Ɛzoanvolɛma Gyima ne 20:6 - BAEBOLO ANZƐƐ BULUKU NWUANZANWUANZA

⁶ Na mɔɔ Angye Ɛvoyia ne pɛle nu la, yɛvale ɛlɛne yɛvile Felepae; ye kenle nnu ne azo yɛhɔdole bɛ wɔ Tulowase na yɛlile dapɛne ko wɔ ɛkɛ.

Ɛzoanvolɛma Gyima ne 20:6 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:18

“Bɛzie Angye Ɛvoyia ne na bɛli, kɛmɔ meha mehile bɛ la. Bɛli Ɛvoyia ne kenle nsuu wɔ siane Ebebe ne anu, ɔboalekɛ siane zɔhane anu a bɛvile Yigyibiti a.

Ɛzoanvolɛma Gyima ne 12:3

Na mɔɔ ɔnwunle kɛ ɛhye ɛyɛ Dwuuma fɛ la, ɔdoale zo na ɔhyele Pita ɔdaye. (Ɛhye zile Angye Ɛvoyia ne anu.)

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 16:12

Yɛvi ɛkɛ ne la yɛhɔle Felepae, mɔɔ le suakpole wɔ Masidonea maanzinli nu la. Suakpole ɛhye Wulomu Maanle Maanle belemgbunli ne a bɔle ye nzeseɛ a. Yɛlile kenle dɔɔnwo wɔ sua ne azo.

Ɛzoanvolɛma Gyima ne 16:8

Ɛhye ati bɛpɛle nu bɛhɔluale Mesea maanzinli nu na bɛhɔle Tulowase.

Ɛzoanvolɛma Gyima ne 20:16

Pɔɔlo yɛle ye adwenle kɛ ɔnrɛgyinla Ɛfɛsɛse na ɔpɛ nu yeahɔ, amaa yeanzɛkye mekɛ dɔɔnwo wɔ Ehyea maanle ne anu na ɔ nwo ayɛ ndɛ, amaa saa ɔyɛ na ɔkɛyɛ boɛ a, yeadwu Gyɛlusalɛm wɔ Pɛntekɔso kenle ne.

Ɛzoanvolɛma Gyima ne 20:5

Menli ɛhye mɔ lumuale yɛ nyunlu hɔhendɛle yɛ wɔ Tulowase.

Ɛzoanvolɛma Gyima ne 21:4

Yɛnwunle diedima ne bie mɔ wɔ ɛkɛ, na yɛ nee bɛ hɔdɛnlanle dapɛne ko. Na bɛluale Sunsum Nwuanzanwuanza ne anwo zo bɛzele Pɔɔlo kɛ ɔmmakɔ Gyɛlusalɛm.

Ɛzoanvolɛma Gyima ne 21:8

Ye alehyenlɛ nu yɛvi ɛkɛ ne yɛrale Sizalia. Yɛhɔzokoɛle Felepe mɔɔ kpɔsa bɔ Nyamenle Edwɛkɛ ne nolo la sua nu na yɛ nee ye dɛnlanle. Felepe boka menli nsuu ne mɔɔ bɛkpale nu bɛyele bɛ wɔ Gyɛlusalɛm la anwo.

Ɛzoanvolɛma Gyima ne 28:14

Yɛnwunle diedima ne bie mɔ wɔ ɛkɛ, na bɛzɛlɛle yɛ bɛmanle yɛlile dapɛne wɔ bɛ nwo ɛkɛ. Nzinlii yɛradwule Wulomu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

2 Tem 4:13

Saa ɛba a fa me anwuma tɛladeɛ ne mɔɔ mengyakyile ye wɔ Kaapɛse anwo ɛkɛ ne wɔ Tulowase la bɛla; anrɛɛ fa mbuluku ne mɔ noko, bɔbɔ me nwoma mbuluku mralɛ ne mɔ mɔɔ mekɛlɛ nu la bɛla.