Ɛzoanvolɛma Gyima ne 18:6 - BAEBOLO ANZƐƐ BULUKU NWUANZANWUANZA

⁶ Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 18:6 ပူးပေါင်းရင်းမြစ်များ

2 Sam 1:16

Akee Devidi zele ye kɛ, “Wɔ mogya ɛgua ɛdawɔ ɛ ngome ɛ ti zo, ɔluakɛ ɛdawɔ ɛ nloa ɛli daselɛ ɛtia wɔ kɛ wɔhu sonla mɔɔ Ɛdɛnkɛma ɛkpokpa ye nwole la.”

1 Arl 2:33

Zɔhane ala yɛɛ menli nwiɔ zɔhane mogya bagua ɔdaye Dwowabe nee ɔ bo zo amra ati zo a; Devidi nee ɔ bo zo amra mɔɔ di ye ebia ne la, Ɛdɛnkɛma ɛmaa saleɛ ɛdoa bɛ dahuu!”

Nihɛmaya Buluku ne 5:13

Akee menyele ɛdanlɛ kodoku ne mɔɔ hye me nze zo la na memkpokpole nuhua na menzele kɛ, “Awie biala mɔɔ yeanli ye ɛwɔkɛ mɔɔ yebɔ la azo la, Nyamenle badu ye avi ye sua nu, alie ye debie biala ɔ sa nu yeamaa yeaha ye kpoholokpo ne ala.” Awie biala mɔɔ wɔ ɛkɛ ne la liele zolɛ, “Amen”, na bɛyele Ɛdɛnkɛma ayɛlɛ. Na mgbanyima ne mɔ noko lile bɛ ɛwɔkɛ ne azo.

Yizikeɛle Buluku ne 18:13

ɔbɔ bosea ɔdie nzinwo, anzɛɛ ɔfa bie ɔgua zolɛ a, ɛnee ɛnea a ɔwɔ kɛ sonla zɛhae nyia ngoane ɔ? Ɔwɔ kɛ bɛku ye. Yebɔ munzule ɛbɛla; ɔwɔ kɛ ɔwu, yɛɛ ye mogya gua ɔdaye ɔ ti zo.

Yizikeɛle Buluku ne 33:4

na saa awie te aweɛne ne ane na yeanla ɔ nwo zo, na ɛlɔne ne fa ye aze a, ye mogya gua ɔdaye ɔ ngome ɔ ti zo.

Yizikeɛle Buluku ne 33:6

Na saa sinzavolɛ ne nwu kɛ ɛlɔne ɛlɛba arava bɛ aze na yeanwu aweɛne tendenle ne anu, yeammaa menli ne anla bɛ nwo zo, na ɛlɔne ne ba na bɛku bɛ nuhua bie a, ɛnee sonla zɔhane, ye ɛtane ti yɛɛ bɛhu ye a, na mebalie ye mogya ne meavi sinzavolɛ ne ɛkɛ.

Sɛlɛ 20:9

“Awie biala mɔɔ kɛwa ɔ ze anzɛɛ ɔ nli amonle la, bɛhu ye. Yewa ɔ ze nee ɔ nli amonle, yemɔti ye mogya gua ɔdaye ɔ ti zo.

Edwɛkpa ne kɛmɔ Mateyu hɛlɛle la 10:14

Eza awuke anzɛɛ sua biala mɔɔ anlie bɛ anzɛɛ andie mɔɔ bɛka la, saa bɛlɛfi ɛkɛ ne a bɛkpɔlɔkpɔla bɛ gyakɛ abo anwea ne bɛgua zolɛ.

Edwɛkpa ne kɛmɔ Mateyu hɛlɛle la 21:41

Bɛbuale ye kɛ, “Ɔkɛhu amumuyɛma ne na ɔkɛva ye egyinli ne ɔkɛwula abunsama fofolɛ mɔɔ ɛbuhenle ne dwu a bɛkɛva ye ɛkpɔ ɛdeɛ ne bɛkɛmaa ye la asa anu.”

Edwɛkpa ne kɛmɔ Mateyu hɛlɛle la 21:43

“Zɔhane ati meka meahile bɛ, bɛbalie Nyamenle Belemgbunlililɛ ne bɛ sa nu na bɛava bɛamaa menli mɔɔ yɛ tieyɛ la. [

Edwɛkpa ne kɛmɔ Mateyu hɛlɛle la 22:10

Zɔhane ati sonvolɛma ne hɔle awɔdenle ne mɔ azo hɔsesale bɛdabɛ mɔɔ bɛnwunle bɛ la kɔsɔɔti, menli mɔɔ le kpalɛ nee bɛdabɛ mɔɔ bɛnle kpalɛ la amuala, na bɛvale bɛ bɛrayile atɔfolɛlielɛ sua ne tɛkɛɛ.

Edwɛkpa ne kɛmɔ Mateyu hɛlɛle la 27:25

Na bɛ muala bɛdeanle nu bɛzele kɛ, “Maa ye mogya ɛgua yɛdayɛ nee yɛ mra ati zo!”

Edwɛkpa ne kɛmɔ Mateyu hɛlɛle la 8:11

Bɛhakye ɛhye: Menli dɔɔnwo vi aduduleɛ nee adɔleɛ bara bɛ nee bɛ nlenya mɔ Ebileham nee Ayezeke nee Gyekɔbo aradɛnla ɛkponle nwo wɔ Anwuma Belemgbunlililɛ nu.

Edwɛkpa ne kɛmɔ Luku hɛlɛle la 22:65

Na bɛhanle edwɛkɛ ɛtane ɛtane dɔɔnwo bɛtietiale ye.

Edwɛkpa ne kɛmɔ Luku hɛlɛle la 9:5

na ɛleka biala mɔɔ menli ne anlie bɛ la, bɛvi sua ne azo bɛhɔ na bɛkpokpo bɛ gyakɛ abo anwea ne bɛgua zolɛ bɛmaa ɔyɛ daselɛ ɔtia bɛ.”

Ɛzoanvolɛma Gyima ne 13:51

Ɛzoanvolɛma ne kpɔlɔkpɔlale bɛ gyakɛ abo munlutu guale sua ne azo amra ati zo na bɛzile nu bɛhɔle Ayekoneɛm.

Ɛzoanvolɛma Gyima ne 26:11

Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Ɛzoanvolɛma Gyima ne 26:20

Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

Ɛzoanvolɛma Gyima ne 28:28

Akee Pɔɔlo dwulale ye edwɛkɛ ne zɛhae, “Yemɔti bɛnwu ye kɛ bɛlɛ Nyamenle ngoanelielɛ nwo nrɛlaleɛ ne bɛkamaa bɛdabɛ mɔɔ bɛnle Dwuuma la, na bɛbadie!” [

Wulo 3:29

Na Nyamenle le Dwuuma angome Nyamenle ɔ? Anzɛɛ ɔnle bɛdabɛ noko mɔɔ bɛnle Dwuuma la Nyamenle ɔ? Kɛmɔti ɛ, ɔle bɛdabɛ noko bɛ Nyamenle!

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

1 Pit 4:4

Kɛkala ɔsi bɛdabɛ mɔɔ bɛnzonle Nyamenle la anwo kɛ saa ɛnɛ bɛbɔ ɛbɛla mgbane mgbane ɛhye mɔ a bɛmɛ Kelaese ɛdoavolɛma ɛmbamboka bɛ nwo a, na ɔlua zo bɛkeha bɛ nwo edwɛkɛ ɛtane ɛtane.