Ɛzoanvolɛma Gyima ne 16:14 - BAEBOLO ANZƐƐ BULUKU NWUANZANWUANZA

¹⁴ Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 16:14 ပူးပေါင်းရင်းမြစ်များ

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Sɔlɔmɔn Edwɛne 5:4

Me kulovolɛ ne zɔle anlenkɛ ne ɛlakolo ne anu, na me kunlu dele me.

Ayezaya Buluku ne 50:5

Awulae Nyamenle ɛbuke me nzo, yɛɛ meande ɔ nwo atua, meangakyi me nzi meanzi ye.

Edwɛkpa ne kɛmɔ Luku hɛlɛle la 24:45

Akee ɔbukele bɛ adwenle ɔmanle bɛdele Nyamenle Edwɛkɛ ne abo,

Dw 12:20

Gilikima bie boka menli mɔɔ hɔle Gyɛlusalɛm kɛ bɛkazonle la anwo wɔ mekɛ mɔɔ bɛdi ɛvoyia ne la.

Ɛzoanvolɛma Gyima ne 10:2

Ɔle sonla mɔɔ sulo Nyamenle a, yɛɛ ɔ nee ye sua nu amra amuala bɛsonle Nyamenle. Ɔ sa do Dwuuma ehyianvolɛma anwo zo, yɛɛ ɔnva ye nzɛlɛlɛ wɔ Nyamenle anyunlu ɔndo aze.

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 13:43

Nzinlii mɔɔ bɛkpɔnenle la, Dwuuma nee bɛdabɛ mɔɔ bɛnle Dwuuma mɔɔ boka Dwuuma Nyamenlezonlenlɛ ne anwo la dɔɔnwo doale Pɔɔlo nee Baanabase, na ɛzoanvolɛma ne zile bɛ ahonle kɛ bɛzɔ Nyamenle ɛlolɛ ne anu kpundii.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 16:40

Pɔɔlo nee Saelase vi efiade ɛkɛ ne la, bɛhɔle Ledea sua nu. Bɛhɔdole mediema ne bie mɔ wɔ ɛkɛ, bɛdendɛle bɛhilele bɛ, bɛzile bɛ ahonle, na akee bɛhɔle.

Ɛzoanvolɛma Gyima ne 18:7

Na Pɔɔlo vi ɛleka mɔɔ ɔde la dule na ɔhɔle nrenya bie mɔɔ ɛnle Dwuunli, na ɔsonle Nyamenle la sua nu. Nrenya ne bɛfɛlɛ ye Taeteɛse Gyɛsetɛse; ye sua nu bikye Dwuuma nyianu sua ne.

Ɛzoanvolɛma Gyima ne 8:27

Na Felepe zile nu hɔle. Ɛnee Yiteyopeanli kpanyinli bie mɔɔ le abɔlɔba kpanyinli mɔɔ nea Yiteyopea Belemgbunli Raalɛ ne gya zo la ɔdaye ɔlua adenle ne azo. Ɔhɔle Nyamenle ɛzonlenlɛ wɔ Gyɛlusalɛm na ɔde ye ehwili nu yezia ɔlɛkɔ ye sua zo. Mɔɔ ɔde ehwili ne anu la ɛnee ɔlɛkenga Nyamenle kpɔmanvolɛ Ayezaya nwoma ne.

Wulo 9:16

Yemɔti, Nyamenle anwunvɔnezelɛ ne ɛngyi mɔɔ sonla kpondɛ la, anzɛɛ mɔɔ ɔkɛyele ɔ nwo kɛ ɔyɛ la azo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.