Ɛzoanvolɛma Gyima ne 19:18 - BAEBOLO ANZƐƐ BULUKU NWUANZANWUANZA

¹⁸ Na menli somaa ne ala mɔɔ liele lile la rale bagua nu rahanle ɛtane mɔɔ bɛyɛ bɛvea la amuala.

Ɛzoanvolɛma Gyima ne 19:18 ပူးပေါင်းရင်းမြစ်များ

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Gyɛlɛmaya Buluku ne 3:13

Wɔmɔ die to nuhua kɛ ɛdi fɔlɛ kɛ ɛdele medame Ɛdɛnkɛma, wɔ Nyamenle ne anwo atua na ɛhɔle mbaka bo ɛhɔzonlenle nyamenle gyɛne gyɛne, na wɔandie me ne. Medame Ɛdɛnkɛma a mese a.

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Ɛzoanvolɛma Gyima ne 19:17

Dwuuma nee bɛdabɛ mɔɔ bɛnle Dwuuma, mɔɔ wɔ Ɛfɛsɛse la amuala dele mɔɔ zile la; bɛ muala bɛzulole, na ɔmanle bɛlile Awulae Gyisɛse duma ne eni kpole kpalɛ.

Ɛzoanvolɛma Gyima ne 19:19

Ngonyiama dɔɔnwo ne ala vale bɛ mbuluku mɔɔ bɛfa bɛyɛ bɛ gyima la rale manle bɛyelale bɛ wɔ bagua nu. Bɛsesenle mbuluku ne mɔ awolɛ la, bɛ muala bɛ nloa dole dwɛtɛ fufule apenle ngoko abulanlu.

Wulo 10:10

Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.