Ɛzoanvolɛma Gyima ne 16:16 - BAEBOLO ANZƐƐ BULUKU NWUANZANWUANZA

¹⁶ Kenle ko yɛlɛkɔ ɛleka mɔɔ bɛyɛ nzɛlɛlɛ la, yɛyiale kanranli bɛlɛra bie mɔɔ di ahɔne na ɔlua ye munzule ɛbɔlɛ zo ɔ menle mɔ ɛnyia bɛ nwo ninyɛne nee ezukoa la.

Ɛzoanvolɛma Gyima ne 16:16 ပူးပေါင်းရင်းမြစ်များ

2 Arl 21:6

Ɔhunle ɔ kunlu ralɛ nrenya ɔyelale ye ɔbɔle azu. Ɔkpale munzule, ɔyele ngonyia na ɔhɔle menli mɔɔ tendɛ nwomenle nloa zo, nyɛne nee menli mɔɔ bɔ menli munzule la anwo ɔhɔbizebizale ɔ nwo. Ɔyɛle ɛtane kpole ɔtiale Ɛdɛnkɛma na ɔmanle ɔvale ɛya.

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Sɛlɛ 19:31

“Bɛmmabiza bɛ nwo wɔ menli mɔɔ tendɛ nwomenle nloa azo la anzɛɛ nyɛnema ɛkɛ. Bɛmmakpondɛ bɛ bo zo bɔbɔ na evinli aha bɛ; medame a mele Ɛdɛnkɛma bɛ Nyamenle ne a.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Ɛzoanvolɛma Gyima ne 16:13

Ɛnwomenlelielɛ Kenle ne dwule la, yɛhɔle bɛ azule ne anloa wɔ suakpole ne kandiba. Yɛ adwenle a le kɛ kabezɛ ɛkɛ ne a Dwuuma ɔyɛ a yia yɛ nzɛlɛlɛ a.

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 16:19

Mɔɔ kakula raalɛ ne amenle mɔ nwunle kɛ bɛ ezukoa ɛnyialɛ adenle ne ɛdua la, bɛhɔhyele Pɔɔlo nee Saelase bɛhwenlenle bɛ aze bɛ nee bɛ hɔle mgbanyinli nyunlu wɔ bɛ gua ne anu.

Ɛzoanvolɛma Gyima ne 19:24

Dwɛtɛ dwinvolɛ bie wɔ ɛkɛ, bɛfɛlɛ ye Dimiteleɛse. Ɔfa dwɛtɛ fufule ɔyɛ bozonle raalɛ Aatɛmese ananze ɔtɔne ye. Zɛhae gyima maa dwinvolɛma nyia ezukoa kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

1 Sam 28:3

Akee Samoɛle ɛwu. Yizilayɛma kɔsɔɔti ɛzu ye na bɛzie ye wɔ ye sua zo Releema. Sɔɔlo ɛdu menli mɔɔ bɔ menli munzule nee bɛdabɛ mɔɔ bɛtendɛ nwomenle nloa zo la kɔsɔɔti wɔ Yizilayɛ maanle ne anu.

1 Sam 28:7

Akee Sɔɔlo zele ye sonvolɛma ne kɛ, “Bɛkpondɛ raalɛ mɔɔ tendɛ nwomenle nloa zo la bɛmaa mengɔ ɔ nwo abisa.” Sonvolɛma ne buale ye kɛ, “Raalɛ bie wɔ Ɛndɔ mɔɔ ɔbɔ mɔdenle a.”