Ɛzoanvolɛma Gyima ne 17:24 - BAEBOLO ANZƐƐ BULUKU NWUANZANWUANZA

²⁴ Nyamenle ne, mɔɔ bɔle ewiade nee mɔɔ wɔ nuhua la amuala la le anwuma nee aze Awulae, na ɔndɛnla sua mɔɔ menli ɛva bɛ sa ɛzi la anu.

Ɛzoanvolɛma Gyima ne 17:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:19

Na ɔyilale Ebilam ɔzele kɛ, “Ebilam, Anwuma Anwuma Nyamenle ne, mɔɔ bɔle anwuma nee aze la ɛyila wɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:22

Ebilam zele Sodɔm belemgbunli ne kɛ, “Meha ndane mehile Ɛdɛnkɛma, Anwuma Anwuma Nyamenle ne mɔɔ bɔle anwuma nee aze la,

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

2 Arl 19:15

Na ɔzɛlɛle kɛ, “O Ɛdɛnkɛma, Yizilayɛ Nyamenle mɔɔ ɛde wɔ Belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a, ɛdawɔ ala a, ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

2 Edk 2:6

Na nwane a kɛhola kɛzi sua kɛmaa Ɛdɛnkɛma a, wɔ mekɛ mɔɔ anwuma nehane, anwuma anwuma nehane bɔbɔ le ekyi maa ye la? Mame bɔbɔ a le nwane mɔɔ mesi sua meamaa ye a? Kyesɛ ɛleka mɔɔ bɛyela ɛyɛlɛ la ala na meahola meazi.

2 Edk 6:18

“Na asoo amgba ɛdawɔ Nyamenle ɛ nee menli badɛnla ewiade ye anu? Anwuma nehane tɛtɛtɛlɛlɛ ne bɔbɔ, ɛnzo lɔ, na akee Ɛzonlenlɛ Sua ekyi ɛhye mɔɔ mezi la yɛɛ ɛbazo nu a?

Edwɛndolɛ Buluku ne 115:16

Anwuma lɔ le Ɛdɛnkɛma ɛdeɛ, yɛɛ yeva azɛlɛ ye yemaa menli.

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 148:13

Bɛ muala bɛye Ɛdɛnkɛma ayɛlɛ! Ɔluakɛ ye duma bo duma biala azo; ye anyunlunyia bo anwuma nee aze anwo zo.

Edwɛndolɛ Buluku ne 24:1

Azɛlɛ ye nee zolɛ debie biala le Ɛdɛnkɛma ɛdeɛ. Ewiade nee menli mɔɔ wɔ nu la amuala le ye ɛdeɛ.

Ayezaya Buluku ne 40:12

Nwane a ɛva ɔ sa akunlu ɛzuzu nzule, na yeva ɔ sa yezuzu anwomanyunlu a? Nwane a ɛhola ɛva debie ɛzuzu azɛlɛ ye azo munlutu, na yeva awoka mgbole nee ngyikyi yegua tone zo yezuzu a?

Ayezaya Buluku ne 40:28

Bɛnze ɔ? Bɛtɛtele ɔ? Ɛdɛnkɛma le damɛnlangoate Nyamenle, ewiade amuala Bɔvolɛ. Ɔnvɛ yɛɛ ɔ nwo ɛmbɛlɛ ye, ye ndelebɛbo ɛnlɛ nvedenvedenu.

Ayezaya Buluku ne 42:5

Ɛdɛnkɛma Nyamenle ne mɔɔ bɔle anwuma na ɔdɛlɛle ye, mɔɔ bɔle azɛlɛ ye nee zolɛ debie biala, na ɔmaa menli mɔɔ de azɛlɛ ye azo la ɛnwomenle nee sunsum la se,

Ayezaya Buluku ne 45:18

Ɛdɛnkɛma mɔɔ bɔle anwuma la, yemɔ a ɔle Nyamenle a! Yemɔ mɔɔ ɔhyehyɛle na ɔbɔle azɛlɛ ye la, ɔbɔle ɔmanle ɔlile munli, yeambɔ ye sesakaa biala yeanzie ɛkɛ; ɔbɔle ewiade, amaa sonla adɛnla nu. Ɔse, “Medame a mele Ɛdɛnkɛma a, bieko ɛnle ɛkɛ.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 10:11

(Se bɛ kɛ, “Bɛbazɛkye awozonle ne mɔ mɔɔ tɛ bɛmɛ a bɛbɔle anwuma nee aze la. Bɛnrɛnyia ewiade ye ɛleka biala bɛnrɛdɛnla.”)

Gyɛlɛmaya Buluku ne 23:24

Asoo sonla kola fea ɔ nwo mɔɔ mengola mennwu ye a? Medame Ɛdɛnkɛma, mese, mewɔ ɛleka kɔsɔɔti, anwuma o, aze o.

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

Malakae Buluku ne 2:10

Yɛ muala yɛ ze ɛnle ko ɔ? Tɛ Nyamenle ko ne ala a bɔle yɛ muala ɔ? Duzu ati a yɛnli nɔhalɛ yɛmmaa yɛ nwo, na ɔlua zo yɛgua yɛ ze mɔ ngyekyeleɛ ne mɔɔ bɛ nee Nyamenle yɛle la anwo evinli a?

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 5:34

Noko mame, mese: Bɛmmaka ndane fee. Bɛmmaka anwuma, ɔluakɛ ɔle Nyamenle belemgbunli ebia;

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Dw 1:1

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 4:24

Bɛdele edwɛkɛ ne la, bɛ muala bɛbɔle nu bɛzɛlɛle, “O Tumivolɛ Awulae mɔɔ bɔle anwuma nee azɛlɛ, nyevile nee mɔɔ wɔ nu la amuala,

Ɛzoanvolɛma Gyima ne 7:48

“Noko akee Anwuma Anwuma Nyamenle ne ɛndɛnla sua mɔɔ menli ɛzi la anu. Nyamenle kpɔmanvolɛma ɛha kɛ,

Wulo 1:19

Nyamenle badea bɛ, ɔluakɛ bɛze mɔɔ ɔwɔ kɛ sonla nwu ye wɔ Nyamenle anwo la. Nyamenle ɔdaye a ɔyele ɔhilele bɛ a.

Mɛla 10:14

Bɛnwu ye kɛ, Ɛdɛnkɛma bɛ Nyamenle ne yɛɛ anwuma nee anwuma anwuma lɔ, nee azɛlɛ ye nee debie biala mɔɔ wɔ zolɛ la le ye ɛdeɛ a.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

Kɛlata mɔɔ bɛhɛlɛle bɛhɔmanle Hibuluma la 3:4

Sonla ala a si sua a, yɛɛ Nyamenle noko a ɛyɛ ninyɛne muala a.

Yekile 20:11

Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.