Ɛzoanvolɛma Gyima ne 20:7 - BAEBOLO ANZƐƐ BULUKU NWUANZANWUANZA

⁷ Dapɛne ne anu kenle ne mɔɔ lumua la nɔsolɛ nu, yɛyiale nu yɛlile Awulae aleɛ ne, na Pɔɔlo dendɛle hilele diedima ne mɔ, ɔluakɛ ɛnee ye alehyenlɛ nu ɔbahɔ, na ɔhɔle zolɛ ɔdendɛle dedee alevinli mu nwiɔ avinli.

Ɛzoanvolɛma Gyima ne 20:7 ပူးပေါင်းရင်းမြစ်များ

Nihɛmaya Buluku ne 8:3

Na ɛkɛ ne, wɔ Nzule Anlenkɛ Kpole ne anyunlu kpatawienyi ne azo, Ɛzela gyinlanle manle ɔ nzi hɔle anlenkɛ ne anloa na ɔbɔle ɔ bo aleɛbahye ne ɔgengale Mɛla ne ɔhilele bɛ toonwo sɛnzɛngyinla. Na menli ne gyelele bɛ nzo diele ye kpalɛ.

Nihɛmaya Buluku ne 9:3

Bɛgyinlanle nzisi bɛgengale Ɛdɛnkɛma bɛ Nyamenle ne Mɛla ne bɛhilele bɛ kɛyɛ dɔnehwele nsa. Bɛvale dɔnehwele nsa noko bɛhanle bɛ ɛtane ne mɔ na bɛyeyɛle Ɛdɛnkɛma bɛ Nyamenle ne.

Edwɛkpa ne kɛmɔ Maake hɛlɛle la 16:9

Gyisɛse dwazole vile ewule nu Molɛ nwonlomɔ mangyee ne la, ɔlumuale ɔyele ɔ nwo ɔhilele Mɛle mɔɔ vi Magedala, mɔɔ ɔ nwo a ɔdule mbɔnsam nsuu ne la.

Edwɛkpa ne kɛmɔ Luku hɛlɛle la 22:19

Akee ɔvale kpanwo, ɔyɛle Nyamenle mo, ɔbubule nuhua, ɔvale ɔmanle bɛ na ɔzele kɛ, “Ɛhye a le me nwonane ne [mɔɔ bɛva bɛmaa bɛ la. Anrɛɛ bɛyɛ ɛhye bɛva bɛhakye me.”

Edwɛkpa ne kɛmɔ Luku hɛlɛle la 24:35

Na menli nwiɔ ne mɔɔ vi Ɛmeeyɛse la noko hanle edwɛkɛ mɔɔ zile adenle ne anu, nee kɛ bɛzile bɛnwunle Awulae sonla holɛ wɔ mekɛ mɔɔ ɔbubule kpanwo ne ɔmanle bɛ la hilele ɛdoavolɛma ne mɔ.

Dw 20:1

Molɛ nwonlomɔ mangyee ne ala mɔɔ maanle nu ɛtɛwiele tete la, Mɛle mɔɔ vi Magedala la hɔle sɛka ne azo na ɔnwunle kɛ bɛye bolɛ ne mɔɔ bɛvale bɛnyinle nla ne anloa la.

Dw 20:19

Molɛ kenle ko ne ala mɔɔ ɛnee aleɛ ɛdwo kpalɛ la, ɛnee ɛdoavolɛma ne ɛhuohua bɛ nloa na bɛdo bɛ nwo anlenkɛ nu, ɔboalekɛ bɛsulo Dwuu mgbanyima ne mɔ. Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Dw 20:26

Ɔlile dapɛne ko la ɛdoavolɛma ne mɔ eza huohuanle bɛ nloa na bɛdole bɛ nwo anlenkɛ nu bieko, mekɛ ne anu ɛnee Tɔmase boka bɛ nwo. Bɛtotole nlenkɛ ne mɔ anu ɛdeɛ, noko Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 2:42

Na bɛdule bɛ nwo bɛmanle ɛzoanvolɛma ne ngilehilelɛ ne, bɛ nee bɛ zonlenle, na bɛbɔle nu bɛlile debie wɔ mediema ɛyɛlɛ nu.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 20:11

Pɔɔlo ziale hɔle esanwu ne azo bieko na ɔhɔlile debie. Nzinlii eza Pɔɔlo dendɛle hilele menli ne toonwo alehyenlɛ, akee ɔhɛlale bɛ na ɔhɔle.

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

Ɛzoanvolɛma Gyima ne 20:5

Menli ɛhye mɔ lumuale yɛ nyunlu hɔhendɛle yɛ wɔ Tulowase.

Ɛzoanvolɛma Gyima ne 20:9

Na kpavolɛ bie mɔɔ bɛfɛlɛ ye Yutekɛse, mɔɔ ɛnee de nvɛnzɛlɛ ne mɔ ko azo la bɔle ngɔsɔkɛ, na nzinlii ɔlafele kpole na ɔvi esanwu nzɛzo nsa ne azo ɔdɔle aze. Bɛhɔmanle ye zo la, ɛnee yewu bɔkɔɔ.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 16:2

Molɛ biala, bɛ nuhua ko biala ɛde ezukoa mɔɔ yenyia ye dapɛne ne anu la bie ɛdo ahane, na bɛva bɛzie, amaa saa meba a yeangyia kɛ bɛkɛwowɔ ezukoa.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.