Ɛzoanvolɛma Gyima ne 21:2 - BAEBOLO ANZƐƐ BULUKU NWUANZANWUANZA

² Ɛkɛ ne yɛɛ yɛvale ɛlɛne mɔɔ ɛlɛkɔ Fonehyea la yɛhɔle a.

Ɛzoanvolɛma Gyima ne 21:2 ပူးပေါင်းရင်းမြစ်များ

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 15:3

Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 21:3

Yɛradwule ɛleka bie mɔɔ ɛnee yɛ nye dua Saepelɛse la yɛwɔnenle yɛ ti nyiakɛ yɛpɛle yɛdɔle Selea. Yɛradwule Taya, na kɛmɔ ɛkɛ ne yɛɛ ɛlɛne ne tu ye ninyɛne ne agua la ati, yɛdwule aze yɛhɔle sua zo.

Ɛzoanvolɛma Gyima ne 27:6

Ɛkɛ yɛɛ sogya kpanyinli ne nyianle ɛlɛne bie mɔɔ vi Alɛzandelea ɛlɛkɔ Yetale la, na ɔvale yɛ ɔhɔvole nuhua.