Ɛzoanvolɛma Gyima ne 17:20 - BAEBOLO ANZƐƐ BULUKU NWUANZANWUANZA

²⁰ Wɔ edwɛkɛ ne bie mɔ yɛ yɛ nzo nu ngakyile, na yɛkulo kɛ yɛte ɔ bo.”

Ɛzoanvolɛma Gyima ne 17:20 ပူးပေါင်းရင်းမြစ်များ

Hozia Buluku ne 8:12

Saa mekɛlɛ me mɛla apenle apenle bulu meamaa bɛ a, anrɛɛ bɛbabu bɛ debie ngakyile bie.

Edwɛkpa ne kɛmɔ Maake hɛlɛle la 9:10

Bɛlile ye edwɛkɛ ne azo, na bɛdabɛ ngome bɛdwenledwenlenle mɔɔ zile la anwo kɛ, “Ɛnee ewudwazo ɛhye a le duzu?”

Dw 6:60

Menli ne mɔɔ doa ye la anu dɔɔnwo dele ɛhye mɔɔ ɔhanle la na bɛhanle kɛ, “Ngilehilelɛ ɛhye yɛ se. Nwane a kɛhola ɛhye azo di a?”

Ɛzoanvolɛma Gyima ne 10:17

Mɔɔ Pita ɛlɛdwenle mɔɔ yenwu ye la anwo la, ɛnee menli mɔɔ Kɔnileɛse zoanle bɛ la noko ɛbizebiza dedee bɛnwu Saemɔn sua nu na bɛra, bɛwɔ anuhɔlɛ ɛkɛ ne.

Ɛzoanvolɛma Gyima ne 17:19

Yemɔti bɛvale Pɔɔlo bɛrale Alɛyɔpagɛse azo bagua ne anu na bɛzele ye kɛ, “Yɛkulo kɛ ɛmaa yɛnwu ngilehilelɛ fofolɛ ɛhye mɔɔ ɛlɛka nwolɛ edwɛkɛ la anu kpalɛ.

Ɛzoanvolɛma Gyima ne 17:21

(Ɔluakɛ menli mɔɔ wɔ Atɛnse nee nyɛvolɛ mɔɔ wɔ sua ne azo la le menli bie mɔɔ dahuu kulo kɛ bɛnyia mekɛ bɛtie anzɛɛ bɛka debie fofolɛ biala anwo edwɛkɛ a.)

Ɛzoanvolɛma Gyima ne 2:12

Na azibɛnwo nu ala, bɛbizale kɛ, “Ɛnee ɛhye abo a le duzu?”

1 Kɔl 1:18

Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.

1 Kɔl 1:23

Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

Kɛlata mɔɔ bɛhɛlɛle bɛhɔmanle Hibuluma la 5:11

Yɛlɛ dɔɔnwo yɛka wɔ edwɛkɛ ɛhye anwo, noko nuhua ngilenu bayɛ se amaa bɛ, ɔboalekɛ bɛ ndelebɛbo le ekyi.

1 Pit 4:4

Kɛkala ɔsi bɛdabɛ mɔɔ bɛnzonle Nyamenle la anwo kɛ saa ɛnɛ bɛbɔ ɛbɛla mgbane mgbane ɛhye mɔ a bɛmɛ Kelaese ɛdoavolɛma ɛmbamboka bɛ nwo a, na ɔlua zo bɛkeha bɛ nwo edwɛkɛ ɛtane ɛtane.