Ɛzoanvolɛma Gyima ne 2:2 - BAEBOLO ANZƐƐ BULUKU NWUANZANWUANZA

² Na arɛlevilɛ nu ala alɛra bie vi anwuma kɛ ahumu kpole bie la rayile sua ne mɔɔ bɛwɔ nu la.

Ɛzoanvolɛma Gyima ne 2:2 ပူးပေါင်းရင်းမြစ်များ

1 Arl 19:11

Ɛdɛnkɛma zele Yilaegya kɛ, “Finde bagyinla me nyunlu wɔ boka ne azo.” Ɛdɛnkɛma akee razenle ɛkɛ, na anwoma bɔle na ahumu dule kpole bie manle awolɛ kpukekpukele, noko ɛnee Ɛdɛnkɛma ɛnle anwoma ne anu; ahumu ne anzi, azɛlɛ kpusule, noko ɛnee Ɛdɛnkɛma ɛnle azɛlɛkpusulɛ ne anu.

Edwɛndolɛ Buluku ne 18:10

Ɔdɛnlanle tease abɔdeɛ zo ɔdule; na ndɛndɛ ne ala ɔragyinlanle anwoma ne azo.

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Ayezaya Buluku ne 65:24

Bɛnrɛvɛlɛ bɔbɔ na mealie bɛ zo; mebade bɛ edwɛkɛ wɔ mekɛ mɔɔ bɛ nloa wɔ zo bɛlɛsɛlɛ la.

Malakae Buluku ne 3:1

Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”

Edwɛkpa ne kɛmɔ Luku hɛlɛle la 2:13

Arɛlevilɛ nu ala anwuma soanvolɛma dɔɔnwo rabokale Nyamenle soanvolɛ ko ne anwo na bɛdole edwɛne bɛyele Nyamenle ayɛlɛ kɛ:

Dw 3:8

Anwoma ne bɔ kɔ ɛleka mɔɔ ɔkulo la; ɛte ɔ ne, na ɛnze ɛleka mɔɔ ɔvi ɔba a, yɛɛ ɛnze ɛleka mɔɔ ɔkɔ a. Zɔhane ala yɛɛ awie biala mɔɔ bɛkɛwo ye Sunsum nu la de a.”

Ɛzoanvolɛma Gyima ne 2:3

Na bɛnwunle kɛ debie mɔɔ le kɛ senle ndafinlima la zandele na bɛzinzele bɛdabɛ mɔɔ bɛwɔ ɛkɛ ne la ati zo ngoko ngoko.

Ɛzoanvolɛma Gyima ne 2:6

Mɔɔ bɛdele ɛnelɛ ɛhye la, bɛ nuhua dɔɔnwo kpalɛ rale ɛkɛ, na ɔyɛle bɛ ɛzulolɛ kpole; ɔluakɛ bɛ nuhua ko biala dele kɛ diedima ne ɛlɛka ye sua zo aneɛ ne bie.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.