Ɛzoanvolɛma Gyima ne 2:47 - BAEBOLO ANZƐƐ BULUKU NWUANZANWUANZA

⁴⁷ na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Ɛzoanvolɛma Gyima ne 2:47 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 19:48

na bɛannyia nwolɛ adenle, ɔboalekɛ ɛnee menli ne amuala kulo kɛ bɛtie ye, amaa ye edwɛkɛ ne kpɔkɛ ko bɔbɔ andɛla bɛ nzo.

Edwɛkpa ne kɛmɔ Luku hɛlɛle la 2:52

Na Gyisɛse nyinle nwonane nu nee nrɛlɛbɛ nu, na ɔnyianle ɔ nyunlu wɔ Nyamenle nee menli nyunlu.

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 11:24

Baanabase mumua ne le sonlakpalɛ mɔɔ diedi nee Sunsum Nwuanzanwuanza ne ɛyi ye tɛkɛɛ la ati, ɔhwenle menli dɔɔnwo ɔrale Awulae ɛkɛ.

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Ɛzoanvolɛma Gyima ne 14:1

Wɔ Ayekoneɛm noko, edwɛkɛ ko ne ala bie zile. Pɔɔlo nee Baanabase hɔle Dwuuma nyianu sua ne anu hɔdendɛle manle Dwuuma nee Gilikima dɔɔnwo liele lile.

Ɛzoanvolɛma Gyima ne 14:21

Pɔɔlo nee Baanabase hanle Edwɛkpa ne wɔ Dɛbi la, bɛnyianle ɛdoavolɛma gyɛlɛɛnye. Bɛvi ɛkɛ ne bɛziale bɛhɔle Lesetela nee Ayekoneɛm, yɛɛ Anteɔko mɔɔ wɔ Paesedea maanzinli nu la.

Ɛzoanvolɛma Gyima ne 16:5

Ɛhye manle asɔne ne mɔ anwo yɛle se wɔ diedi nu na menli dɔɔnwo rabokale bɛ nwo dahuu.

Ɛzoanvolɛma Gyima ne 17:12

Bɛ dɔɔnwo ne ala liele lile, yɛɛ Giliki mraalɛ nee mrenya dɔɔnwo mɔɔ lɛ duma la noko liele lile.

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 4:33

Na ɛzoanvolɛma ne vale tumi kpole lile Awulae Gyisɛse ewudwazo ne anwo daselɛ, na Nyamenle lole bɛ nyilalɛ dɔɔnwo.

Ɛzoanvolɛma Gyima ne 4:4

Na bɛdabɛ mɔɔ bɛdele edwɛkɛ ne la anu dɔɔnwo liele lile na bɛkɛyɛ mrenya apenle nnu.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 6:7

Na Nyamenle edwɛkɛ ne akee nyinle kpole manle menli somaa rabokale bɛ nwo, na bɛyɛle dɔɔnwo wɔ Gyɛlusalɛm, yɛɛ eza sɛlɛvolɛma dɔɔnwo liele Edwɛkpa ne lile.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Ɛzoanvolɛma Gyima ne 9:35

Menli mɔɔ wɔ Leda nee Hyɛlɔn la nwunle nrenya ne na bɛhakyile bɛdoale Awulae.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Wulo 9:27

Ayezaya hanle ye wɔ Yizilayɛma anwo kɛ, “Saa Yizilayɛma zonle kɛ ɛnweazo anwea bɔbɔ a, ekyi bie yɛɛ bɛbalie bɛ ngoane a,

1 Kɔl 1:18

Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.