Ɛzoanvolɛma Gyima ne 2:4 - BAEBOLO ANZƐƐ BULUKU NWUANZANWUANZA

⁴ Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 2:4 ပူးပေါင်းရင်းမြစ်များ

2 Sam 23:2

Ɛdɛnkɛma Sunsum ne dua me nwo zo tendɛ; ye edwɛkɛ ne dua me nloa.

Ayezaya Buluku ne 28:11

Kyɛkyɛ, Ɛdɛnkɛma balua menli mɔɔ ka aneɛ gyɛne la anwo zo adendɛ ahile menli ɛhye mɔ

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Gyɛlɛmaya Buluku ne 6:11

Yemɔti ɛya mɔɔ wɔva ye bɛ nwo la ɛwolowolo me, Ɛdɛnkɛma. Mengola ye me kunlu di.” Nzinlii Ɛdɛnkɛma zele me kɛ, “Wola me ɛya ne gua ngakula mɔɔ wɔ guabile ne mɔ azo, nee mgbavolɛ mɔɔ ɛyia la anwo zo. Bɛbahye kunli nee yelɛ, mgbanyinli nee mrelera bɛahɔ.

Yizikeɛle Buluku ne 3:11

Kɔ wɔ menli ne mɔɔ wɔ nlɔnu la ɛkɛ ne, na saa bɛtie wɔ o, bɛandie wɔ o, ka kile bɛ kɛ, ‘Kɛ medame, Awulae Nyamenle, mese la ɛne.’ ”

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Edwɛkpa ne kɛmɔ Mateyu hɛlɛle la 10:19

Saa bɛfa bɛ bɛkɔ kɛ bɛli bɛ edwɛkɛ a, bɛmmadwenle mɔɔ bɛbaha la anwo anzɛɛ kɛ bɛbazi bɛaha ye la anwo; saa mekɛ ne dwu a, bɛbava mɔɔ bɛbaha la bɛamaa bɛ.

Edwɛkpa ne kɛmɔ Maake hɛlɛle la 16:17

Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Edwɛkpa ne kɛmɔ Luku hɛlɛle la 1:41

Mɔɔ Ɛlezabɛte dele Mɛle ahyebizalɛ ne la, ɔ ra ne mɔɔ la ɔ kunlu la hanle ɔ nwo, Sunsum Nwuanzanwuanza ne wolole Ɛlezabɛte

Edwɛkpa ne kɛmɔ Luku hɛlɛle la 1:67

Sunsum Nwuanzanwuanza ne wolole Dwɔn ɔ ze Zɛkalaya na ɔbɔle Nyamenle Edwɛkɛ ne nolo kɛ,

Edwɛkpa ne kɛmɔ Luku hɛlɛle la 12:12

Ɔluakɛ mekɛ ne anu, Sunsum Nwuanzanwuanza ne bahilehile bɛ mɔɔ ɔwɔ kɛ bɛka la.”

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Edwɛkpa ne kɛmɔ Luku hɛlɛle la 4:1

Gyisɛse vi Azule Dwɔdan ne anloa ziale rale la ɛnee Sunsum Nwuanzanwuanza ne ɛyi ye tɛkɛɛ. Sunsum ne vale ye hɔle fienemgbole ne anu

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 20:22

Akee ɔliele ɛnwomenle ɔguale bɛ nwo zo na ɔhanle kɛ, “Bɛlie Sunsum Nwuanzanwuanza ne.

Ɛzoanvolɛma Gyima ne 1:5

Dwɔn vale nzule a zɔnenle a, na bɛmɛ, ɔnrɛhyɛ biala, bɛbava Sunsum Nwuanzanwuanza ne a bɛazɔne bɛ a.”

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 10:46

Ɔluakɛ bɛdele kɛ ɛnee bɛlɛka ɛdendɛlɛ ngakyile bɛahanvo Nyamenle ye bedevinli mɔɔ ɔde la. Na Pita manle ɔ ne zo zele kɛ,

Ɛzoanvolɛma Gyima ne 10:47

“Menli ɛhye mɔ ɛnyia Sunsum Nwuanzanwuanza ne, kɛmɔ yɛnyianle ye ala la. Anzɛɛ awie kɛhola kɛze kɛ ɔnle kɛ yɛfa nzule yɛsɔne bɛ ɔ?”

Ɛzoanvolɛma Gyima ne 11:15

Na membɔle ɔ bo kɛ metendɛ ala la yɛɛ Sunsum Nwuanzanwuanza ne rale bɛ nwo zo, kɛmɔ mɔlebɛbo ne ɔrale yɛ nwo zo la a.

Ɛzoanvolɛma Gyima ne 11:24

Baanabase mumua ne le sonlakpalɛ mɔɔ diedi nee Sunsum Nwuanzanwuanza ne ɛyi ye tɛkɛɛ la ati, ɔhwenle menli dɔɔnwo ɔrale Awulae ɛkɛ.

Ɛzoanvolɛma Gyima ne 13:52

Na diedima mɔɔ wɔ Anteɔko la lile fɛlɛko kpole na Sunsum Nwuanzanwuanza ne yile bɛ tɛkɛɛ.

Ɛzoanvolɛma Gyima ne 13:9

Na Sunsum Nwuanzanwuanza ne rawolole Sɔɔlo, mɔɔ ɛnee akee bɛfɛlɛ ye Pɔɔlo la, ɔnleanle Ɛlemase koonwu

Ɛzoanvolɛma Gyima ne 15:8

Na Nyamenle mɔɔ ze sonla ahonle nu la hilele kɛ yelie bɛdabɛ mɔɔ bɛnle Dwuuma la noko, na ɔmanle bɛ Sunsum Nwuanzanwuanza ne bie, kɛmɔ ɔvale ɔmanle yɛdayɛ ala la.

Ɛzoanvolɛma Gyima ne 19:6

Pɔɔlo vale ɔ sa guale bɛ nwo zo, bɛnyianle Sunsum Nwuanzanwuanza ne na bɛhanle ɛdendɛlɛ ngakyile bɛhanle Nyamenle nrɛlaleɛ ne.

Ɛzoanvolɛma Gyima ne 2:11

Dwuuma nee bɛdabɛ mɔɔ bɛnle Dwuuma na bɛhakyi bɛsonle Dwuuma Nyamenle ne la, Kilitima nee Areleebeama, noko yɛ muala yɛte kɛ bɛlɛfa yɛ maanle nu aneɛ bɛaha ninyɛne mgbole mɔɔ Nyamenle ɛyɛ la.”

Ɛzoanvolɛma Gyima ne 2:3

Na bɛnwunle kɛ debie mɔɔ le kɛ senle ndafinlima la zandele na bɛzinzele bɛdabɛ mɔɔ bɛwɔ ɛkɛ ne la ati zo ngoko ngoko.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Ɛzoanvolɛma Gyima ne 4:8

Sunsum Nwuanzanwuanza ne vale Pita nyinle, na ɔbuale bɛ kɛ, “Nana mɔ nee egya mɔ,

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 6:8

Nyamenle lole Sitivin dɔɔnwo na ɔmanle ye tumi kpole ɔmanle ɔyɛle nwanwane ninyɛne mgbole ɔhilele menli.

Ɛzoanvolɛma Gyima ne 7:55

Na ɛnee Sunsum Nwuanzanwuanza ne ɛyi Sitivin tɛkɛɛ la ati, ɔdole ɔ nye anwuma na ɔnwunle Nyamenle anyunlunyia ne na Gyisɛse gyi Nyamenle asa fema zo.

Ɛzoanvolɛma Gyima ne 8:17

Pita nee Dwɔn vale bɛ sa guale menli ne mɔ ati zo zɛlɛle, na bɛnyianle Sunsum Nwuanzanwuanza ne.

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

1 Kɔl 13:8

Ɛhulolɛ ɛmbɔ aze ɛlɛ. Nyamenle anloa azo ɛdendɛlɛ ɛdeɛ, ɔbakpa nwo. Ahyɛlɛdeɛ mɔɔ bɛfa bɛtendɛ aneɛ ngakyile ne mɔ la bazi aze, yɛɛ nwoma ɛnwunlɛ mgbole bapɛ nu aze.

1 Kɔl 14:18

Meyɛ Nyamenle mo kɛ meka aneɛ ngakyile metɛla bɛ nuhua biala a.

1 Kɔl 14:5

Mekulo kɛ anrɛɛ bɛ muala bɛkɛha aneɛ ngakyile ne mɔ bie, noko me kunlu a anrɛɛ eza bɛ muala bɛkola bɛbɔ Nyamenle edwɛkɛ ne nolo kpalɛ. Ɔluakɛ sonla mɔɔ bɔ Nyamenle edwɛkɛ ne nolo la anwo hyia kpalɛ tɛla sonla mɔɔ ka aneɛ ngakyile la, kyesɛ awie wɔ ɛkɛ ne mɔɔ kola kile mɔɔ ɔka la abo a, amaa yeayɛ moalɛ yeamaa asɔnema amuala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:19

Mesɛlɛ kɛ anrɛɛ bɛanwu ye ɛhulolɛ ne mɔɔ bo sonla adwenle zo la, na Nyamenle su ne mɔɔ maa sonla sɔ Nyamenle anye la ayi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

2 Pit 1:21

Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

1 Sam 1:14

Yemɔti Yilae zele ye kɛ, “Duzu ati a wɔbo zɛhae ɛ? Gyakyi nzanlonlɛ na yɛ ɛ nye gyɛlɛmgbɛɛnye”

1 Sam 10:10

Mɔɔ Sɔɔlo nee ye sonvolɛ ne dwule Gebɛya la, bɛ nee Nyamenle kpɔmanvolɛma ekpunli bie yiale. Arɛlevilɛ nu Nyamenle Sunsum ne dwule Sɔɔlo anwo zo kpole bie, na ɔ nee bɛ zile agole na bɛhanle Nyamenle nrɛlaleɛ ne.