Ɛzoanvolɛma Gyima ne 16:22 - BAEBOLO ANZƐƐ BULUKU NWUANZANWUANZA

²² Na menli ne mɔ amuala bokale menli mɔɔ hɔdoanle ɛzoanvolɛma ne la anwo. Na edwɛkɛdivolɛma ne tetele Pɔɔlo nee Saelase adɛladeɛ mɔɔ bɛwula la na bɛmanle bɛbilale bɛ empele.

Ɛzoanvolɛma Gyima ne 16:22 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:17

Bɛnlea bɛ nwo boɛ wɔ menli sa nu, ɔluakɛ bɛbahye bɛ bɛ nee bɛ ahɔ kɔɔto; bɛbabila bɛ empele wɔ bɛ nyianu azua ne mɔ anu,

Edwɛkpa ne kɛmɔ Mateyu hɛlɛle la 27:26

Akee Paelɛte yele Balabase manle bɛ; ɔmanle bɛbilale Gyisɛse empele na ɔyele ye ɔmanle bɛ kɛ bɛhɔbɔ ye meanubaka nu.

Edwɛkpa ne kɛmɔ Luku hɛlɛle la 12:11

“Saa bɛfa bɛ bɛkɔ kɛ bɛkali bɛ edwɛkɛ wɔ nyianu azua ne mɔ anu anzɛɛ amɛnladoma nee arelemgbunli nyunlu a, bɛmmadwenle mɔɔ bɛbaha anzɛɛ kɛ ɔkɛyɛ na bɛalie bɛ nwo la anwo.

Ɛzoanvolɛma Gyima ne 16:37

Na Pɔɔlo zele kpolisi mgbanyinli mɔɔ rale la kɛ, “Bɛdabɛ, mgbane gyɛne ne ala, bɛbo yɛ bagua nu, wɔ mekɛ mɔɔ yɛle Wulomuma la, bɛgua yɛ efiade na akee bɛkpondɛ kɛ bɛye yɛ ahane nyaa bɛmaa yɛkɔ? Yɛnrɛhɔ! Maa Wulomu mgbanyima ne mɔ bɛdabɛ bɛraye yɛ.”

Ɛzoanvolɛma Gyima ne 17:5

Ɛhye anwo akpule hunle Dwuuma ne mɔ. Yemɔti bɛsesale kpamgbanvolɛma bie bɛboɔboale bɛ nloa. Bɛmanle bɛdole nzaka wɔ suakpole ne azo toonwo bɛrale Gyeesen sua nu ɛkɛ kɛ bɛbakpondɛ Pɔɔlo nee Saelase bɛahwe bɛ bɛavinde bagua nu.

Ɛzoanvolɛma Gyima ne 18:12

Na mɔɔ bɛvale Galeyo bɛyɛle Wulomu amɛnlado mɔɔ nea Giliki maanzinli ne azo la, Dwuuma ne mɔ yɛle ko na bɛhwenle Pɔɔlo bɛhɔle kɛ ɔli ye edwɛkɛ.

Ɛzoanvolɛma Gyima ne 5:40

Bɛvale ɛzoanvolɛma ne bɛrale ayiama ne anyunlu bieko, bɛbilale bɛ empele, na bɛduale bɛ kɛ bɛmmabɔ Gyisɛse duma bieko ɛlɛ ɛleka biala; na bɛgyakyile bɛ.

2 Kɔl 6:5

Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.