Ɛzoanvolɛma Gyima ne 2:23 - BAEBOLO ANZƐƐ BULUKU NWUANZANWUANZA

²³ Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 2:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:20

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Ayezaya Buluku ne 37:26

“Asoo ɛtɛtele kɛ mengyehyɛle ɛhye mendole ɛkɛ ne dɛba, yɛɛ memaa yeyɛ zɔhane a? Memanle wɔ anwosesebɛ kɛ ɛva ɛbutubutu azuamgbole mɔɔ bɛbɔ nwolɛ bane la anye aze ɛyɛ bɛ azuadu.

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Mateyu hɛlɛle la 20:19

na bɛava me bɛawula menli mɔɔ ɛnle Dwuuma la asa anu. Bɛdabɛ noko bɛbazi me amgbu, bɛabila me empele, na bɛabɔ me meanubaka nu bɛahu me; na ye kenle nsa ne azo bɛbadwazo me bɛara ngoane nu.”

Edwɛkpa ne kɛmɔ Mateyu hɛlɛle la 26:24

Na mame Sonla Ra, mebawu, kɛmɔ Nyamenle Edwɛkɛ ne se la, na ahenle mɔɔ ɔdua ɔ nwo zo bɛaye Sonla Ra ne bɛamaa la, ye gyakɔ! Ɔle kpalɛ kɛ anrɛɛ bɛanwo ye!”

Edwɛkpa ne kɛmɔ Mateyu hɛlɛle la 27:35

Bɛbɔle ye meanubaka nu na akee bɛguale nzeleba bɛhyɛle ye adɛladeɛ ne mɔ bɛvale.

Edwɛkpa ne kɛmɔ Maake hɛlɛle la 15:24

Bɛbɔle ye meanubaka nu na bɛhwenle adunyi bɛhyɛle ye adɛladeɛ ne mɔ.

Edwɛkpa ne kɛmɔ Luku hɛlɛle la 22:22

Na medame Sonla Ra mebawu, kɛmɔ Nyamenle ɛhyehyɛ ala la, na munzule doa sonla ne mɔɔ ye me amaa la!”

Edwɛkpa ne kɛmɔ Luku hɛlɛle la 22:37

Ɔluakɛ meka meahile bɛ, ɔwɔ kɛ mɔɔ Nyamenle Edwɛkɛ ne ɛha ye wɔ me nwo la yɛ nɔhalɛ. Ɔse, ‘Bɛdianle ye bɛbokale maamɔvoma anwo,’ ɔboalekɛ mɔɔ bɛhɛlɛle mɔɔ fane me nwo la ɛlɛba arape zolɛ.”

Edwɛkpa ne kɛmɔ Luku hɛlɛle la 23:33

Mɔɔ bɛdwule ɛleka bie mɔɔ bɛfɛlɛ ye “Etile Kanrɛlɛ” la, bɛbɔle Gyisɛse meanubaka nu wɔ ɛkɛ ne, yemɔ yɛɛ maamɔvoma nwiɔ ne, ko wɔ ye fema zo yɛɛ ko noko wɔ ye bɛne zo.

Edwɛkpa ne kɛmɔ Luku hɛlɛle la 24:20

Yɛ sɛlɛvolɛ mgbanyinli nee mgbanyima ne mɔ yele ye manle bɛbule ye ewule fɔlɛ, na bɛbɔle ye meanubaka nu.

Dw 19:18

Ɛkɛ ne yɛɛ bɛbɔle ye meanubaka nu a; bɛbɔle menli nwiɔ noko meanubaka nu wɔ ɛkɛ ne, ko wɔ Gyisɛse fema zo yɛɛ ko wɔ ye bɛne zo na Gyisɛse wɔ avinli.

Dw 19:24

sogyama ne zele bɛ nwo kɛ, “Bɛmmamaa yɛsuosua nu; bɛmaa yɛgua nwolɛ nzeleba yɛnlea ahenle mɔɔ ɔkɛyɛ ye ɛdeɛ la.” Ɛhye zile amaa Nyamenle Edwɛkɛ ne ayɛ nɔhalɛ kɛ, “Bɛhyɛle me adɛladeɛ ne mɔ bɛvale, na me bubu ne, bɛguale nwolɛ nzeleba.” Mɔɔ sogyama ne mɔ yɛle la ɛne.

Ɛzoanvolɛma Gyima ne 13:27

Menli mɔɔ wɔ Gyɛlusalɛm nee bɛ mgbanyima ne mɔ annwu kɛ yemɔ a ɔle Ngoanedievolɛ ne a, yɛɛ bɛande Nyamenle kpɔmanvolɛma edwɛkɛ ne mɔɔ bɛkenga ye dahuu wɔ Ɛnwomenlelielɛ Kenle ne la abo. Noko bɛbule Gyisɛse ewule fɔlɛ bɛmanle Nyamenle kpɔmanvolɛma edwɛkɛ ne mɔɔ hanle la yɛle nɔhalɛ.

Ɛzoanvolɛma Gyima ne 15:18

Awulae a vale ɛhye dole gua dɛbadɛba ne a.’ ”

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Ɛzoanvolɛma Gyima ne 5:28

“Bɛmɛ, yɛbɔ bɛ kɔkɔ kɛ bɛmmabɔ sonla zɔhane duma bɛkilehile menli wɔ ɛleka biala, noko nea mɔɔ akee bɛlɛyɛ a. Bɛva bɛ ngilehilelɛ ne bɛkponde Gyɛlusalɛm amuala; bɛyɛ bɛamaa yɛmɛ yɛali ɛzonle wɔ sonla ne ewule nwo!”

Ɛzoanvolɛma Gyima ne 5:30

Yɛ nlenya mɔ Nyamenle ne dwazole Gyisɛse mɔɔ bɛmɛ bɛbɔle ye meanubaka nu bɛhunle ye la vile ewule nu.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Wulo 2:12

Bɛdabɛ mɔɔ bɛnle Dwuuma la ɛnlɛ Mosisi mɛla ne; yemɔti bɛyɛ ɛtane a bɛminli bɔbɔ ɛdeɛ, noko tɛ mɛla ne abo ɔ. Dwuuma a lɛ mɛla ne a, yemɔti bɛyɛ ɛtane a bɛnea mɛla ne azo a bɛbua bɛ ndɛne a.

Wulo 4:17

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.