima ne 21:34 ပူးပေါင်းရင်းမြစ်များ

Ɛzoanvolɛma Gyima ne 19:32

Mekɛ ne anu ɛnee ɛwudolɛ ala a ɛlɔne ne ɛlɛwudo a. Bie mɔ ɛlɛka edwɛkɛ ko la, ɛnee bie mɔ noko ɛlɛka edwɛkɛ fofolɛ, na ayia sua ne anu yɛle wadawada zɛhae ala, ɔluakɛ bie mɔ dɔɔnwo mɔɔ rale ɛkɛ ne la ɛngola ɛnnwu deɛ holɛ ko mɔɔ ɔlua zolɛ bɛrayia la.

Ɛzoanvolɛma Gyima ne 21:37

Bɛ nee Pɔɔlo kɔ ahɔwolo aranemgbole ne anu la, ɔzele sogyama kpanyinli ne kɛ, “Maa me adenle maa menga edwɛkɛ mengile wɔ.” Na sogyama kpanyinli ne zele kɛ, “Hwio, ɛdawɔ mumua ne ɛka Giliki.

Ɛzoanvolɛma Gyima ne 22:24

Zɔhane ati Wulomu sogyama kpanyinli ne zele ye menli ne mɔ kɛ bɛva Pɔɔlo bɛwolo aranemgbole ne anu, na bɛbila ye empele bɛmaa ɔha deɛ holɛ ko mɔɔ ɔlua zo a Dwuuma doa ye ɛlɛwudo la.

Ɛzoanvolɛma Gyima ne 22:30

Ɛnee sogyama kpanyinli ne kpondɛ kɛ ɔnwu deɛ holɛ ko mɔɔ yemɔti Dwuuma ne ɛlɛto Pɔɔlo ɛzonle la ati, aleɛ hyenle la ɔmanle bɛyele Pɔɔlo nwɔnzɔnwɔnzɔ ne na ɔmanle sɛlɛvolɛ mgbanyinli ne nee ayiama ne mɔ amuala yiale na ɔvale Pɔɔlo ɔragyinlanle bɛ nyunlu ɛkɛ.

Ɛzoanvolɛma Gyima ne 23:10

Nzinlii akee ɛdeanlɛ ne bole zolɛ na sogyama kpanyinli ne zulole kɛ bɛkɛhu Pɔɔlo la ati, ɔmanle sogyama ne mɔ dwule aze hɔle bagua ne anu hɔyele Pɔɔlo wɔ ayiama ne avinli bɛ nee ye hɔle aranemgbole ne anu bieko.

Ɛzoanvolɛma Gyima ne 23:16

Pɔɔlo awozoa nrenya ne dele ɛhye anwo bie. Zɔhane ati ɔhɔle aranemgbole ne anu ɔhɔfetele zolɛ ɔhilele Pɔɔlo.

Ɛzoanvolɛma Gyima ne 23:32

Aleɛ hyenle la sogyama ne mɔɔ dua aze la ziale rale aranemgbole ne anu na sogyama ne mɔɔ tɛnla ɛkpɔnwɔ zo la vale Pɔɔlo hɔle.

Ɛzoanvolɛma Gyima ne 25:26

Noko mennwu edwɛkɛ kpaziwɔkɛ mɔɔ megyinla zolɛ meahɛlɛ meahɔmaa Maanle Maanle belemgbunli ne a. Yemɔti me nee ye ɛra bɛ nyunlu ɛke, bɔbɔ wɔmɔ Belemgbunli Agelepa, amaa wɔanleɛnlea ye edwɛkɛ ne anu boɛ, na meanyia edwɛkɛ kpalɛ meahɛlɛ meahɔ.