Ɛzoanvolɛma Gyima ne 2:21 - BAEBOLO ANZƐƐ BULUKU NWUANZANWUANZA

²¹ Na ɔbara kɛ awie biala mɔɔ kɛbɔ Awulae duma la bɛkɛlie ye ngoane.’

Ɛzoanvolɛma Gyima ne 2:21 ပူးပေါင်းရင်းမြစ်များ

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Dwowɛle Buluku ne 2:32

Na ɔbara kɛ bɛdabɛ mɔɔ bɛkɛvɛlɛ Ɛdɛnkɛma la bɛbalie bɛ ngoane, ɔluakɛ wɔ Zayɔn Boka nee Gyɛlusalɛm, bie mɔ bavi ɛsalɛ, kɛmɔ Ɛdɛnkɛma ɛha la, na bɛdabɛ mɔɔ bɛbaha la anu yɛɛ bɛdabɛ mɔɔ Ɛdɛnkɛma bavɛlɛ bɛ la wɔ a.”

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Ɛzoanvolɛma Gyima ne 2:20

Sɛnzɛne ne bayɛ awozinli, na siane ne ayɛ yɔɔnwo kɛ mogya, kolaa na Awulae anyunlunyia kenle kpole ne adwu.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Ɛzoanvolɛma Gyima ne 9:11

Na Awulae zele ye kɛ, “Kɔ kpalɛ ne mɔɔ bɛfɛlɛ ye ‘Fɔɔnwo’ la azo, na kɔ Dwudase sua nu, na biza awie bie mɔɔ vi Taasɛse na bɛfɛlɛ ye Sɔɔlo la. Ɔgua zolɛ ɔlɛyɛ nzɛlɛlɛ,

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.