Ɛzoanvolɛma Gyima ne 18:22 - BAEBOLO ANZƐƐ BULUKU NWUANZANWUANZA

²² Ɔradwule Sizalia la ɔbɔle hwii ɔhɔle Gyɛlusalɛm ɔhɔkpɔlale asɔnema ne mɔ na ɔpɛle nu ɔhɔle Anteɔko.

Ɛzoanvolɛma Gyima ne 18:22 ပူးပေါင်းရင်းမြစ်များ

Ɛzoanvolɛma Gyima ne 10:1

Nrenya bie wɔ Sizalia, bɛfɛlɛ ye Kɔnileɛse. Ɔle Wulomu Ɛlɔne ekpunli ne mɔɔ bɛfɛlɛ ye “Yetalea” la safohyenle.

Ɛzoanvolɛma Gyima ne 10:24

Bɛzile nu la ye alehyenlɛ nu yɛɛ bɛdwule Sizalia a, na bɛhɔdole kɛ Kɔnileɛse nee ye sua nu amra, nee ɔ gɔnwo mɔ mɔɔ yedo ɛsalɛ yevɛlɛ bɛ la ɛwie yia na bɛlɛkendɛ ye.

Ɛzoanvolɛma Gyima ne 11:11

Mekɛ ne anu ala yɛɛ menli nsa mɔɔ ɛnee bɛzoa bɛ vi Sizalia wɔ me nwo ɛkɛ ne la rale sua nu ɛkɛ a.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

Ɛzoanvolɛma Gyima ne 14:26

Bɛvi ɛkɛ ne la bɛvale ɛlɛne bɛziale bɛrale Anteɔko. Ɛke a bɛdule bɛ bɛwulale Nyamenle ɛlolɛ ne abo kolaa na bɛabɔ bɛ gyima ɛhye mɔɔ bɛwie ye di la abo a.

Ɛzoanvolɛma Gyima ne 15:23

Na bɛvale kɛlata ɛhye bɛmanle bɛ kɛ bɛva bɛhɔ: “Yɛdayɛ bɛ mediema ɛzoanvolɛma nee asɔne mgbanyima, yɛlɛ mediema ɛhulolɛ yɛbiza mediema mɔɔ ɛnle Dwuuma mɔɔ wɔ Anteɔko, Selesea, yɛɛ Selea la amuala ahye.

Ɛzoanvolɛma Gyima ne 15:30

Menli mɔɔ bɛzoanle bɛ la hɔdwule Anteɔko la, bɛboɔboale diedima ne kɔsɔɔti anloa na bɛyele kɛlata ne bɛmanle bɛ.

Ɛzoanvolɛma Gyima ne 15:35

Pɔɔlo nee Baanabase dɛnlanle Anteɔko hyɛle ekyii; bɛ nee diedima ne bie mɔ hilehilele na bɛbɔle Awulae edwɛkɛ ne nolo.

Ɛzoanvolɛma Gyima ne 15:4

Mɔɔ bɛdwule Gyɛlusalɛm la, bɛvale mɔɔ Nyamenle ɛva bɛ ɛyɛ la amuala bɛbɔle amaneɛ bɛhilele bɛ, na asɔnema ne, ɛzoanvolɛma ne, yɛɛ mgbanyima ne mɔ liele bɛ gyɛlɛɛnye.

Ɛzoanvolɛma Gyima ne 23:23

Sogyama kpanyinli ne vɛlɛle sogya mgbanyinli nwiɔ na ɔzele bɛ kɛ, “Bɛmaa ɔyɛ ndɛ bɛhɔva sogyama mɔɔ dua aze la ɛya nwiɔ yɛɛ atwɛdolɛ sogyama ɛya nwiɔ na bɛ nee sogyama mɔɔ tɛnla ɛkpɔnwɔ zo la abulasuu bɛhɔ toonwo bɛhɔdwu Sizalia. Bɛha bɛ nwo na bɛdu bɛ bo ɛke ɛnɛ nɔsolɛ dɔne ngɔnla.

Ɛzoanvolɛma Gyima ne 25:1

Mɔɔ Fɛsetɛse radwule maanzinli ne anu la, ye kenle nsa yɛɛ eza ɔvi Sizalia ɔhɔle Gyɛlusalɛm a.

Ɛzoanvolɛma Gyima ne 25:9

Na kɛmɔ Fɛsetɛse kpondɛ ɔ nyunlu wɔ Dwuuma anyunlu la ati, ɔbizale Pɔɔlo kɛ, “Ɛkɛhulo kɛ ɛkɛhɔ Gyɛlusalɛm na ɛkɔhɔye ɛzonledonlɛ ɛhye mɔ anloa wɔ me nyunlu ɔ?”

Ɛzoanvolɛma Gyima ne 8:40

Felepe hɔvindele Azotɛse na ɔhɔkpɔsale namunamu ne mɔ anu ɔhanle Edwɛkpa ne toonwo ɔradwule Sizalia.