Ɛzoanvolɛma Gyima ne 2:10 - BAEBOLO ANZƐƐ BULUKU NWUANZANWUANZA

¹⁰ Felegyea, Pamefelea, Yigyibiti nee Lebea maanzinli ne mɔɔ bikye Saelin. Yɛ bie mɔ noko vi Wulomu,

Ɛzoanvolɛma Gyima ne 2:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:10

Akee ɛhɔne zile Keena azɛlɛ zo. Yemɔti Ebilam hɔdɛnlanle Yigyibiti, ɔluakɛ ɛhɔne ne mɔɔ zile azɛlɛ ne azo la le kpole kpalɛ.

Ɛseta Buluku ne 8:17

Wɔ maanzinli biala anu anzɛɛ suakpole biala azo mɔɔ belemgbunli ne kɛlata ne nee ye mɛla ne kɛdwu la, Dwuuma anye die, bɛdi fɛlɛko, bɛsie kenle bɛdie bɛ ɛnwomenle na bɛto ɛkponle. Menli dɔɔnwo noko mɔɔ wɔ maanle ne anu la zulole Dwuuma, na ɔlua zolɛ bɛhakyile bɛyɛle Dwuuma.

Gyɛlɛmaya Buluku ne 46:9

O mgbɔnwɔ, bɛluo, O konle ehwili, bɛbili! Bɛva ɛlɔnema ne bɛhɔ: Sudan nee Lebea mrenya mɔɔ dedɛ enyinlike, Ledea mrenya mɔɔ ze ɛda to la.”

Yizikeɛle Buluku ne 30:5

“Sudanema, Lebeyama, Ledeama, Arelebiama amuala, yɛɛ Kɛɛbema mɔɔ bɛbɔle bɛ ɛkpa wɔ konle ne anu la amuala baho adɔ. Me menli ne bie mɔ noko baho adɔ.”

Daneɛle Buluku ne 11:43

Yigyibiti anwonyia kpokpoti: ezukoa nvutuke, dwɛtɛ fufule, yɛɛ debie biala mɔɔ sonle bolɛ la bapɛ ali ye ɛkɛ. Ɔbaho yeava Lebea nee Sudan.

Hozia Buluku ne 11:1

Ɛdɛnkɛma se, “Mɔɔ Yizilayɛ le kakula la, mengulole ye, na menvɛlɛle me ra nrenya ne menvile Yigyibiti.

Zɛkalaya Buluku ne 8:20

Tumivolɛ Ɛdɛnkɛma se, “Menli dɔɔnwo bara;

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Edwɛkpa ne kɛmɔ Mateyu hɛlɛle la 2:15

ɔdɛnlanle ɛkɛ ne toonwo ɔhɔkpulale mekɛ mɔɔ Hɛlɔdo wule la. Ɛhye zile amaa edwɛkɛ ne mɔɔ Awulae luale ye kpɔmanvolɛ ne anwo zo hanle la ayɛ nɔhalɛ kɛ, “Menvɛlɛle me ra ne menvile Yigyibiti.”

Edwɛkpa ne kɛmɔ Mateyu hɛlɛle la 23:15

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ, bɛdua nyevile nye, bɛdua aze bɛkɔ maanle maanle zo kɛ bɛkɛnyia sonla ko bɔbɔ bɛkɛhakyi ye bɛkɛmaa ɔkɛzonle Nyamenle; noko saa bɛnyia bie a, bɛyɛ bɛmaa ɔ nwo fɛta abɔnsam senle nu fane nwiɔ kɛ bɛdabɛ la!

Edwɛkpa ne kɛmɔ Mateyu hɛlɛle la 27:32

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn mɔɔ vi Saelini maanle nu la yiale, na bɛhyele ye mialera nu bɛmanle ɔzoale Gyisɛse meanubaka ne.

Edwɛkpa ne kɛmɔ Maake hɛlɛle la 15:21

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn, mɔɔ ɛnee vi ye namule nu ɛlɛba suakpole ne azo la yiale, na bɛhyele ye bɛmanle ɔzoale Gyisɛse meanubaka ne. (Saemɔn ɛhye a le Alɛzɛnda nee Lufɛse bɛ ze ne. Ɔvi Saelin maanle nu.)

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

Ɛzoanvolɛma Gyima ne 13:13

Pɔɔlo nee ɔ gɔnwo mɔ vi Peefɔso la bɛvale ɛlɛne bɛrale Pɛga, wɔ Pamefelea maanzinli nu, na Dwɔn Maake gyakyile bɛ ɛkɛ ne ziale hɔle Gyɛlusalɛm.

Ɛzoanvolɛma Gyima ne 13:43

Nzinlii mɔɔ bɛkpɔnenle la, Dwuuma nee bɛdabɛ mɔɔ bɛnle Dwuuma mɔɔ boka Dwuuma Nyamenlezonlenlɛ ne anwo la dɔɔnwo doale Pɔɔlo nee Baanabase, na ɛzoanvolɛma ne zile bɛ ahonle kɛ bɛzɔ Nyamenle ɛlolɛ ne anu kpundii.

Ɛzoanvolɛma Gyima ne 14:24

Akee bɛhɔkpɔsale Paesedea maanzinli ne anu na bɛrale Pamefelea maanzinli nu.

Ɛzoanvolɛma Gyima ne 15:38

noko Pɔɔlo adwenle a le kɛ suzuamgba ala mɔɔ Maake kpole bɛ wɔ Pamefelea, ɔgyakyile bɛ ɛkɛ ne na ɔ nee bɛ anyɛ gyima ne anwie la, ɔngyia kɛ bɛ nee ye kɛhɔ.

Ɛzoanvolɛma Gyima ne 16:6

Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 17:21

(Ɔluakɛ menli mɔɔ wɔ Atɛnse nee nyɛvolɛ mɔɔ wɔ sua ne azo la le menli bie mɔɔ dahuu kulo kɛ bɛnyia mekɛ bɛtie anzɛɛ bɛka debie fofolɛ biala anwo edwɛkɛ a.)

Ɛzoanvolɛma Gyima ne 18:2

Ɔhɔdole Dwuunli bie mɔɔ bɛfɛlɛ ye Akoyela na bɛwole ye wɔ Pɔntɛse maanzinli nu la kɛ bɔ zo mɔɔ ɔ nee ɔ ye Pelesela bɛvi Yetale bɛra a, ɔluakɛ ɛnee Belemgbunli Kolɔdeɛse ɛha kɛ Dwuuma mɔɔ wɔ Wulomu la amuala vi maanle ne anu ɛdu. Pɔɔlo hɔle bɛ nwo,

Ɛzoanvolɛma Gyima ne 18:23

Ɔlile mekɛ ekyi wɔ ɛkɛ ne la, ɔvile ɛkɛ ne na ɔhɔkpɔsale Galeehyea nee Felegyea maanzinli ne mɔ anu ɔmanle diedima ne mɔ anwosesebɛ.

Ɛzoanvolɛma Gyima ne 2:11

Dwuuma nee bɛdabɛ mɔɔ bɛnle Dwuuma na bɛhakyi bɛsonle Dwuuma Nyamenle ne la, Kilitima nee Areleebeama, noko yɛ muala yɛte kɛ bɛlɛfa yɛ maanle nu aneɛ bɛaha ninyɛne mgbole mɔɔ Nyamenle ɛyɛ la.”

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Ɛzoanvolɛma Gyima ne 27:5

Yɛluale Selesea nee Pamefelea anwuma yɛrale Maela mɔɔ wɔ Lesea maanzinli nu la.

Ɛzoanvolɛma Gyima ne 28:15

Ɛnee diedima mɔɔ wɔ Wulomu la ɛde yɛ nganeɛ dɛbadɛba, yemɔti bɛvi ɛkɛ ne toonwo bɛrayiale yɛ wɔ Apeɛse Gua nu nee “Dabelɛ Nsa.” Mɔɔ Pɔɔlo nwunle bɛ la, ye ahonle gyinlanle na ɔyɛle Nyamenle mo.

Ɛzoanvolɛma Gyima ne 6:5

Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Wulo 1:15

Ɛhye ati yɛɛ mekulo kɛ meka Edwɛkpa ne mekile bɛdabɛ noko mɔɔ bɛwɔ Wulomu la a.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

2 Tem 1:17

Ɔdwule Wulomu ala la yɛɛ ɔbɔle ɔ bo kɛ ɔkpondɛ me a, na ɔkpondɛle me toonwo ɔnwunle me.

Yekile 11:8

na bɛ avunli baha suakpole ne mɔɔ bɛbɔle bɛ Awulae ne meanubaka nu wɔ zolɛ la guabile ne azo. Suakpole zɔhane duma, bɛbavɛlɛ ye kɛ, sɛbe, Sodɔm anzɛɛ Yigyibiti.