Ɛzoanvolɛma Gyima ne 2:14 - BAEBOLO ANZƐƐ BULUKU NWUANZANWUANZA

¹⁴ Na Pita nee ɛzoanvolɛma bulu nee ko ne mɔɔ hale la dwazole na ɔmanle ɔ ne zo ɔzele ɛlɔne ne kɛ, “Ebiamɔ Dwuuma nee bɛdabɛ mɔɔ bɛwɔ Gyɛlusalɛm ɛke la amuala, bɛdie bɛmaa mengile bɛ ɛhye mɔ abo.

Ɛzoanvolɛma Gyima ne 2:14 ပူးပေါင်းရင်းမြစ်များ

Mrɛlɛbulɛ Buluku ne 8:32

“Na kɛkala, me mra mrenya, bɛdie me; bɛdabɛ mɔɔ bɛfa me ndenle zo la di fɛlɛko.

Ayezaya Buluku ne 40:9

O, wɔmɔ mɔɔ ɛlɛ amaneɛ fɛlɛko ɛbabɔ Zayɔn a, fo kɔ boka tendenle ne azo; wɔmɔ mɔɔ ɛlɛ amaneɛ fɛlɛko ɛbabɔ Gyɛlusalɛm a, fa wɔ anwosesebɛ muala kpogya ɛ ne zo ka. Kpogya ɛ ne zo, mmasulo! Ka kile Dwuda azuamgbole ne mɔ kɛ, “Bɛnlea, bɛ Nyamenle ne ɛne!”

Ayezaya Buluku ne 51:1

Ɛdɛnkɛma se, “Bɛdabɛ mɔɔ bɛkpondɛ ngoane, bɛdabɛ mɔɔ bɛkpondɛ Ɛdɛnkɛma moalɛ la, bɛdie! Bɛnlea bodane ne mɔɔ bɛkpukele bɛyele bɛ nu, awolɛdulɛ kuma ne mɔɔ bɛdule bɛ nu la.

Ayezaya Buluku ne 51:4

“Bɛdie me, me menli, me maanlema, bɛyɛ ɛnzonlɛ bɛdie me, ɔluakɛ mebali mɛla, na me pɛlepɛlelilɛ bayɛ kɛnlaneɛ amaa maanle maanle ne mɔ.

Ayezaya Buluku ne 51:7

“Bɛmɛ tenlenema, bɛdie me, bɛmɛ mɔɔ bɛdi me mɛla zo, bɛmmasulo menli ngehanleɛ, yɛɛ bɛmmamaa bɛ ahonle tu bɛ ɛnwunlonwunlanlɛ nwo.

Ayezaya Buluku ne 52:8

Bɛdie, bɛ sinzavolɛma ɛlɛtea nu, bɛbɔ nu bɛto edwɛne anyelielɛ nu, ɔluakɛ bɛdabɛ bɛnwu ye bɛ nye amunwiɔ kɛ Ɛdɛnkɛma ɛzia ɛlɛba Zayɔn.

Ayezaya Buluku ne 55:2

Duzu ati a bɛsɛkye bɛ ezukoa wɔ mɔɔ ɛnle aleɛ la anwo, na bɛsɛkye bɛ anwosesebɛ wɔ mɔɔ ɛmmaa ahunlundwolɛ la anwo ɛ? Bɛdie me kpalɛ, bɛli mɔɔ le kpalɛ la, na bɛmaa bɛ nye ɛlie aleɛ sosɔɔ nwo na bɛyɛ mbelane.

Ayezaya Buluku ne 58:1

Ɛdɛnkɛma zele me kɛ, “Tea nu, tea nu kpalɛ, maa ɛ ne ɛlielie kɛ aweɛne tendenle ne; ka me menli ne, Gyekɔbo abo zo amra ne mɛladonlɛ nee bɛ ɛtane ne mɔ kile bɛ.

Hozia Buluku ne 8:1

Ɛdɛnkɛma se, “Bɛwu aweɛne tendenle ne anu. Agbɔvolɛ ɛlɛba arali me azɛlɛ ye mutule kɛ ahɔleɛ! Ɔluakɛ menli ne ɛtulu me ngyekyeleɛ ne mɔɔ me nee bɛ kyekyele la na bɛbulu me mɛla ne azo.

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Ɛzoanvolɛma Gyima ne 1:26

Na bɛguale menli nwiɔ ne ati nzeleba la ɔbɔle Matayase. Yemɔti bɛvale ye bɛbokale ɛzoanvolɛma bulu nee ko ne anwo.

Ɛzoanvolɛma Gyima ne 13:16

Pɔɔlo dwazole manle ɔ sa zo na ɔzele bɛ kɛ, “Ayi mɔ Yizilayɛma nee bɛdabɛ mɔɔ bɛnle Dwuuma mɔɔ bɛwɔ ɛke na bɛsulo Nyamenle la, bɛdie me!

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 21:28

bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.”

Ɛzoanvolɛma Gyima ne 5:35

na ɔzele ayiama ne kɛ, “Yizilayɛ mgbanyima, bɛnlea boɛ wɔ mɔɔ bɛkpondɛ bɛayɛ menli ɛhye mɔ la anwo.

Ɛzoanvolɛma Gyima ne 7:2

Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

Mɛla 27:9

Na Mosisi nee Livaema mɔɔ le sɛlɛvolɛma la zele Yizilayɛma kɛ, “Yizilayɛma, bɛyɛ ngungoonwu na bɛdie. Ɛnɛ kenle ye, Ɛdɛnkɛma bɛ Nyamenle ne ɔdaye ye menli a le bɛ.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.