Ɛzoanvolɛma Gyima ne 2:37 - BAEBOLO ANZƐƐ BULUKU NWUANZANWUANZA

³⁷ Mɔɔ menli ne dele ɛhye la, ɛzulolɛ kpole hanle bɛ na bɛbizale Pita nee ɛzoanvolɛma ne mɔ kɛ, “Ayi mɔ, duzu a ɔwɔ kɛ yɛyɛ a?”

Ɛzoanvolɛma Gyima ne 2:37 ပူးပေါင်းရင်းမြစ်များ

Edwɛndolɛ Buluku ne 73:21

Mekɛ mɔɔ nyane hanle me, mekɛ mɔɔ me ahonle futule la,

Nolo 12:11

Nrɛlɛbɛvoma edwɛkɛ le kɛ mboaneneavolɛma agbɔma ati ndwondwɔɔnwo ne mɔ mɔɔ bɛfa bɛka mboane la, yɛɛ mrɛlɛ mɔɔ bɛboɔboa bɛ nloa la kyɛ kɛ agbɛlɛko mɔɔ bɛva bɛbobɔ debie nu la. Nyamenle ne mɔɔ le kɛ mboaneneavolɛ mɔɔ nea yɛ kɔsɔɔti yɛ nwo zo la a ɛva ɛmaa yɛ a.

Ayezaya Buluku ne 21:12

Sinzavolɛ ne bua ye kɛ, “Aleɛ ɛlɛkye, na eza aledwolɛ bara. Saa ɛse ɛbiza a, biza; anrɛɛ sia bɛla bieko.”

Yizikeɛle Buluku ne 7:16

Saa bie mɔ fi ɛsalɛ a, bɛbanriandi bɛahɔ awoka ne mɔ azo lɔ, bɛbayɛ kɛ mbɔnza nu abubule, na bɛazu bɛ ɛtane.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Luku hɛlɛle la 3:10

Menli ne mɔ bizale ye kɛ, “Ɛnee duzu a yɛyɛ a?”

Edwɛkpa ne kɛmɔ Luku hɛlɛle la 3:12

Adwuledievolɛma bie rale kɛ bɛba bɛamaa bɛazɔne bɛ, na bɛbizale Dwɔn kɛ, “Kilehilevolɛ, duzu a yɛyɛ a?”

Edwɛkpa ne kɛmɔ Luku hɛlɛle la 3:14

Sogyama bie noko bizale ye kɛ, “Na yɛdayɛ noko ɛ? Duzu a yɛyɛ a?” Dwɔn zele bɛ kɛ, “Bɛmmabɔ awie apo bɛdie ye ezukoa, anzɛɛ bɛmmato awie biala ɛzonle. Bɛmaa bɛ kunlu ɛdwo bɛ ezukoa mɔɔ bɛtua bɛ la anwo.”

Dw 8:9

Menli ne dele ɛhye la, bɛbɔle ɔ bo, ɔvi bɛ mgbanyinli ne mɔ anwo zo, bɛhɔle ngoko ngoko dedee bɛwiele kɔ bɔkɔɔ. Ɔhale Gyisɛse nee raalɛ ne angome wɔ ɛkɛ ne.

Ɛzoanvolɛma Gyima ne 1:16

“Ayi mɔ, ɔwɔ kɛ Nyamenle Edwɛkɛ ne mɔɔ Sunsum Nwuanzanwuanza ne luale Belemgbunli Devidi anwo zo hanle dole ɛkɛ ne, mɔɔ fane Dwudase mɔɔ lile menli mɔɔ rahyele Gyisɛse la anyunlu la anwo la yɛ nɔhalɛ.

Ɛzoanvolɛma Gyima ne 22:10

Na membizale kɛ, ‘Awulae, duzu a menyɛ a?’ Na Awulae zele me kɛ, ‘Dwazo na kɔ Dɛmasekɛse, na ɛkɛ ne yɛɛ bɛbaha debie mɔɔ Nyamenle ɛhyehyɛ kɛ ɔmaa wɔayɛ la bɛahile wɔ a.’

Ɛzoanvolɛma Gyima ne 5:33

Ɛhye yelale ayiama ne kpole manle bɛyɛle kɛ bɛku ɛzoanvolɛma ne.

Ɛzoanvolɛma Gyima ne 7:54

Mekɛ mɔɔ ayiama ne ɛlɛtie Sitivin la ɛnee ɛya ɛwie bɛ wolowolo na bɛ nwo ndinli ɛlɛtwehwe bɛ kikilikikili zɛhae.

Wulo 7:9

Mekɛ bie mɔɔ ɛnee menze mɛla deɛ holɛ la ɛnee melɛ ngoane, na mɔɔ mɛla rale la, ɛtane dwazole gyinlanle,