Ɛzoanvolɛma Gyima ne 21:18 - BAEBOLO ANZƐƐ BULUKU NWUANZANWUANZA

¹⁸ Aleɛ hyenle la Pɔɔlo nee yɛ hɔle Gyemise ɛkɛ ne kɛ yɛ nee ye kadendɛ; yɛhɔle la ɛnee asɔne mgbanyima ne mɔ amuala wɔ ɛkɛ.

Ɛzoanvolɛma Gyima ne 21:18 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:2

Ɛzoanvolɛma bulu nee nwiɔ ne aluma ɛne: mɔɔ lumua la a le Saemɔn, mɔɔ bɛfɛlɛ ye Pita la nee ɔ diema Andelu; Gyemise nee ɔ diema Dwɔn, mɔɔ bɛ ze a le Zɛbɛdi la;

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 12:17

Ɔmanle ɔ sa zo kɛ bɛyɛ koonwu, na ɔhanle kɛ Awulae zile yele ye wɔ efiade ne la ɔhilele bɛ. Ɔzele bɛ kɛ, “Bɛha bɛhile Gyemise nee mediema mɔɔ ɛha la amuala,” na ɔvindele ɔhɔle.

Ɛzoanvolɛma Gyima ne 15:13

Mɔɔ bɛ nloa penle la, Gyemise dendɛle na ɔzele kɛ, “Mediema, bɛdie me.

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:6

Ɛdoavolɛma ne nee mgbanyima ne mɔ yiale nu vale edwɛkɛ ɛhye anwo adwenle.

Ɛzoanvolɛma Gyima ne 20:17

Pɔɔlo dole Ɛfɛsɛse asɔne mgbanyima ne mɔ nrɛlaleɛ kɛ bɛyia ye wɔ Maelitɛse.

Ɛzoanvolɛma Gyima ne 24:11

Kɛmɔ ɛdawɔ ɛkola ɛnwu ye la, kenle bulu nee nwiɔ ɛne yɛɛ mengɔle Gyɛlusalɛm kɛ mekayɛ nzɛlɛlɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:19

Meangɔnwu ɛzoanvolɛ gyɛne bieko kɛ Gyemise mɔɔ le Awulae adiema nrenya ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.