Ɛzoanvolɛma Gyima ne 2:20 - BAEBOLO ANZƐƐ BULUKU NWUANZANWUANZA

²⁰ Sɛnzɛne ne bayɛ awozinli, na siane ne ayɛ yɔɔnwo kɛ mogya, kolaa na Awulae anyunlunyia kenle kpole ne adwu.

Ɛzoanvolɛma Gyima ne 2:20 ပူးပေါင်းရင်းမြစ်များ

Ayezaya Buluku ne 13:10

Anwomanyunlu nwɔlɔra nee bɛ sɔsɔkɛ ne amuala, biala ɛnrɛda; sɛnzɛne ne balu wɔ ye ɛdudulɛ nu, yɛɛ siane ne ɛnrɛda.

Ayezaya Buluku ne 13:15

Bɛ nuhua biala mɔɔ bɛkɛnwu ye la bɛbawɔ ye atwɛ, yɛɛ mɔɔ bɛkɛhye ye la bawu dadeɛ nloa.

Ayezaya Buluku ne 13:9

Bɛnlea, Ɛdɛnkɛma kenle ne ɛlɛba; ɔle ɛya kenle anu ɛzulolɛ kpole kpalɛ mɔɔ Ɛdɛnkɛma bava ahakyi azɛlɛ ye ɛsɛlɛ, na yeazɛkye ɛtanema amuala yeavi zolɛ a.

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Ayezaya Buluku ne 34:8

Ɛdɛnkɛma lɛ ye nzenralɛlilɛ mekɛ mɔɔ ɔbava yealie Zayɔn ati a.

Gyɛlɛmaya Buluku ne 4:23

Meneanle azɛlɛ ye azo, na nea, ɛnee yedɔ mgbane, ɛhwee ɛnle zo; meneanle anwuma, na anwumaneamra anda.

Dwowɛle Buluku ne 2:1

Bɛwu aweɛne tendenle ne anu wɔ Zayɔn; bɛbɔ bubu wɔ me boka nwuanzanwuanza ne azo! Bɛmaa menli mɔɔ wɔ azɛlɛ ne azo la kɔsɔɔti anwo ɛwozo bɛ, ɔluakɛ Ɛdɛnkɛma kenle ne ɛlɛba, yedwu bɔbɔ asɛɛ.

Dwowɛle Buluku ne 2:31

Sɛnzɛne ne balu kisii, na siane ne ayɛ kɔkɔlɛ kɛ mogya kolaa na Ɛdɛnkɛma kenle kpole anu ɛzulolɛ ne ara.

Dwowɛle Buluku ne 3:14

Apenle apenle, apenle apenle wɔ Ndɛnebualɛ Bɔnza ne anu. Ɔluakɛ Ɛdɛnkɛma mekɛ ne ɛbikye, ɔbazi Ndɛnebualɛ Bɔnza ne anu.

Emɔzo Buluku ne 8:9

Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 24:29

Gyisɛse hɔle zolɛ hilele nu kɛ, “Anwongyelelɛ mekɛ ne anzi, awozinli baheda sɛnzɛne ne azo, siane ne ɛnrɛda, nwɔlɔra badudu agua aze, na bɛbadudu anwumaneamra bɛavi bɛ ndenle ne mɔ azo.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Maake hɛlɛle la 13:24

“Mekɛ ne anu, wɔ anwongyelelɛ ne anzi, awozinli baheda sɛnzɛne ne azo, siane ɛnrɛda bieko,

Edwɛkpa ne kɛmɔ Luku hɛlɛle la 21:25

“Sɛkɛlɛneɛ ɛzulolɛ basisi sɛnzɛne ne, siane ne nee nwɔlɔra ne mɔ anyunlu. Maanle maanle arɛle babɔ, na bɛ ti akunlu azɛkye nyevile ne ɛzɛkyelɛ nee ye ɛhululɛ nwo.

Ɛzoanvolɛma Gyima ne 2:19

Mebayɛ nwanwane ninyɛne wɔ anwomanyunlu na meayɛ sɛkɛlɛneɛ wɔ azɛlɛ ye azo. Bɛbanwu mogya, senle, yɛɛ esike mungumungu.

Ɛzoanvolɛma Gyima ne 2:21

Na ɔbara kɛ awie biala mɔɔ kɛbɔ Awulae duma la bɛkɛlie ye ngoane.’

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

Yekile 16:8

Nyamenle soanvolɛ ne mɔɔ tɔ zolɛ nna la noko wolale ye ɛdeɛ ne guale sɛnzɛne ne azo manle ɔnyianle adenle ɔvale ye wuluwulu ne ɔyelɛyelale menli.

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.