Ɛzoanvolɛma Gyima ne 15:7 - BAEBOLO ANZƐƐ BULUKU NWUANZANWUANZA

⁷ Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 15:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:12

Yemɔti kɔ na mebade ɛ nloa na meahilehile wɔ mɔɔ ɛbaha la.”

Gyɛlɛmaya Buluku ne 1:9

Akee Ɛdɛnkɛma dendenle ɔ sa, ɔvale ɔhanle me nloa na ɔzele me kɛ, “Nea, meva me edwɛkɛ ne medua ɛ nloa.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Ɛzoanvolɛma Gyima ne 1:16

“Ayi mɔ, ɔwɔ kɛ Nyamenle Edwɛkɛ ne mɔɔ Sunsum Nwuanzanwuanza ne luale Belemgbunli Devidi anwo zo hanle dole ɛkɛ ne, mɔɔ fane Dwudase mɔɔ lile menli mɔɔ rahyele Gyisɛse la anyunlu la anwo la yɛ nɔhalɛ.

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Ɛzoanvolɛma Gyima ne 10:19

Mɔɔ Pita gua zolɛ tɛdwenle mɔɔ yenwu ye la anwo na ɔkulo kɛ ɔte ɔ bo la, Nyamenle Sunsum ne zele ye kɛ, “Nea, menli nsa ɛra ɛke bakpondɛ wɔ.

Ɛzoanvolɛma Gyima ne 10:20

Yemɔti dwu aze kɔyia bɛ; mmadwenle nwolɛ, ɛ nee bɛ ɛhɔ. Ɔluakɛ medame a mezoa bɛ a.”

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 15:14

Saemɔn ɛha ɛhile nu kɛkala kɛ ɔzile ɔyɛle mɔɔ Nyamenle anye hɔle bɛdabɛ mɔɔ bɛnle Dwuuma la anwo zo na ɔyele menli wɔ bɛ avinli ɔrayɛle ye ɛdeɛ bɔkɔɔ la.

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 15:39

Ɛhye anwo kpolerazulɛ yɛle kyengye kpalɛ manle bɛ mu nwiɔ bɛ avinli tetele. Baanabase vale Maake na ɔ nee ye pɛle azule hɔle Saepelɛse.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:16

Na ɛdoavolɛma bie mɔɔ wɔ Sizalia la nee yɛ hɔle, na yɛhɔzokoɛle diedinli Meneesen mɔɔ vi Saepelɛse mɔɔ mɔlebɛbo ne ala ɔliele Gyisɛse ɔlile la sua nu.

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Ɛzoanvolɛma Gyima ne 4:25

ɛluale wɔ Sunsum Nwuanzanwuanza ne anwo zo ɛmanle yɛ nlenya Devidi, wɔ akɛlɛ ne dendɛle zele kɛ, ‘Duzu ati a maanle maanle ɛva ɛya kpole zɛhae a na menli dwenle adwenle ɛtane zɛhae ɛ?

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:14

Bɛmmatendɛ bɛ nzo abo na bɛsu kpolera wɔ bɛ debie biala ɛyɛlɛ nu,