Ɛzoanvolɛma Gyima ne 20:4 - BAEBOLO ANZƐƐ BULUKU NWUANZANWUANZA

⁴ Na Sosepatɛ, mɔɔ le Pelɛse ara nrenya ne mɔɔ vi Bɛlia, yɛɛ Alesetaakɛse nee Sɛkɛndɛse, mɔɔ vi Tɛsalonaeka, Gayɛse mɔɔ vi Dɛbi, yɛɛ Temɔte, akee Tekekɛse nee Tulofemɛse mɔɔ vi Ehyea maanzinli nu la nee ye a hɔle a.

Ɛzoanvolɛma Gyima ne 20:4 ပူးပေါင်းရင်းမြစ်များ

Ɛzoanvolɛma Gyima ne 14:20

Na mɔɔ diedima ne rabɔle yiale ye la, ɔ nye rale zolɛ na ɔdwazole ɔ nee bɛ hɔle sua nu. Aleɛ hyenle la ɔ nee Baanabase bɛhɔle Dɛbi.

Ɛzoanvolɛma Gyima ne 14:6

Mɔɔ ɛzoanvolɛma ne dele la, bɛyele bɛ nwo zo na bɛhɔle Lesetela nee Dɛbi mɔɔ wɔ Laekewonea maanzinli nu la nee namunamu mɔɔ zuozua ɛkɛ ne la azo

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 16:6

Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 17:1

Pɔɔlo nee Saelase kpɔsale hɔle Amfepɔlese nee Apɔlonea na bɛrale Tɛsalonaeka. Dwuuma lɛ nyianu sua wɔ ɛkɛ.

Ɛzoanvolɛma Gyima ne 17:13

Na mɔɔ Dwuuma mɔɔ wɔ Tɛsalonaeka la dele kɛ Pɔɔlo ɛhɔha Nyamenle edwɛkɛ ne wɔ Bɛlia la, bɛrale ɛkɛ ne na bɛrafutule menli ne mɔ ahonle.

Ɛzoanvolɛma Gyima ne 19:29

He-e-e ko mɔɔ bɛyɛle la pɛle sua bɔdenle ne. Na nzakama ne mɔ dule twi kokye la ɛnee bɛwɔ Masidoneama nwiɔ, Gayɛse nee Alesetaakɛse mɔɔ nee Pɔɔlo a lua la anwo zo nwee. Bɛhwenle bɛ bɛ nee bɛ hɔle ɛleka mɔɔ ɔyɛ a bɛyia la.

Ɛzoanvolɛma Gyima ne 2:9

Yɛdayɛ mɔɔ yɛvi Patea, Medea, yɛɛ Yilam, Mɛsɔpɔteemea, Dwudiya, yɛɛ Kapadosea, Pɔntɛse, yɛɛ Ehyea,

Ɛzoanvolɛma Gyima ne 20:16

Pɔɔlo yɛle ye adwenle kɛ ɔnrɛgyinla Ɛfɛsɛse na ɔpɛ nu yeahɔ, amaa yeanzɛkye mekɛ dɔɔnwo wɔ Ehyea maanle ne anu na ɔ nwo ayɛ ndɛ, amaa saa ɔyɛ na ɔkɛyɛ boɛ a, yeadwu Gyɛlusalɛm wɔ Pɛntekɔso kenle ne.

Ɛzoanvolɛma Gyima ne 20:18

Bɛrale la ɔzele bɛ kɛ, “Bɛdabɛ bɛnwu kɛ mezi mebɔ me ɛbɛla, ɔvi kenle mɔɔ membandwule Ehyea maanle ye anu toonwo mɔɔ ɛradwu ɛnɛ la.

Ɛzoanvolɛma Gyima ne 21:29

(Bɛhanle ɛhye, ɔluakɛ ɛnee bɛnwu ye dɛba kɛ Tulofemɛse mɔɔ vi Ɛfɛsɛse la nee Pɔɔlo lua nwo wɔ sua ne azo. Yemɔti ɛnee bɛdwenle kɛ Pɔɔlo nee ye a hɔle Ɛzonlenlɛ Sua ne anu a.)

Ɛzoanvolɛma Gyima ne 27:2

Yɛhɔvole ɛlɛne bie mɔɔ vi Adelameteɛm, mɔɔ ɛlɛkɔ Ehyea maanzinli nu la anu na yɛdule. Alesetaakɛse, mɔɔ le Masidoneanli na ɔvi Tɛsalonaeka la boka yɛ nwo.

Wulo 16:21

Me gɔnwo gyimayɛvolɛ Temɔte biza bɛ muala ahye. Luseɛse, Gyeesen, yɛɛ Sosepatɛ mɔɔ bɛdabɛ noko bɛle Dwuuma la se bɛbiza bɛ ahye.

Wulo 16:23

Me sokoɛvolɛ Gayɛse mɔɔ ye sua nu a yɛyia yɛyɛ nzɛlɛlɛ la biza bɛ ahye. Yilasetɛse, maanle gyaneavolɛ ne nee yɛ diema Koatɛse biza bɛ ahye. [

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

2 Kɔl 1:19

Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:21

Tekekɛse mɔɔ le adiema kulovolɛ nee sonvolɛ mɔɔ di nɔhalɛ maa Awulae gyima ne la bamaa bɛade me nwo edwɛkɛ muala, amaa bɛanwu kɛ me nwo si de la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:19

Me nye la kɛ saa ɔyɛ Awulae Gyisɛse ɛhulolɛ a ɔnrɛhyɛ biala na meazoa Temɔte wɔ bɛ nwo lɔ, amaa meade bɛ nganeɛ na me nye alie.

Kɔlɔ 4:10

Alesetaakɛse mɔɔ nee me a la efiade ye la yɛɛ Maake mɔɔ le Baanabase adiema ne biza bɛ ahye. (Memaa bɛde ye dɛba kɛ saa bɛnwu Maake a bɛlie ye gyɛlɛɛnye.)

Kɔlɔ 4:7

Adiema kulovolɛ Tekekɛse, mɔɔ le nɔhalɛ gyimayɛvolɛ nee sonvolɛ wɔ Awulae gyima nu la babɔ me nwo edwɛkɛ ahile bɛ.

1 Tem 1:1

Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.

2 Tem 1:2

Mefa meahɔmaa me ra Temɔte mɔɔ la me ahonle nwo la. Nyamenle Selɛ ne nee yɛ Awulae Kelaese Gyisɛse ɛlo wɔ, ɔnwu wɔ anwunvɔne na ɔmaa wɔ anzonudwolɛ.

2 Tem 4:12

Mezoa Tekekɛse wɔ Ɛfɛsɛse.

2 Tem 4:20

Yilasetɛse hale Kɔlente yɛɛ mengyakyile Tulofemɛse wɔ Maelitɛse, ɔluakɛ ɛnee ɔnde kpɔkɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:12

Saa mesoa Aatɛmase anzɛɛ Tekekɛse wɔ ɛ nwo lɔ a, bɔ mɔdenle kɛ ɛkɛra me nwo wɔ Nekɔpɔlese, ɔboalekɛ meyɛ me adwenle kɛ ɛkɛ ne a mekali fɔsɛlɛ ne a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.

3 Dw 1:1

Kɛlata ɛhye vi medame “Nrenya Kpanyinli ne” ɛkɛ. Melɛkɛlɛ meahɔmaa me gɔnwo Gayɛse mɔɔ mekulo ye nɔhalɛ nu la.