Ɛzoanvolɛma Gyima ne 2:13 - BAEBOLO ANZƐƐ BULUKU NWUANZANWUANZA

¹³ Na bie mɔ golole bɛ nwo na bɛzele kɛ, “Menli ɛhye mɔ ɛbo nza.”

Ɛzoanvolɛma Gyima ne 2:13 ပူးပေါင်းရင်းမြစ်များ

Dwobu Buluku ne 32:19

Bɛnlea, me ahonle ɛyɛ kɛ nwanye mɔɔ bɛdua zo wɔ toba nu la, me ahonle le kɛ nwanye nwoma fofolɛ, ɔkpondɛ yeakpuke.

Sɔlɔmɔn Edwɛne 7:9

na ɛ nloa anwo ayɛ fɛ kɛ nwanye kpalɛ fɛlɛko mɔɔ kpula ɛnloanlɛ nee egyele, na ɔdwu ɛkolɛ nu bɛtɛɛ. Akee maa nwanye ne ɛdwu me kulovolɛ ne ɛkɛ, ɔze ɔ nloa anwo nee ɔ gye zo.

Ayezaya Buluku ne 25:6

Zayɔn Boka ye azo yɛɛ Tumivolɛ Ɛdɛnkɛma bava nane mɔɔ ɛlɔ nee nwanye mɔɔ ɛbe kpalɛ la ado ɛkponle amaa maanle maanle ne mɔ a.

Zɛkalaya Buluku ne 10:7

Yifelaemma bayɛ kɛ katakyiema, na bɛali fɛlɛko kɛ menli mɔɔ ɛnlo nza la. Bɛ mra banwu ye na bɛ nye alie, na bɛali fɛlɛko wɔ mɔɔ Ɛdɛnkɛma ɛyɛ la anwo.

Zɛkalaya Buluku ne 9:15

Tumivolɛ Ɛdɛnkɛma bawowa bɛ; bɛbahu totoabɔma ne bɛatietia bɛ nwo zo. Bɛbayɛ begyebegye kɛ asɛɛ bɛbo nza; bɛbaha bɛ kpɔvolɛma mogya bɛagua, yeazonyi kɛ asɛɛ ɔgyi kɔpo nu na bɛlɛwola bɛagua azukponle ne mgbɛne zo.

Zɛkalaya Buluku ne 9:17

Ɛhɛe, azɛlɛ ne bayɛ kpalɛ, ayɛ kɛnlɛma! Zolɛ abɛlɛ nee nwanye fofolɛ bamaa zolɛ mgbavolɛ nee mbɛlɛra anyia anwosesebɛ.

Ɛzoanvolɛma Gyima ne 2:15

Menli ɛhye mɔ ɛtɛbole nza, kɛmɔ bɛ adwenle yɛ bɛ la, ɔluakɛ aleɛ hyenle la bɔ zo mɔɔ dɔne ngɔnla ɛbɔ a.

1 Kɔl 14:23

Yemɔti, saa asɔnema kɔsɔɔti yia nu na awie biala bɔ ɔ bo kɛ ɔka aneɛ ngakyile, na saa menli mɔɔ ɛnze Nyamenle anzɛɛ bɛnlie bɛnli la bie mɔ ba ayia ne abo a, asoo bɛnrɛha kɛ bɛ muala bɛbɔ ɛlane ɔ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Sam 1:14

Yemɔti Yilae zele ye kɛ, “Duzu ati a wɔbo zɛhae ɛ? Gyakyi nzanlonlɛ na yɛ ɛ nye gyɛlɛmgbɛɛnye”