Ɛzoanvolɛma Gyima ne 17:30 - BAEBOLO ANZƐƐ BULUKU NWUANZANWUANZA

³⁰ Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Ɛzoanvolɛma Gyima ne 17:30 ပူးပေါင်းရင်းမြစ်များ

Edwɛndolɛ Buluku ne 50:21

Bɛyɛ ɛhye mɔ, noko mendɛne bɛ zo, bɛdwenle kɛ mele kɛ bɛdabɛ la. Na kɛkala metwi bɛ nyunlu, na meava bɛ nwo edwɛkɛ meado gua.

Ayezaya Buluku ne 21:12

Sinzavolɛ ne bua ye kɛ, “Aleɛ ɛlɛkye, na eza aledwolɛ bara. Saa ɛse ɛbiza a, biza; anrɛɛ sia bɛla bieko.”

Edwɛkpa ne kɛmɔ Mateyu hɛlɛle la 20:7

Bɛbuale ye kɛ, ‘Ɔboalekɛ awie biala ɛtɛbɔle yɛ ɛkpa.’ Na ɔzele bɛ kɛ, ‘Ɛnee bɛdabɛ noko bɛhɔyɛ gyima wɔ me vanye egyinli ne anu.’

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Maake hɛlɛle la 1:15

“Mekɛ ne ɛdwu, Nyamenle Belemgbunlililɛ ne ɛbikye. Bɛnlu bɛ nwo na bɛlie Edwɛkpa ne bɛli.”

Edwɛkpa ne kɛmɔ Maake hɛlɛle la 6:12

Yemɔti bɛzile nu bɛhɔle na bɛbɔle nolo kɛ menli ɛnlu bɛ nwo.

Edwɛkpa ne kɛmɔ Luku hɛlɛle la 13:5

Ɔnle zɔhane. Na meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.”

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 14:16

Mɔmoane ɔmanle menli muala adenle ɔmanle bɛyɛle mɔɔ bɛdabɛ bɛkulo la.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 3:23

menli kɔsɔɔti ɛyɛ ɛtane na bɛnfɛta Nyamenle anyunlunyia ne.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.