Ɛzoanvolɛma Gyima ne 19:2 - BAEBOLO ANZƐƐ BULUKU NWUANZANWUANZA

² Ɔbizale bɛ kɛ, “Bɛliele bɛlile la, bɛnyianle Sunsum Nwuanzanwuanza ne ɔ?” Bɛzele ye kɛ, “Yɛtɛtele bɔbɔ kɛ Sunsum Nwuanzanwuanza bie wɔ ɛkɛ.”

Ɛzoanvolɛma Gyima ne 19:2 ပူးပေါင်းရင်းမြစ်များ

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Ɛzoanvolɛma Gyima ne 10:44

Mɔɔ Pita anloa wɔ zolɛ ɛlɛtendɛ la, Sunsum Nwuanzanwuanza ne rawolole bɛdabɛ mɔɔ bɛlɛtie edwɛkɛ ne la.

Ɛzoanvolɛma Gyima ne 19:5

Bɛdele ɛhye la, bɛmanle bɛzɔnenle bɛ wɔ Awulae Gyisɛse duma nu.

Ɛzoanvolɛma Gyima ne 2:17

‘Nyamenle se, mɔɔ mebayɛ wɔ mekɛ mɔɔ li awieleɛ la ɛne. Mebamaa me Sunsum ne ara menli muala anwo zo. Na bɛ mra mrenya nee mraalɛ baha Nyamenle nrɛlaleɛ. Bɛ mgbavolɛ banwu ɛnyelɛzodeɛnwunlɛ, na bɛ mrenya mgbanyinli aha ɛlalɛ.

Wulo 1:11

Ɔluakɛ mekulo kɛ mebakpɔla bɛ, amaa yɛanyia Nyamenle Sunsum nu ahyɛlɛdeɛ ne na bɛ nwo ayɛ se.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:5

Yemɔti bɛdwenle kɛ Nyamenle fa ye Sunsum ne amaa bɛ, yeava bɛ yeayɛ nwanwane ninyɛne yeahile kɛ bɛlile mɛla ne azo, anzɛɛ bɛdie Edwɛkpa ne na bɛlie bɛli la ati ɔ?