Ɛzoanvolɛma Gyima ne 16:9 - BAEBOLO ANZƐƐ BULUKU NWUANZANWUANZA

⁹ Nɔe ne Pɔɔlo nwunle ɛnyelɛzodeɛnwunlɛ kɛ nrenya bie vi Masidonea ɛragyinla ɔ nyunlu ɛkɛ ne na ɔlɛkpa ye kyɛlɛ kɛ, “Bɛla Masidonea maanzinli nu na baboa yɛ!”

Ɛzoanvolɛma Gyima ne 16:9 ပူးပေါင်းရင်းမြစ်များ

Ɛzoanvolɛma Gyima ne 10:3

Kenle ko ewiazo kɛyɛ dɔne nsa ɔhɔle nzɛlɛlɛ ɛyɛlɛ la ɔnwunle ɛnyelɛzodeɛnwunlɛ. Nyamenle soanvolɛ ragyinlanle ɔ nyunlu ɛkɛ na ɔvɛlɛle ye kɛ, “Kɔnileɛse!”

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 16:12

Yɛvi ɛkɛ ne la yɛhɔle Felepae, mɔɔ le suakpole wɔ Masidonea maanzinli nu la. Suakpole ɛhye Wulomu Maanle Maanle belemgbunli ne a bɔle ye nzeseɛ a. Yɛlile kenle dɔɔnwo wɔ sua ne azo.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 19:22

Zɔhane ati ɔmanle ye boavolɛma ne mɔ nwiɔ, Temɔte nee Yilasetɛse lumuale Masidonea, na yemɔ ɔdɛnlanle Ehyea maanzinli ne anu ekyii.

Ɛzoanvolɛma Gyima ne 19:29

He-e-e ko mɔɔ bɛyɛle la pɛle sua bɔdenle ne. Na nzakama ne mɔ dule twi kokye la ɛnee bɛwɔ Masidoneama nwiɔ, Gayɛse nee Alesetaakɛse mɔɔ nee Pɔɔlo a lua la anwo zo nwee. Bɛhwenle bɛ bɛ nee bɛ hɔle ɛleka mɔɔ ɔyɛ a bɛyia la.

Ɛzoanvolɛma Gyima ne 20:1

Nzinlii mɔɔ nzakadolɛ ne guale la, Pɔɔlo vɛlɛle ɛdoavolɛma ne na ɔmanle bɛ akɛnrazilɛ, ɔ nee bɛ lile nrɛlaleɛ na ɔhɔle Masidonea.

Ɛzoanvolɛma Gyima ne 20:3

Ɔlile siane nsa wɔ Akaya. Na mɔɔ ɔhuohuanle ɔ nwo kɛ ɔkɔ Selea la, ɔnwunle kɛ Dwuuma ne ɛhɔ ɔ ti akpamo. Yemɔti ɛkɛ ne ala ɔyɛle ye adwenle kɛ ɔpe aze yealua Masidonea yeazia.

Ɛzoanvolɛma Gyima ne 27:2

Yɛhɔvole ɛlɛne bie mɔɔ vi Adelameteɛm, mɔɔ ɛlɛkɔ Ehyea maanzinli nu la anu na yɛdule. Alesetaakɛse, mɔɔ le Masidoneanli na ɔvi Tɛsalonaeka la boka yɛ nwo.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

2 Kɔl 11:9

Mekɛ mɔɔ me nee bɛ de la, saa mekyia a mengyegye bɛ kɛ bɛboa me; mediema mɔɔ vi Masidonea rale la a rɛlɛle me debie biala mɔɔ mengyianle nwolɛ la a. Na kɛmɔ meanyɛ ye dɛba la, zɔhane ala yɛɛ menrɛva kpomgbolo biala menrɛkpolo bɛ kɔme a.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

2 Kɔl 7:5

Mɔɔ yɛrale Masidonea la, yɛ nwo andɔ yɛ kpalɛ biala, ɔluakɛ ɛnee ɛleka biala mɔɔ yɛkɛhɔ la yɛyia ngyegyelɛ; gua zo a, konle; sua nu a, ɛzulolɛ ngome.

2 Kɔl 8:1

Mediema, yɛkpondɛ kɛ bɛnwu gyima mɔɔ Nyamenle ɛlolɛ ne ɛli wɔ asɔne ne mɔ mɔɔ wɔ Masidonea la anu la.

2 Kɔl 9:2

Meze kɛ bɛkulo kɛ bɛboa, yɛɛ meva bɛ medu me nloa anu mehile Masidoneama. Menganle kɛ, “Sumunli ɛkenle ɛvolɛ ne yɛɛ mediema mɔɔ wɔ Akaya (Giliki) maanzinli nu la boɔboale bɛ nwo kɛ bɛboa a.” Zɛhae mɔdenlebɔlɛ ne ɛmaa menli dɔɔnwo ne ala akee anye ɛbolo.

Mɛla 30:13

Anzɛɛ ɔnle nyevile nzi na bɛaha kɛ, ‘Nwane a pɛ nyevile ye ahɔ ɔ nzi lɔ ahɔva ara, amaa yɛadie bie na yɛali zolɛ a?’

1 Tɛs 4:10

Nɔhalɛ, zɛhae subane ne ala a bɛhile bɛmaa mediema mɔɔ wɔ Masidonea maanzinli nu la amuala a. Yemɔti yɛsɛlɛ bɛ, mediema, bɛyɛ ye zɔhane kpalɛ dahuu.