Ɛzoanvolɛma Gyima ne 2:45 - BAEBOLO ANZƐƐ BULUKU NWUANZANWUANZA

⁴⁵ Bɛdɔnedɔnenle bɛ nwo ninyɛne nee bɛ agyadeɛ ne mɔ na bɛhyɛle ezukoa ne bɛmanle bɛ muala, kɛmɔ biala ɛhyianlɛ de la.

Ɛzoanvolɛma Gyima ne 2:45 ပူးပေါင်းရင်းမြစ်များ

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Edwɛkpa ne kɛmɔ Mateyu hɛlɛle la 19:21

Gyisɛse buale ye kɛ, “Saa ɛkpondɛ kɛ ɛdi munli a, ɛnee kɔ na kɔdɔne ninyɛne mɔɔ ɛlɛ la amuala na fa ezukoa ne maa ehyianvolɛma, na ɛkɛnyia anwonyia wɔ anwuma; na akee bɛla bali me nzi.”

Edwɛkpa ne kɛmɔ Luku hɛlɛle la 16:9

Na Gyisɛse hɔle zo zele kɛ, “Yemɔti meka meahile bɛ, ezukoa ɛnle kpalɛ ɛdeɛ, noko anrɛɛ bɛva bɛ ezukoa nee bɛ anwonyia bɛdila agɔnwolɛ, amaa saa bɛkpo aze a, bɛalie bɛ wɔ awuke mɔɔ ɛmbɔ ɛlɛ la anu.

Edwɛkpa ne kɛmɔ Luku hɛlɛle la 18:22

Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 4:34

Bɛ nuhua biala angyia, ɔluakɛ bɛdabɛ mɔɔ bɛlɛ ninyɛne mɔɔ le kɛ azɛlɛ anzɛɛ azua la dɔnedɔnenle bɛ, bɛvale ezukoa mɔɔ bɛnyianle ye wɔ nu la

Ɛzoanvolɛma Gyima ne 4:35

bɛrɛlɛle ɛzoanvolɛma ne na bɛhyɛle bɛmanle awie biala nyianle bie, kɛmɔ bɛ ɛhyianlɛ ngakyile ne mɔ de la.

2 Kɔl 9:1

Ɔngyia biala kɛ menwɔhɛlɛ bɛ wɔ moalɛ mɔɔ bɛlɛ bɛkamaa Nyamenle menli ne la anwo.

2 Kɔl 9:9

Nyamenle edwɛkɛ ne se, “Ɔ sa dwu ehyianvolɛma anwo zo, ye atiakunlukpalɛ ne wɔ ɛkɛ dahuu.”

1 Dw 3:17

Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?