Ɛzoanvolɛma Gyima ne 17:31 - BAEBOLO ANZƐƐ BULUKU NWUANZANWUANZA

³¹ Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 17:31 ပူးပေါင်းရင်းမြစ်များ

Edwɛndolɛ Buluku ne 9:8

Ɔfa pɛlepɛlelilɛ ɔbua ewiade amra ndɛne; ɔbua menli ne ndɛne pɛlepɛle nu.

Edwɛndolɛ Buluku ne 96:13

wɔ Ɛdɛnkɛma anyunlu, ɔluakɛ ɔlɛba, ɔlɛba yearabua ewiade amra ndɛne. Ɔbava tenleneyɛlɛ yeabua ewiade amra ndɛne, ɔbabua menli kɔsɔɔti ndɛne nɔhalɛ nu.

Edwɛndolɛ Buluku ne 98:9

ɛmaa Ɛdɛnkɛma, ɔluakɛ ɔlɛba yearabua ewiade ndɛne. Ɔbava tenleneyɛlɛ yeazie ewiade, na yeava pɛlepɛlelilɛ yeabua menli ne ndɛne.

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Edwɛkpa ne kɛmɔ Mateyu hɛlɛle la 24:14

Bɛbabɔ Edwɛkpa ɛhye mɔɔ fane Anwuma Belemgbunlililɛ ne anwo la nolo wɔ aleɛabo amuala, amaa yeayɛ daselɛlilɛ yeamaa aleɛabo amra kolaa na awieleɛ ne ara.

Edwɛkpa ne kɛmɔ Luku hɛlɛle la 22:22

Na medame Sonla Ra mebawu, kɛmɔ Nyamenle ɛhyehyɛ ala la, na munzule doa sonla ne mɔɔ ye me amaa la!”

Dw 12:48

Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.

Dw 16:10

bɛvo wɔ pɛlepɛlelilɛ nwo, ɔboalekɛ melɛkɔ Selɛ ne anwo lɔ, na bɛnrɛnwu me bieko;

Dw 5:27

Eza yemaa Ralɛ ne tumi kɛ ɔbua ndɛne, ɔboalekɛ yemɔ a ɔle Sonla Ra ne a.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 17:32

Mɔɔ bɛdele kɛ Pɔɔlo ɛlɛka ewudwazo nwo edwɛkɛ la, bie mɔ golole ɔ nwo, yɛɛ bie mɔ noko zele kɛ, “Yɛkulo kɛ ɛsi edwɛkɛ ɛhye azo na ɛka ye bieko ɛkile yɛ wɔ kenle fofolɛ.”

Ɛzoanvolɛma Gyima ne 17:6

Bɛannwu bɛ la, bɛhwenlenle Gyeesen nee mediema ne bie mɔ bɛvale bɛ bɛhɔmanle mgbanyima ne mɔ kɛ, “Menli ɛhye mɔ mɔɔ ɛbutu ewiade amuala anye aze la ɛra yɛ sua ye azo noko,

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Kɛlata mɔɔ bɛhɛlɛle bɛhɔmanle Hibuluma la 6:2

ɛsalɛ mɔɔ bɛfa bɛgua bɛ nwo zo, ewudwazo ne nee ndɛnebualɛ mɔɔ ɛnlɛ awieleɛ la anwo ɔ. Bɛmaa yɛzukoa yɛhɔ yɛ nyunlu,

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.