Ɛzoanvolɛma Gyima ne 16:12 - BAEBOLO ANZƐƐ BULUKU NWUANZANWUANZA

¹² Yɛvi ɛkɛ ne la yɛhɔle Felepae, mɔɔ le suakpole wɔ Masidonea maanzinli nu la. Suakpole ɛhye Wulomu Maanle Maanle belemgbunli ne a bɔle ye nzeseɛ a. Yɛlile kenle dɔɔnwo wɔ sua ne azo.

Ɛzoanvolɛma Gyima ne 16:12 ပူးပေါင်းရင်းမြစ်များ

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 16:21

Bɛlɛfa amaamuo mɔɔ nee yɛ ɛdeɛ ne ɛnle ko la bɛarahilehile yɛ. Yɛmɛ yɛle Wulomuma mɔɔ yɛdie bɛ ngilehilelɛ ne yɛto nu a ɔnyɛ boɛ a.”

Ɛzoanvolɛma Gyima ne 16:9

Nɔe ne Pɔɔlo nwunle ɛnyelɛzodeɛnwunlɛ kɛ nrenya bie vi Masidonea ɛragyinla ɔ nyunlu ɛkɛ ne na ɔlɛkpa ye kyɛlɛ kɛ, “Bɛla Masidonea maanzinli nu na baboa yɛ!”

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 19:29

He-e-e ko mɔɔ bɛyɛle la pɛle sua bɔdenle ne. Na nzakama ne mɔ dule twi kokye la ɛnee bɛwɔ Masidoneama nwiɔ, Gayɛse nee Alesetaakɛse mɔɔ nee Pɔɔlo a lua la anwo zo nwee. Bɛhwenle bɛ bɛ nee bɛ hɔle ɛleka mɔɔ ɔyɛ a bɛyia la.

Ɛzoanvolɛma Gyima ne 20:1

Nzinlii mɔɔ nzakadolɛ ne guale la, Pɔɔlo vɛlɛle ɛdoavolɛma ne na ɔmanle bɛ akɛnrazilɛ, ɔ nee bɛ lile nrɛlaleɛ na ɔhɔle Masidonea.

Ɛzoanvolɛma Gyima ne 20:3

Ɔlile siane nsa wɔ Akaya. Na mɔɔ ɔhuohuanle ɔ nwo kɛ ɔkɔ Selea la, ɔnwunle kɛ Dwuuma ne ɛhɔ ɔ ti akpamo. Yemɔti ɛkɛ ne ala ɔyɛle ye adwenle kɛ ɔpe aze yealua Masidonea yeazia.

Ɛzoanvolɛma Gyima ne 20:6

Na mɔɔ Angye Ɛvoyia ne pɛle nu la, yɛvale ɛlɛne yɛvile Felepae; ye kenle nnu ne azo yɛhɔdole bɛ wɔ Tulowase na yɛlile dapɛne ko wɔ ɛkɛ.

Ɛzoanvolɛma Gyima ne 27:2

Yɛhɔvole ɛlɛne bie mɔɔ vi Adelameteɛm, mɔɔ ɛlɛkɔ Ehyea maanzinli nu la anu na yɛdule. Alesetaakɛse, mɔɔ le Masidoneanli na ɔvi Tɛsalonaeka la boka yɛ nwo.

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:5

wɔ moalɛ mɔɔ bɛva bɛboa me wɔ Edwɛkpa ne anwo gyimalilɛ nu, ɔvi mɔlebɛbo ne amuala toonwo mɔɔ ɛradwu ɛnɛ la.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.