Ɛzoanvolɛma Gyima ne 20:2 - BAEBOLO ANZƐƐ BULUKU NWUANZANWUANZA

² Ɔvale maanzinli ne mɔ anu na ɔhɔdendɛle ɔzile ɛdoavolɛma ne mɔ ahonle na akee ɔrale Akaya.

Ɛzoanvolɛma Gyima ne 20:2 ပူးပေါင်းရင်းမြစ်များ

Zɛkalaya Buluku ne 9:13

Ɔluakɛ meva Dwuda meyɛ me ɛda mekpo. meva Yizilayɛ meyɛ me ɛda mbaka. O Zayɔn, mebado bɛ mra mrenya kɛ dadeɛ, meava meaha Gilikima senle, na meanwɔha bɛ kɛ kovolɛ dadeɛ.”

Edwɛkpa ne kɛmɔ Luku hɛlɛle la 3:18

Dwɔn luale ndenle dɔɔnwo azo bɔle Edwɛkpa ne nolo hilele menli ne na ɔdule bɛ folɛ kɛ bɛhakyi bɛ subane.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 15:41

Ɔhɔle Selea nee Selesea ɔhɔmanle diedima mɔɔ wɔ asɔne ne mɔ anu la anwosesebɛ.

Ɛzoanvolɛma Gyima ne 16:12

Yɛvi ɛkɛ ne la yɛhɔle Felepae, mɔɔ le suakpole wɔ Masidonea maanzinli nu la. Suakpole ɛhye Wulomu Maanle Maanle belemgbunli ne a bɔle ye nzeseɛ a. Yɛlile kenle dɔɔnwo wɔ sua ne azo.

Ɛzoanvolɛma Gyima ne 17:1

Pɔɔlo nee Saelase kpɔsale hɔle Amfepɔlese nee Apɔlonea na bɛrale Tɛsalonaeka. Dwuuma lɛ nyianu sua wɔ ɛkɛ.

Ɛzoanvolɛma Gyima ne 17:10

Mɔɔ maanle nu muanle la, mediema ne mɔ manle Pɔɔlo nee Saelase hɔle Bɛlia. Bɛhɔdwule la, bɛhɔle Dwuuma nyianu sua ne anu.

Ɛzoanvolɛma Gyima ne 2:40

Na Pita hɔle zolɛ hanle edwɛkɛ dɔɔnwo hilele bɛ na ɔdule bɛ folɛ kɛ, “Bɛhwe bɛ nwo bɛvi amaneɛ mɔɔ amumuyɛma ɛhye mɔ banwu ye la anu.”

Ɛzoanvolɛma Gyima ne 20:1

Nzinlii mɔɔ nzakadolɛ ne guale la, Pɔɔlo vɛlɛle ɛdoavolɛma ne na ɔmanle bɛ akɛnrazilɛ, ɔ nee bɛ lile nrɛlaleɛ na ɔhɔle Masidonea.

Ɛzoanvolɛma Gyima ne 20:11

Pɔɔlo ziale hɔle esanwu ne azo bieko na ɔhɔlile debie. Nzinlii eza Pɔɔlo dendɛle hilele menli ne toonwo alehyenlɛ, akee ɔhɛlale bɛ na ɔhɔle.

Ɛzoanvolɛma Gyima ne 20:3

Ɔlile siane nsa wɔ Akaya. Na mɔɔ ɔhuohuanle ɔ nwo kɛ ɔkɔ Selea la, ɔnwunle kɛ Dwuuma ne ɛhɔ ɔ ti akpamo. Yemɔti ɛkɛ ne ala ɔyɛle ye adwenle kɛ ɔpe aze yealua Masidonea yeazia.

1 Kɔl 4:19

Saa ɔyɛ Nyamenle ɛhulolɛ a ɔnrɛhyɛ, mebara bɛ nwo lɔ na mearavedevede nu meanlea tumi mɔɔ bɛdabɛ mɔɔ bɛlɛtu bɛ nloa anu la lɛ la, na tɛ mɔɔ bɛlɛkeha la ɔ.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

1 Tɛs 2:3

Ɔluakɛ mɔɔ yɛvale yɛdole bɛ nyunlu la ɛngyi nvonleɛ bie anzɛɛ adwenle ɛtane biala azo, yɛɛ yɛando awie biala abɛla.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.