Ɛzoanvolɛma Gyima ne 16:6 - BAEBOLO ANZƐƐ BULUKU NWUANZANWUANZA

⁶ Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 16:6 ပူးပေါင်းရင်းမြစ်များ

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Edwɛkpa ne kɛmɔ Luku hɛlɛle la 1:2

Bɛhɛlɛle ninyɛne mɔɔ bɛdabɛ mɔɔ mɔlebɛbo ne bɛnwunle ye bɛ nye zo na bɛbɔle ye nolo la hanle hilele yɛ la.

Ɛzoanvolɛma Gyima ne 10:19

Mɔɔ Pita gua zolɛ tɛdwenle mɔɔ yenwu ye la anwo na ɔkulo kɛ ɔte ɔ bo la, Nyamenle Sunsum ne zele ye kɛ, “Nea, menli nsa ɛra ɛke bakpondɛ wɔ.

Ɛzoanvolɛma Gyima ne 11:12

Na Sunsum Nwuanzanwuanza ne zele me kɛ me nee bɛ ɛhɔ, memmasi aze. Mediema nsia ɛhye mɔ mɔɔ vi Dwɔpa la bokale me nwo manle yɛ muala yɛhɔle Sizalia wɔ Kɔnileɛse sua nu.

Ɛzoanvolɛma Gyima ne 16:7

Mɔɔ bɛdwule Mesea maanzinli ne ɛweɛne zo la bɛbɔle mɔdenle kɛ bɛkɛhɔ Baetenea maanzinli nu, na Gyisɛse Sunsum ne ammaa bɛ adenle.

Ɛzoanvolɛma Gyima ne 18:23

Ɔlile mekɛ ekyi wɔ ɛkɛ ne la, ɔvile ɛkɛ ne na ɔhɔkpɔsale Galeehyea nee Felegyea maanzinli ne mɔ anu ɔmanle diedima ne mɔ anwosesebɛ.

Ɛzoanvolɛma Gyima ne 19:10

Ɛhye hɔle zolɛ ɛvolɛ nwiɔ. Yemɔti ɔmanle bɛdabɛ mɔɔ ɛnee bɛwɔ Ehyea maanzinli ne anu la, Dwuuma nee bɛdabɛ mɔɔ bɛnle Dwuuma la, amuala dele Awulae anwo Edwɛkpa ne.

Ɛzoanvolɛma Gyima ne 20:16

Pɔɔlo yɛle ye adwenle kɛ ɔnrɛgyinla Ɛfɛsɛse na ɔpɛ nu yeahɔ, amaa yeanzɛkye mekɛ dɔɔnwo wɔ Ehyea maanle ne anu na ɔ nwo ayɛ ndɛ, amaa saa ɔyɛ na ɔkɛyɛ boɛ a, yeadwu Gyɛlusalɛm wɔ Pɛntekɔso kenle ne.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 20:4

Na Sosepatɛ, mɔɔ le Pelɛse ara nrenya ne mɔɔ vi Bɛlia, yɛɛ Alesetaakɛse nee Sɛkɛndɛse, mɔɔ vi Tɛsalonaeka, Gayɛse mɔɔ vi Dɛbi, yɛɛ Temɔte, akee Tekekɛse nee Tulofemɛse mɔɔ vi Ehyea maanzinli nu la nee ye a hɔle a.

Ɛzoanvolɛma Gyima ne 21:27

Mɔɔ ɔka ekyii na kenle nsuu ne adwu la, Dwuuma bie mɔɔ vi Ehyea maanle nu rale la nwunle Pɔɔlo wɔ Ɛzonlenlɛ Sua ne anu. Bɛzɛkyele menli dɔɔnwo adwenle wɔ Pɔɔlo anwo na bɛmanle bɛhɔnwinwinle ye wɔ Ɛzonlenlɛ Sua ne anu,

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Ɛzoanvolɛma Gyima ne 8:29

Sunsum ne zele Felepe kɛ, “Twe bikye ehwili ne.”

Wulo 16:5

Mebiza asɔnema mɔɔ dahuu yia nu wɔ bɛ sua nu ɛkɛ yɛ nzɛlɛlɛ la noko ahye. Mebiza me gɔnwo kpalɛ Ɛpaenɛtɛse mɔɔ yemɔ a le sonla mɔɔ lumuale liele Kelaese lile wɔ Ehyea maanle ne anu la ahye.

1 Kɔl 12:11

Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Kɔl 16:1

Mɔɔ fane ezukoa ne mɔɔ bɛwowɔ bɛahɔboa Nyamenle menli ne mɔ mɔɔ wɔ Dwudiya maanzinli nu la anwo la, bɛyɛ ye kɛ mɔɔ mengyehyɛle memanle asɔne ne mɔ mɔɔ wɔ Galeehyea maanzinli nu la.

1 Kɔl 16:19

Asɔnema mɔɔ wɔ Ehyea maanle ye anu la biza bɛ ahye. Mediema Akoyela nee Pelesela, nee asɔnema mɔɔ yia bɛ sua nu ɛkɛ ne la lɛ Awulae duma ne biza bɛ ahye kpalɛ kpalɛ.

2 Kɔl 1:8

Mediema, yɛkpondɛ kɛ bɛnwu kɛ yɛ nwo zile hyelele yɛ wɔ Ehyea maanzinli ne anu la. Yɛ nwo hyelele yɛ kpole manle ɔbole yɛ nwo zo mɔɔ ɔhale yɛ nee ewule ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:2

Me nee mediema mɔɔ wɔ ɛke la amuala yɛbiza bɛdabɛ asɔnema mɔɔ bɛwɔ Galeehyea maanzinli nu la amuala ahye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Kɛlata mɔɔ bɛhɛlɛle bɛhɔmanle Hibuluma la 11:8

Diedi zo yɛɛ ɔlua mɔɔ Ebileham diele Nyamenle ɛvɛlɛlɛ ne na ɔdule ɔhɔle maanle mɔɔ Nyamenle hilele ye kɛ ɔle ye ɛdeɛ la anu a. Ɔvi ye maanle ne anu ɔdule la, ɛnee ɔdaye mumua ne ɔnze ɛleka mɔɔ ɔlɛkɔ la.

1 Pit 1:1

Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.