Ɛzoanvolɛma Gyima ne 21:3 - BAEBOLO ANZƐƐ BULUKU NWUANZANWUANZA

³ Yɛradwule ɛleka bie mɔɔ ɛnee yɛ nye dua Saepelɛse la yɛwɔnenle yɛ ti nyiakɛ yɛpɛle yɛdɔle Selea. Yɛradwule Taya, na kɛmɔ ɛkɛ ne yɛɛ ɛlɛne ne tu ye ninyɛne ne agua la ati, yɛdwule aze yɛhɔle sua zo.

Ɛzoanvolɛma Gyima ne 21:3 ပူးပေါင်းရင်းမြစ်များ

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

Edwɛndolɛ Buluku ne 45:12

Tayama barahyɛ wɔ ninyɛne, sukoavolɛma barahyɛ wɔ ninyɛne ngakyile.

Edwɛndolɛ Buluku ne 87:4

Saa meka maanle maanle mɔɔ ze me la a, meye Yigyibiti nee Babelonia; nea, Filisitia, Taya, yɛɛ Sudan boka nwo; bɛse, “Ko ɛhye, bɛwole ye ɛkɛ.”

Ayezaya Buluku ne 7:2

Mɔɔ bɛhanle bɛhilele Devidi sua nu amra kɛ ɛlɔnema vi Selea ɛraboka Yifelaem anwo la, Ehaze nee ye menli ne kɔsɔɔti ahonle dule na bɛ nwo wozole bɛ kɛ ɛbɔ nu mbaka mɔɔ anwoma ɛlɛbɔ nu la.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Luku hɛlɛle la 10:13

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Ɔluakɛ nwanwane ninyɛne mgbole mɔɔ bɛyɛle wɔ bɛ azua ne mɔ azo la saa bɛyɛle bie wɔ Taya nee Saedɛn a, anrɛɛ menli ne dɛnlanle aze, hedale ɛrele na bɛbɔle nzonle bɛhilele kɛ bɛnlu bɛ nwo wɔ bɛ ɛtane nwo.

Edwɛkpa ne kɛmɔ Luku hɛlɛle la 2:2

Ɛhye a le menli ɛdianlɛ mɔɔ lumua a. Mekɛ ne anu ɛnee Koyeleneɛse a di amɛnlado wɔ Selea maanzinli nu a.

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 12:20

Hɛlɔdo vale menli mɔɔ wɔ Taya nee Saedɛn la anwo ɛya, ɛhye ati bɛdule menli kɛ bɛhɔnwu ye. Bɛlumuale bɛ sa hanle Belasetɛse mɔɔ nea belemgbunli suakunlu ɛkɛ ne la moalɛ, na akee bɛhɔle Hɛlɔdo anyunlu bɛhɔkpɔdale ye. Ɔluakɛ bɛ aleɛ mɔɔ bɛnyia ye la amuala vi belemgbunli ne maanle nu.

Ɛzoanvolɛma Gyima ne 13:4

Sunsum Nwuanzanwuanza ne vale Baanabase nee Sɔɔlo hɔle Sɛlusea na bɛvale ɛlɛne bɛhɔle bɔra ne mɔɔ bɛfɛlɛ ye Saepelɛse la azo.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:39

Ɛhye anwo kpolerazulɛ yɛle kyengye kpalɛ manle bɛ mu nwiɔ bɛ avinli tetele. Baanabase vale Maake na ɔ nee ye pɛle azule hɔle Saepelɛse.

Ɛzoanvolɛma Gyima ne 15:41

Ɔhɔle Selea nee Selesea ɔhɔmanle diedima mɔɔ wɔ asɔne ne mɔ anu la anwosesebɛ.

Ɛzoanvolɛma Gyima ne 18:18

Pɔɔlo lile mekɛ ekyi wɔ diedima ne mɔ anwo ɛkɛ ne la, nzinlii ɔ nee Pelesela nee Akoyela bɛvile ɛkɛ bɛvale azule nye kɛ bɛkɔ Selea. Bɛdwule Sɛnkilia la Pɔɔlo bɔle ɛwɔkɛ manle Nyamenle, yemɔti ɔmanle bɛkpale ɔ ti.

Ɛzoanvolɛma Gyima ne 21:16

Na ɛdoavolɛma bie mɔɔ wɔ Sizalia la nee yɛ hɔle, na yɛhɔzokoɛle diedinli Meneesen mɔɔ vi Saepelɛse mɔɔ mɔlebɛbo ne ala ɔliele Gyisɛse ɔlile la sua nu.

Ɛzoanvolɛma Gyima ne 21:2

Ɛkɛ ne yɛɛ yɛvale ɛlɛne mɔɔ ɛlɛkɔ Fonehyea la yɛhɔle a.

Ɛzoanvolɛma Gyima ne 21:7

Yɛzɔle yɛ adendulɛ ne azo, yɛvi Taya yɛhɔle Tɔlɛmeeyese, yɛhɔkpɔlale diedima mɔɔ wɔ ɛkɛ ne la na yɛlale ɛkɛ ne.

Ɛzoanvolɛma Gyima ne 27:4

Yɛvi Saedɛn yɛdule la ɛnee anwoma ne ɛlɛbɔ atia yɛ. Yemɔti yɛwɔle yɛ ti aze yɛsianenle Saepelɛse aze.

Ɛzoanvolɛma Gyima ne 4:36

Zɔhane ala yɛɛ Dwosefi ɔdaye noko ɔyɛle a. Nrenya ɛhye boka Livae abusua ne anwo. Bɛwole ye wɔ bɔra ne mɔɔ bɛfɛlɛ ye Saepelɛse la azo na ɛzoanvolɛma ne donle ye Baanabase. (Wɔ Hibulu aneɛ ne anu a duma ne abo a le “Sonla mɔɔ maa akɛnrasesebɛ la.”)

Maanlebuvolɛma Buluku ne 10:6

Eza Yizilayɛma yɛle ɛtane tiale Ɛdɛnkɛma. Bɛzonlenle Beeyale ne mɔ nee Ahyela ne mɔ. Bɛzonlenle Selea, Saedɛn, Mowabe, Amɔn, yɛɛ Filisitia awozonle ne mɔ bɛgyakyile Ɛdɛnkɛma ɛzonlenlɛ.