Ɛzoanvolɛma Gyima ne 17:3 - BAEBOLO ANZƐƐ BULUKU NWUANZANWUANZA

³ Ɔhilehilele nu ɔmanle bɛnwunle kɛ ɔwɔ kɛ Mɛzaya ne nwu amaneɛ na bɛdwazo ye bɛfi ewule nu, na ɔvale ɔzɔle zolɛ kɛ, “Gyisɛse ɛhye mɔɔ melɛka ɔ nwo edwɛkɛ meahile bɛ la, yemɔ a le Mɛzaya ne.”

Ɛzoanvolɛma Gyima ne 17:3 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 24:32

Na bɛhanle bɛhilele bɛ nwo ngoko kɛ, “Mekɛ mɔɔ ɔlɛtendɛ wɔ adenle ne anu na ɔlɛkilehile yɛ Nyamenle Edwɛkɛ ne anu la ɛnee ɔle kɛ asɛɛ bɛwuda senle yɛ ahonle nu la.”

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 24:46

na ɔzele bɛ kɛ, “Mɔɔ bɛhɛlɛ bɛdo ɛkɛ ne la ɛne: Ɔwɔ kɛ Mɛzaya ne nwu amaneɛ na ye kenle nsa ne anzi bɛdwazo ye bɛfi mɔwuamra anu.

Dw 20:9

(Ɛnee bɛtɛtele Nyamenle Edwɛkɛ ne abo kɛ ɔse ɔwɔ kɛ ɔdwazo ɔfi ewule nu.)

Ɛzoanvolɛma Gyima ne 1:4

Mekɛ mɔɔ ɔ nee bɛ yiale la ɔhanle ɔhilele bɛ kɛ, “Bɛmmatu bɛ bo bɛfi Gyɛlusalɛm, na bɛhendɛ Egya ahyɛlɛdeɛ ne mɔɔ yeva yebɔ bɛ ɛwɔkɛ na meha nwolɛ edwɛkɛ mehile bɛ la.

Ɛzoanvolɛma Gyima ne 18:28

Ɔluakɛ ɔka Dwuuma ne mɔ ɔgua mekɛ biala mɔɔ bɛkɛyia kɛ bɛyɛ ngilehilelɛ la na ɔfa Nyamenle Edwɛkɛ ne ɔkilehile nu wienyi kɛ Mɛzaya ne a le Gyisɛse.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Ɛzoanvolɛma Gyima ne 9:22

Na Sɔɔlo nyianle anwosesebɛ kpalɛ wɔ ye edwɛkɛhanlɛ nu na ɔholale ɔhilehilele nu kɛ Gyisɛse a le Mɛzaya ne, ɔmanle ɔrale kɛ Dwuuma bɔbɔ mɔɔ wɔ Dɛmasekɛse la dɔle mumule wɔ nwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?