Ɛzoanvolɛma Gyima ne 2:32 - BAEBOLO ANZƐƐ BULUKU NWUANZANWUANZA

³² Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 2:32 ပူးပေါင်းရင်းမြစ်များ

Dw 15:27

Na bɛdabɛ noko bɛbaha me nwo edwɛkɛ, ɔboalekɛ ɔvi mɔlebɛbo ne amuala, bɛ nee me a lua a.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 13:30

Na Nyamenle dwazole ye vile mɔwuamra anu,

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:33

Na ɛzoanvolɛma ne vale tumi kpole lile Awulae Gyisɛse ewudwazo ne anwo daselɛ, na Nyamenle lole bɛ nyilalɛ dɔɔnwo.

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

1 Kɔl 15:15

Yeanga ye zɔ, saa ɔnle nɔhalɛ kɛ bɛdwazo mɔwuamra bɛba ngoane nu a, ɛnee yɛdo Nyamenle ɛzonle, ɔluakɛ yɛli daselɛ kɛ Nyamenle ɛdwazo Kelaese ɛvi ewule nu, wɔ mekɛ mɔɔ yeanyɛ ye zɔhane la.

1 Kɔl 6:14

Nyamenle a dwazole Awulae vile ewule nu a, na ɔlua ye tumi ne azo ɔbadwazo yɛdayɛ noko yeavi ewule nu.

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:1

Medame Pɔɔlo, mɔɔ Gyisɛse Kelaese nee Nyamenle Selɛ ne mɔɔ dwazole ye vile mɔwuamra anu la ɛvɛlɛ me kɛ menyɛ ɛzoanvolɛ, na tɛ menli a ɛhyehyɛ ɛyɛ me bɛ ɛzoanvolɛ la a melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:20

mɔɔ Nyamenle vale dwazole Kelaese vile ewule nu, na ɔvale ye ɔdɛnlanle ɔ sa fema zo wɔ anwuma la.

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.